Eitt sindur um kroppin hjá Phelps

Gawker gevur her nøkur boð uppá hví Phelps er so góður. Vanliga eru armarnir á monnum umleið líka so langir sum teir eru høgir, men hjá Phelps eru armarnir 2 metrar langir og kroppurin 1,93. Tað er serliga yvirkroppurin sum er langur, meðan beinini eru sum á einum manni ið er ‘bara’ 1,77 metrar høgur. Føturnar eru ikki yvirógvusliga stórar (stødd 48½, Thorpe brúkar til samanberingar umleið stødd 53), men so liðiligar, at hann kann standa á bibbunum sum ein ballett-dansari. Vøddarnir hjá honum skapa ónormalt lítið mjólkarsýru. Og so hevur hann “Attention Deficit Hyperactivity Disorder”, sum minnir um DAMP. Continue reading Eitt sindur um kroppin hjá Phelps

Tae-Hwan Park scorar kassan

18 ára gamli olympiski meistarin í 400 frí er nú so populerur í sínum heimlandi Suður-Korea, at hann sambært Reuters hevur scorað eina lýsingakampagnu við virði av meira enn 96 milliónir dollarar (t.e. einar 486 milliónir krónur), umframt at fáa 600.000 dollarar í virðisløn (t.e. yvir 3 milliónir krónur) frá stjórnini og sponsorum í Suður-Korea. Og pengarnir eru nokk væl givnir út, tí til dømis sigur framleiðarin av teimum stóru høvuðtelefonum sum Park hevði uppi á høvdinum á veg út til teir 400, at sølan eksploderaði aftaná gullheiðursmerkið.
Continue reading Tae-Hwan Park scorar kassan

Speedo LZR vann OL

Speedo og nýggja superdraktin LZR hevur sambært tíðindunum her á SwimNews og á heimasíðuni hjá Speedo vunnið OL:

  • 23 out of 25 WR’s have been won by athletes wearing Speedo LZR RACER at the Beijing Games (92%).
  • 94% of gold medals at the games have been won in Speedo LZR RACER.
  • 89% of all medals were won in Speedo LZR RACER.
  • Every event in men’s swimming was won by an athlete wearing the Speedo LZR RACER.

Men sum man eisini sær á myndunum á www.speedo.com, so svam Michael Phelps eina rúgvu við berum yvirkroppi, so vítt eg veit tí at hann hevur so nógv ørvísi kropp enn ‘standard’, at hann ikki passar standard-draktirnar hjá Speedo.

So tað er altso ikki bara draktin sum skapar úrslitini 🙂 Continue reading Speedo LZR vann OL

TV2 savnar inn til at hjálpa Ottesen at gjalda bótina frá danska svimjisambandinum

Danska Jeanette Ottesen fekk 5000 krónur í bót frá danska svimjisambandinum, fyri at velja eina Speedo LZR Racer drakt hóast danska landsliðið eigur at brúka Arena. Nú savnar danska sjónvarpsrásin TV2 inn, til at hjálpa Jeanette at gjalda bótina. Continue reading TV2 savnar inn til at hjálpa Ottesen at gjalda bótina frá danska svimjisambandinum

Mirakul-innslagið hjá Phelps

Svimjarar, tit MUGU hyggja at hesum! Hetta er nevniliga mynd fyri mynd samanbering av hvussu Phelps og Čavić enda teir 100 firvald, sum Phelps vann við éinum hundraðparti. Legg til merkis, at Čavić velur at glíða allarseinasta partin inn til veggin, meðan Phelps velur at taka eitt seinasta, stutt tak. Ikki altíð rætta valið… men hesuferð riggaði tað 🙂

(Annars helt eg við Čavić. Man er væl hálvur serbi, nú) Continue reading Mirakul-innslagið hjá Phelps

Phelps er nú offisielt størsti svimjari nakrantíð

Amerikanska stafettin vann gull og setti heimsmet í 4×100 blandað við tíðini 3:29.34, har heimsmetið hjá teimum frá Athen 2004 var 3:30.68, og harvið vann Michael Phelps sítt áttanda gull á somu olympisku leikum, sum er éitt gullheiðursmerki meira enn Mark Spitz í München 1972. Avstralska kvinnustafettin í 4×100 blandað setti eisini heimsmet við tíðini 3:52.69, har heimsmetið hjá teimum frá HM í fjør var 3:55.74. Continue reading Phelps er nú offisielt størsti svimjari nakrantíð

Danir síðstu amatørar á olympisku leikum

Hetta er cirka citat úr Ekstra Blaðnum: “Danskerne – de sidste amatører“. Lotte Friis sum í morgun vann bronsu í 800 frí, stendur vanliga og ekspederar í einum ítróttarhandli, meðan hinar báðar frammanfyri liva av svimjingini.

