Tíðindaskriv frá Svimjisambandi Føroya
Teir báðir Pauli Ø. Mohr og Pál Joensen svumu báðir fyri Føroyar á evropameistarastevnuni í Budapest í morgun, Pauli í innleiðandi riðlunum av 100 frí, og Pál í innleiðandi riðlunum av 800 frí. Hjá Paula gjørdist tað eitt stórt persónligt met, og hjá Páli rakk tað til finaluna í morgin.
Her er mynd av mær sjálvum saman við evropameistaranum í 100 metra bringusvimjing, norski Alexander Dale Oen. Alex kom sjálvur yvir at gratulera, og so var lætt at biðja um mynd.
Tíðindaskriv frá Svimjisambandi Føroya
Á triðja degi av evropeisku meistarastevnuni í kappsvimjing megnaði Pál Joensen tað sum vit bara tordu at droyma um, at vinna heiðursmerki eisini sum senior. Tíðin 14:56.90 er nýtt norðurlendskt seniormet, og triðbesta tíð í heiminum í ár.
Hetta eru orðini hjá Craig Lord, høvuðsskribentur fyri SwimNews.com, sum er ein av teimum heilt stóru svimjiheimasíðunum. Hann skrivar nógv um Pál í greinini her, og er sum so nógv onnur fullstendiga bergtikin av dirvinum hjá Páli, at leypa soleiðis avstað og halda ímóti bestu svimjarum í Evropa.
“Faroe Islands: build that man a 50m pool and name it after him…”
Continue reading Build that man a pool, and name it after him
Hygga siggj, fann ein buss her a ökinum fullur vid internet-farteldum. Tastaturid er heilt örvisi enn i Föroyum, so blindskrift hjalpir litid. Og föroysku stavirnar uppgevi eg bara fullkomiliga.
Continue reading Stutt heilsan av Alfred Hajos
Frætti beint nú frá rímiliga álítandi keldu (ha ha, Jón Brian :-), at Kringvarpið eisini fer at senda frá EM finaluni í 1500 metra frísvimjing, her í Budapest. Jón Bjarnason skal vist nokk kommentera ‘live’ onkunstaðni í føroysku miðlunum, og eg sá eisini á Facebook, at sendingin Parasol í ÚF fer at siga frá kappsvimjingini. Kiksar alt hetta, so ber sum altíð til at fylgja við á Eurosport, ella at lurta eftir upptakt til U21 landsdystin millum Føroyar og Andorra á Rás2.
Tey eru nógv sum spyrja, og eg leggi tí hesa mynd út her, tikin beinleiðis úr skránni í mínari “Team Leader’s Guide”. Har stendur at Pál svimur kl 17:02 lokala tíð í Budapest, sum er klokkan 16:02 í Føroyum. Og tað kann man rokna við, tí tað hevur jú okkurt við sjónvarping og sjónvarpslýsingar at gera. Eurosport sendir frá øllum EM, íroknað innleiðandi riðlar.
Almenna svenska sjónvarpsrásin SVT er sum ikki eina ferð fremsti miðil í øllum Norðurlondum, tá ið tað kemur til svimjing og ítrótt yvirhøvur. Tey senda frá øllum EM, við viðmerkjarum og øllum, og við regluligum videobrotum á www.svtplay.se.
Her er so endiliga videoin av teimum 50 metrunum firvald hjá Paula Ø. Mohr á EM í Budapest, fyrradagin. Eg havi trupulleikar við internetinum, sum blakar meg av regluliga, og tí steðgar uppsendingunum í hálvum gekki. Men í nátt riggaði tað so.
Jón Bjarnason tók hesa myndina, beint eftir at eg hevði hevað 50.000 ungarskar forintar, ella umleið 800 føroyskar krónur. Myntfóturin verður styttur HUF, eftir ljóðinum á tannáringapápum tá ið teir mugu punga út.
