Starvsnevnd SSF hevur samtykt at vilja bjóða fylgjandi svimjarum luttøku á HM á stuttgeil 2024, sum verður í Budapest í Ungarn hin 10. til 15. desember 2024. Svimjararnir eru spurdir, og hava tikið av tilboðnum.
Úttøka til HMS 2024
Category: Kapping
Úttøka til NM/NJM 2024
Starvsnevnd SSF hevur samtykt at vilja bjóða fylgjandi svimjarum luttøku á NM og NJM 2024, sum verður í Vejle í Danmark hin 1. til 3. desember 2024. Svimjararnir eru spurdir, og hava tikið av tilboðnum.
Líggjas til DM fyri lið í vikuskiftinum
Líggjas Joensen (2008) luttekur í vikuskiftinum við Aalborg Svømmeklub í bestu deildini á DM fyri lið, sum SvømDanmark og Swim Team Odense skipa fyri í Odense. Sí luttakaralistan her á svømmetider.dk
Minst 11 svimjarar klárir til Oyggjaleikir 2025
Hetta var eitt øgiligt FM sum vit høvdu í vikuskiftinum, við nógvum metum og góðum tíðum yvirhøvur. Ein avleiðing er, at vit nú hava minst 11 svimjarar sum hava klárað kravtíð til Oyggjaleikir 2025 á Orkney, sambært innsendu fráboðanum.
Úrslit frá FMS/JMS 2024
Her eru úrslitini frá FøroyaMeistarastevnuni og JuniorMeistarastevnuni á stuttgeil 2024, sum Svimjisamband Føroya og Havnar Svimjifelag skipaðu fyri í Svimjihøllini í Gundadali, nú fríggjadag 8. til sunnudag 10. november 2024.
Sí eisini her á Swimify, her á SwimRankings og her á Tempus
Metnógv met á FMS/JMS 2024
Eftirsum at tað líkasum kendist í kroppinum, so havi eg sett meg at hyggja at metum sett á Føroyameistarastevnuni og Juniormeistarastevnuni á stuttgeil, so langt aftur sum eg klári.
Og tað sær út til at FMS/JMS 2024 er tað besta, í øllum førum síðani vit fluttu FMS/JMS til at vera í oktober/november, heldur enn í apríl/mai. Tvs. til væl fyrri í svimjiárinum, har svimjarar vanliga betra seg frá summarferiu til summarferiu.
Super næsti dagur á FMS/JMS 2024
Næsta finalukvøld var øgiligt, nú á FøroyaMeistarastevnuni á stuttgeil 2024. Fimm føroysk met og 2 føroysk juniormet, harav Bartal Eidesgaard átti trý met og HS tvey í somu kapping. Hartil svam Líggjas Joensen eina tíð afturat undir HM-kravtíð.
Góður fyrsti dagur á FMS/JMS 2024
FM og JM á stuttgeil 2024 byrjaði nú fríggjadagin hin 8. november 2024, við nógvum góðum úrslitum, íroknað føroysk met og kláraðar kravtíðir til altjóða kapping. Kappast varð í helvtini av nýggja langhylinum í Svimjihøllini í Gundadali, sum kann styttast til endamálið. Sí úrslitalistarnar her á Swimify
Kappast verður aftur í morgun, frá kl 09:30 við juniormeistarastevnu og innleiðandi riðlum til FM-finalur, og síðani aftur frá kl 17:00 við FM-finalum. Svimjisambandið stroymar her á YouTube, og annars er gott pláss og ókeypis at fara í høllina at hyggja.
Continue reading Góður fyrsti dagur á FMS/JMS 2024Startlisti til FMS/JMS 2024
Hetta vikuskiftið verður FøroyaMeistarastevnan og JuniorMeistarastevnan á stuttgeil 2024, í nýggja langhylinum í Havn. Luttakaralistarnir síggjast her á Swimfy, har úrslitini eisini fara at verða at síggja so hvørt sum kappast verður.
Líggjas trífaldur danskur juniormeistari og gullnál við stjørnu
Líggjas Joensen megnaði í vikuskiftinum at vinna trý gullheiðursmerki og eitt úr silvuri á donsku juniormeistarastevnuni á stuttgeil 2024, við sera stórum betringum av sínum bestu tíðum.
Hartil svam hann tvær ferðir undir kravtíð hjá altjóða svimjisambandinum til heimsmeistarastevnuna á stuttgeil 2024, við tíðum sum rukku til gullnál við stjørnu frá Svimjisambandi Føroya.
