Líggjas Joensen (2008, Ægir) megnaði fyri løtu síðani at vinna gull og junior-gull á donsku meistarastevnuni á langgeil 2024, tá ið hann í 1500 metra frísvimjing svam seg til úrslitið 16:14.08. Hetta í hørðum dysti við Malthe Elias Wolgast (2006) úr Vejle, sum Líggjas tók í spurtinum. Sí úrslitalistan her
Líggjas Joensen (2008, Ægir) royndi seg eisini í stafettum í dag, fyrst í morgun í 4×200 blandað, har Líggjas og teir úr Aalborg vunnu silvurheiðursmerki, og síðani í 4×100 frí í kvøld har Líggjas sum fyrsti svimjari svam skjótast av teimum fýra út Aalborg, til eitt klubbmet og her sjeyndapláss á DM 2024. Hartil royndi hann seg í DM-finalu í 200 frí, har hann varð nr 6 við úrslitinum 1:55.03
Líggjas Joensen (2008, Ægir) megnaði í morgun at vinna sær silvurheiðursmerki í juniorkappingini á donsku meistarastevnuni á langgeil 2024, umframt at svimja seg í A-finaluna á sjálvum DM, tá ið hann í 200 metra frísvimjing svam seg til úrslitið 1:53.59. Besta tíð hjá honum nakrantíð, er 1:53.14, sí úrslitalistan her
Líggjas Joensen (2008, Ægir) megnaði fyri løtu síðani at svimja seg til óført bronsuheiðursmerki á donsku meistarastevnuni á langgeil, bæði í opna bólkinum og í kappingini fyri juniorar, tá ið hann í skjótasta riðli í 800 metra frísvimjing svam seg til úrslitið 8:20.60. Sí úrslitalistan her
Svimjisamband Føroya (SSF) leitar eftir aðalskrivara, at taka við hin 1. september 2024.
Danska Meistarastevnan byrjar í morgin, har Líggjas Joensen (2008) úr Ægir eisini fer at luttaka, nú sum partur av Aalborg Svømmeklub.
Úrslitini frá Evropeisku JuniorMeistarastevnuni 2024 síggjast nú her á SwimRankings, har vit millum annað kunnu staðfesta, at teir báðir Heini M. Askham (2006) úr Ægir og Isak D. Brisenfeldt (2006) úr HS betraðu seg í minst einari grein í part, og Isak hartil í øllum seks greinum sum hann luttók í.
Teir báðir Heini M. Askham (2006, Ægir) og Isak Brisenfeldt (2006, HS) luttóku í morgun í sínum síðstu kappingum á Evropeisku JuniorMeistarastevnuni 2024, báðir við góðum úrsliti, og Isak har við við einum persónligum meti afturat.
Teir báðir Heini og Isak luttaka sum kunnugt hesa vikuna á Evropeisku JuniorMeistarastevnuni 2024, í Vilnius í Litava. Og har gongur heilt væl hjá teimum, nú Isak fyrr í vikuni setti føroyskt met í 200 firvald, og báðir hava betrað um persónlig met.
Hesir síðstu mánaðirnir hava verið sera góðir fyri føroyska svimjing, tá ið tað kemur til betring av føroyskum metum og juniormetum. Her er eitt yvirlit yvir met sett síðani í mai.
