Felagsskapur – Page 4

Mannagongd ísv átakið “Klárar tú 200?”

Her er mannagongdin sum vit hava gjørt til hesa nýggju svimjiroynd SSF, sum er kjarnan átakinum “Klárar tú 200?”.

SSF-mannagongd-Svimjiroynd-SSF-Klarar_tu_200m.pdf Download

Har er eitt tilhoyrandi oyðublað, til at fáa at vita í øllum førum hvar royndin varð klárað, umframt gjarna eisini føðiár, kyn og heimbýur ella -bygd hjá svimjaranum.

Svimjarin má gjarna vera ónevndur, um hann ella hon ynskir tað. Har er tó enn møguleiki at geva upp navn, um svimjarin velur tað.

Í móti endanum stendur heldur knortlut, at møguligt gjald má fáast inn, áðrenn nálin verður handað. Har er bara einki gjald, í ár 🙂

Annars sera stuttligt at uppliva tann áhuga sum er fyri hesum tiltaki, og ta vælvild sum vit uppliva í svimjihallunum.

Við svimjikvøðu

Rókur

Klárar tú 200? – Nýtt átak til at betra um svimjiførleikan í Føroyum

Svimjisamband Føroya fer nú undir eitt átak til at fáa so nógvar føroyingar sum gjørligt at kanna, um teir klára at svimja 200 metrar uttan íhald ella hjálpitól. Ein serlig nál er gjørd til tey sum prógva hetta, og var sjálvur Løgmaður hin fyrsti at gera tað.

Løgmaður klárar 200. Lis Gøthe í Jákupsstovu eigur myndina

Dómaraskeið í Havn hin 14. til 16. januar 2022

Svimjisamband Føroya skipar hin 14. til 16. januar 2022 fyri dómaraskeiði í Havn, undir leiðslu av royndu yvirdómarunum Henriette og Jens Soelberg Jensen. Hetta sum liður í nýggjum samstarvi við Dansk Svømmeunion, har fyrstu 4 mótul í donsku skipanini nú verða bjóðað í Føroyum, við møguleika fyri seinni at taka útbúgving víðari til yvirdómara.

Aðalskrivari til Svimjisamband Føroya

Svimjisamband Føroya søkir eftir aðalskrivara at taka sær av dagliga virkseminum í sambandinum, sum parttíðarstarv í Havn ella Saltangará. Nakað av ferðing er væntandi, umframt uppgávur eisini uttanfyri vanliga arbeiðstíð.

ÍSF søkir eftir samskipara at fyrireika Føroyaleikir 2022

”Brennir tú fyri føroyskum ítrótti og vilt tú vera við at gera Føroyaleikir 2022 til nakað heilt serligt?”

So er tað tær, vit leita eftir!!

Samskipari til Føroyaleikir – Ítróttasamband Føroya (isf.fo)

Hug at velja og kunna veljast til íðkaranevnd ÍSF?

ÍSF sóknast eftir íðkarum sum hava valrætt ella valbæri til nýggju íðkaranevnd ÍSF.

Íðkaranevndin umboðar sjónarmiðini hjá aktivu íðkarunum, og er ráðgevandi hjá starvsnevnd og undirnevndum ÍSF og Úrval í viðurskiftum hjá úrvalsíðkarum. Formaðurin í íðkaranevndini fær sæti í starvsnevnd ÍSF.

Valrætt og valbæri hava tey ítróttafólk, sum eru fylt 18 ár og hava umboðað teirra ítróttagrein í millumtjóða ella altjóða kappingum í seinasta lagi seks ár undan uppstilling til val í nevndina.

Millumtjóða og altjóða kappingar eru at rokna: HM, EM, NM, Oyggjaleikir og kappingar, sum altjóða sambandið skipar fyri. Altjóða sambandið er her t.d. FINA og LEN.

Sí reglugerðina fyri íðkaranevndina her á isf.fo.

Um tú ert ein av hesum, og ynskir at koma á listan, vinarliga fyll tá út oyðublaðið her.

Tempus.fo í luftina

So er nýggja stevnuskipanin hjá føroysku svimjingini sett upp og klár at nýta, sum vit fara at brúka til at lýsa við svimjistevnum, savna inn tilmeldingar og úrslit, og til at draga samanum við hagtølum og styrkislistum.

Bretskur venjari koyrdur av OL-landsliðnum vegna óskil í sínum svimjifelagi

The Guardian skrivar her um hvussu Alan Bircher er tikin av bretska OL-landsliðnum, sum fylgi av drúgvari kanning av óskili í svimjifelagnum har hann var høvuðsvenjari. Opinbart hava har verið so mikið stórir trupulleikar við happing um millum annað vekt og ólýdni mótvegis koronatilmælunum, at hann og ein annar hartil eru settir frá sum venjarar hjá felagnum, har Swim England so traðkar til við nýggjum leiðslubygnaða.

underwater photography of swimmer — Photo by Heart Rules on Pexels.com

FINA innført reglur til at verja ímóti ágangi og misnýtslu

Altjóða svimjisambandið hevur í dag kunngjørt eitt nýtt regluverk kallað “Rules on the Protection from Harassment and Abuse”, sum skal verja okkum øll ímóti ágangi og misnýtslu, ið fáast við svimjiítrótt. Hesar reglur eru í tráð við tilsvarandi útmelding frá altjóða olympisku nevndini IOC um “Harassment and Abuse in Sport”, og skulu innførast eisini í limalondunum hjá FINA, annaðhvørt við at nýta reglurnar hjá FINA sum tey eru, ella við at innføra tilsvarandi reglugerð.

multiethnic friends bullying woman on street — Photo by Keira Burton on Pexels.com

FINA byggir nú svimjihyl í Butan og depil í Suðurafrika

Nýkosni FINA-forsetin undirskrivaði í dag avtalu um bygging av svimjihyli í Butan, og um samstarv til at fáa í lag ein menningardepil í Suðurafrika. Hetta sum liður í ætlanini hjá nýggja forsetanum, at styrkja um menningarpartin av virkseminum hjá FINA, og at stuðla serliga teimum sum hava tørv á tí.

FINA skrivar at svimjihylurin í Butan verður hin fyrsti nakrantíð í landinum, sum tá má vera soleiðis til rættiliga svimjing, við tað at finnast hyljar í hotellum og líknandi. Hann verður bygdur í høvuðsstaðnum Thimpu, sum liggur í 2400m hædd, á markinum til Himalaia. Har stendur einki um hvussu stórur hylurin er.