Tíðindaskriv frá Svimjisambandi Føroya
Nú mánamorgun 9. august byrjar evropameistarastevnan í svimjing á langgeil, sum í ár er í Budapest í Ungarn. Fyri Føroyar luttaka Pauli Ø. Mohr og Pál Joensen, á hesi fyrstu veruliga stóru altjóða svimjistevnu eftir at superdraktirnar eru burtur.
Continue reading Føroyingar á evropameistarastevnu í Budapest
Bara ein stutt heilsan her úr Budapest, nú vit øll eru komin upp á pláss. Teir báðir Pál og Pauli hava verið og vant bæði í gjár og í dag, og tað sær út til at alt koyrir so nøkulunda. Ungarar eru ikki so raskir at kunna um alt tað ymiska, men tykjast hinvegin at koyra rættiliga rutinerað upp á ‘autopilot’.
Spanski Rafael Muñoz Pérez var sum kunnugt í vanda fyri at fáa 2 ára dopingkarantenu vegna brot á “whereabouts” reglurnar, av tí at hann eftir HM í fjør fór út at ferðast við vinum, uttan at fortelja dopingmyndugleikunum hvar hann var. Nú hevur FINA Doping Panel valt at lata hann sleppa við eini ávaring, tí at tey meta hendingina sum “a personal situation”, og loyva honum tí frítt at luttaka á til dømis EM í Budapest. Men allar súðir eru ikki syftar enn, WADA kann velja at kæra avgerðina, og Craig Lord á SwimNews er í øllum førum ikki glaður um avgerðina.
Amerikanski David Plummer gjørdi í gjár, tað sum allir ‘underdogs’ droyma um, á US Nationals stevnuni í Irvine, California. Nevniliga at koma nærum úr ongum og vinna á stjørnum sum Aaron Piersol og Matt Grevers. Á swimnetwork skrivar Mike Gustafson, at hendingin kann samanberast við at Paris Hilton gjørdist forseti í USA, og at tú á áskoðarabeinkinum hoyrdi øll uttan nøkur fá tandur úr Minnesota teska “Who is David Plummer”. Og tá ið maðurin so sjálvur eisini vísir sítt yvirraskilsi, so brølaði øll høllin í senn, fyri hesi nýggju stjørnu. Go David Plummer ! 🙂
Michael Phelps kappast í hesi viku á US Nationals, men er sambært honum sjálvum og venjaranum Bob Bowman “under-prepared”. “If we wanted him to swim into London, we had to have this year,” sigur Bowman um ætlanirnar hjá Phelps at kappast til og við OL í 2012, men við hesum ári sum eitt slag av fríár. “Otherwise, he wouldn’t have made it”. Les grein hjá AFP her.
Pál og Pauli eru sum kunnugt í Canet á venjingarlegu upp undir EM í Budapest, har hendan myndin varð tikin. Jon Hestoy er longu í Balaton nær Budapest, har hann í gjár sum altjóða dómari í “open water” svimjing sá Thomas Lurz vinna gull á 10 km teininum. Í morgin fara Pál, Pauli, Thurid og Jón til Budapest via Prag, og í ovurmorgin fari eg so sjálvur eisini til Budapest via Keypmannahavn.
[Íslendska og føroyska liðið í Canet. Frá vinstru Jacky Pellerin, Jakob Jóhann Sveinsson, Pauli Ø. Mohr, Pál Joensen, Jón Bjarnason og Thurid Kjærbo]
Hóast tað vísir seg at vera trupult at seta heimsmet í ár, nú superdraktirnar eru burtur, so væntar høvuðsvenjarin hjá amerikanska landsliðnum Mark Schubert allíkavæl okkurt heimsmet, á komandi US Nationals ella á Pan Pacific kappingini millum USA, Avstralia, Kanada og Japan. Les her á USA Today:
“Last year, everyone — swimmers and coaches included — thought we would not see another world record for 10 to 20 years,” says Mark Schubert, USA Swimming’s national team head coach. “This year, my prediction is we will see world records at nationals and at Pan Pacs. Not a lot, but we will start to see them.”
Tíðindaskriv frá fyriskiparunum
Nólsoyarsvimjingin er triðja havsvimjingin í ár. Á jóansøku skipaði Susvim fyri svimjing um Vágsfjørð. Hon bleiv
orsaka av oljudálking flutt vestur á vatnið. 25 svimjarar vóru við til tiltakið.
Continue reading Nólsoyarsvimjingin 14. aug 2010
Flotta svimjistadion í Beijing letur nú upp aftur sum vatnland, eftir at hava verið undir umbygging í níggju mánaðir. Har er alt tað vanliga, alduhyljar og vatnrusjibanar, umframt vill ting sum til dømis ein rusjibani við loop og okkurt tey kalla “Tornado”. Men prísurin er, at í øllum førum nakrir kappingarhyljar og nøkur áskoðarasetur máttu víkja. Lesið her og sí myndarøð her.
Sum kunnugt svumu tey Ólavsøkuaftan kapp á Havnarvág, fyri fyrstu ferð í nógv ár. Úrslitið varð at Annika Olsen vann hjá kvinnum í opna bólkinum, Anja Joensen hjá kvinnum í masters bólkinum, Magnus Jákupsson hjá monnum í opna bólkinum, og Jon Hestoy hjá monnum í masters bólkinum. Tey vóru heili 31 sum svumu í góðveðrinum á Ólavsøku, og harav nógv eru kend bæði frá svimjing á havi og í kappingarhyli. Sí úrslitalistan her á hs.fo, og myndir her.