Danski sportschefurin Lars Sørensen nevnir tríggjar faktorar sum avgerandi fyri at svimjingin hevur mennt seg so nógv eisini á hesum leikum: Nýggju superdraktirnar, ‘vísindalig-gerðing’ av ítróttinum, og so tað at tey bestu nú eru fulltíðar-svimjarar, vegna sponsorpengar og/ella stuðul frá heimlandinum.

Danir fáa sambært Lars Sørensen fylgt við á teimum báðum fyrstu punktum, men ikki tí triðja. Tey kunnu eisini keypa seg til hesar nýggju draktir, og hava eftirhondini nógvar serfrøðingar runt svimjingina at trekkja uppá. Men svimjingin er ein ov lítil ítróttargrein í Danmark til at kunna skaffa tær stóru sponsorupphæddirnar, og Team Danmark kann heldur ikki tryggja íðkarunum nóg nógvan stuðul, til at tey kunnu fokusera fult og heilt upp á ítróttin.

Spurningurin er so hvussu nógvar faktorar vit uppfylla í Føroyum. Continue reading Danir síðstu amatørar á olympisku leikum

2 heimsmet afturat í morgun

Kirsty Coventry úr Simbabvi setti heimsmet í 200 rygg við tíðini 2:05.24, har amerikanska Margaret Hoelzer átti heimsmetið á 2:06.09 frá U.S. Trials í juli mánaða. Og bretska Rebecca Adlington tók elsta met í bókini, tá ið hon svam 800 frí í tíðini 8:14.10, og harvið fór heili 2 sekund undir 16 ára gamla metið á 8:16.22 hjá Janet Evans. Danska Lotte Friis kláraði akkurát at vinna bronsu í hesi kapping, tá ið rumenska Camelia Potec móti endanum doyði fullkomiliga, og reyk frá at liggja klárt nr 2 til at gerast nr 4.

Michael Phelps kláraði á líknandi hátt akkurát at vinna 100 firvald, og harvið tangera metið hjá Mark Spitz, at vinna 7 gull á somu olympisku leikum, tá ið hann við éinum hundraðparti vann á serbanum Milorad Čavić. Phelps lá annars heilt afturi á 7. plássi eftir fyrstu 50, og Čavić klárt fremst; men í sjálvum innslagnum á málstrikuni gjørdi Čavić tann feil ikki at taka eitt eyka tak, meðan Phelps tók eitt stutt og skjótt tak ið akkurát vann gullið.

Við hesum 7 gullheiðursmerkjunum er tað nú rættiliga vist, at hann fer at klára 8 eisini, tá ið amerikansku mennirnir fara at svimja síðstu stafettina. Continue reading 2 heimsmet afturat í morgun

Glæsner svam flott 1500, men metið hjá Pál yvirlivdi

Danin Mads Glæsner betraði heilt nógv um sítt norðurlendska met í 1500 frí, men tó ikki so nógv at hann eisini tók metið í 800 frí. Nýggja metið í 1500 frí er 15:03.33, har hann á HM í fjør svam 15:12.10, og tíðin hjá honum eftir 800 metrar var 7:59.12. Tíðin hjá Glæsner var ikki nóg góð til at koma í finaluna. Continue reading Glæsner svam flott 1500, men metið hjá Pál yvirlivdi

3 heimsmet í morgun

Amerikanska Rebecca Soni kláraði yvirraskandi at vinna á ‘Lethal’ Leisel Jones í 200 bringu, við nýggjum heimsmeti 2:20.22, har heimsmetið hjá Leisel Jones frá 2006 var 2:20.54. Leisel Jones varð nr 2, og norska Sara Nordenstam kláraði so at svimja seg til bronsu við tíðini 2:23.02. Ryan Lochte vann á Piersol og Vyatchanin í 200 rygg við nýggjum heimsmeti 1:53.94, har heimsmetið hjá honum og Piersol var 1:54.32. Og Michael Phelps vann sítt sætta gullheiðursmerki í 200 blandað, við betring av sínum egna heimsmeti frá 1:54.80 til 1:54.23. Continue reading 3 heimsmet í morgun