Hetta vikuskiftið er Ægir Open í Klaksvíkar Svimjihøll, sum Ægir skipar fyri. Startlisti og úrslit síggjast her á Swimify
Stevnupartarnir eru
Her eru úrslitini frá “Suðuroyar Sparikassa” svimjistevnuni sum Suðuroyar Svimjifelag skipaði fyri í Páls Høll í Vági, nú leygardagin hin 12. oktober 2024. Hetta var stevna fyri okkara yngstu aldursbólkar, har tey svumu breiddir í langhylinum í Vági. Úrslitini síggjast eisini her á Swimify.
Isak D. Brisenfeldt (2006) úr Havnar Svimjifelag setti sunnudagin stórt nýtt føroyskt juniormet í 200 metra firvaldasvimjing á stuttgeil, tá ið hann á “International Swimming Competition For The School Director’s Cup – ZSOMS Kraków” vann kappingina í hesi grein við tíðini 2:02.66. Isak átti sjálvur føroyska juniormetið á 2:03.62, frá NM/NJM 2023 í Tartu í Estlandi í desember í fjør. Sí úrslitalistan her
Svimjarar úr Havnar Svimjifelag gjørdu aftur í dag vart við seg, á “International Swimming Competition For The School Director’s Cup – ZSOMS Kraków”. Bartal og Isak vunnu ávikavíst gull og silvur í 100 frí, og Isak setti eftir øllum at døma juniormet í 200 firvald.
Tað sær sostatt út til, at Isak D. Brisenfeldt setti stórt nýtt føroyskt juniormet, við at svimja 2:02.66 í 200 firvald, har hansara egna met frá NM/NJM í Tartu í desember í fjør var 2:03.62. Óli Mortensen eigur føroyska metið á 2:01.46, frá tá ið hann vann gull á Oyggjaleikum á Gotlandi í 2017.
Andrass Thomsen gjørdi ikki mætari enn at vinna gull í báðum teimum kappingum sum hann luttók í, nú á Nordic Open Masters 2024 í Malmø.
Tey svumu aftur seinnapartin á “International Swimming Competition For The School Director’s Cup – ZSOMS Kraków”, og vunnu svimjarar úr Havnar Svimjifelag sær tá enn fleiri heiðursmerki.
Sum skilst vóru eisini heiðursmerki í aldursbólkum, bæði í morgun og seinnapartin.
Isak D. Brisenfeldt endaði við at hava næstbesta avrik á stevnuni, éitt AQUA-stig aftanfyri nr 1, meðan Bartal E. Eidesgaard hevði hitt fjórbesta hjá monnum.
Tey byrjaðu tíðliga í morgun at kappast á “International Swimming Competition For The School Director’s Cup – ZSOMS Kraków”, og hava svimjarar hjá HS longu vunnið heiðursmerki.
Isak hevur til nú 4. besta avrik á stevnuni, við úrslitinum í 100 firvald, meðan Bartal hevur tað 7. besta, við úrslitinum í 50 frí. Sí listan her
Andrass Thomsen luttekur hetta vikuskiftið á Nordic Open Masters í Malmø í Svøríki, og hevur har longu gjørt vart við seg. Hann vann nevniliga í kvøld gull í 800 frí, við tíðini 9.32.58. Sí Swimify
Ein hópur hjá Havnar Svimjifelag er í hesum døgum í Krakow í Póllandi, á venjingarlegu umframt at tey nú leygardag 12. og sunnudag 13. oktober fara at luttaka á “International Swimming Competition For The School Director’s Cup – ZSOMS Kraków”.
Startlistar og úrslit síggjast her á livetiming.pl
Her er innbjóðing til Føroyameistarastevnuna og Juniormeistarastevnuna á stuttgeil 2024, sum Svimjisamband Føroya og Havnar Svimjifelag skipa fyri í Svimjihøllini í Gundadali hin 8. til 10. november 2024.
