Her eru úrslitini frá svimjistevnuni sum Havnar Svimjifelag skipaði fyri í Svimjihøllini í Gundadali, nú leygardagin hin 30. september og sunnudagin hin 1. oktober 2023. Úrslitini síggjast eisini her á livetiming.se, her á Swimify og her á SwimRankings
Hagtøl
Tilsamans vóru tey 81 íðkarar og 20 lið úr 5 føroyskum svimjifeløgum umframt Nuuk úr Grønlandi sum svumu seg til 529 úrslit í 42 kappingum, hesar báðar dagarnar í Gundadali.
Bestu avrik
Alisa Vestergård (2003) úr Suðuroyar Svimjifelag og Líggjas Joensen (2008) úr Ægir áttu bestu avrik á hesi stevnu, við hvør í sínum lagi at svimja seg til 645 FINA stig – Alisa við at svimja 58.15 í 100 frí, og Líggjas við at svimja 4:05.59 í 400 frí
Betringar
Feløgini tykjast at vera komin heilt væl frá start, nú svimjiárið 2023-2024 er byrjað. Tíverri eru fleiri at okkara frægastu svimjarum givnir aftur til hetta svimjiárið; men tey yngru styrkjast skjótt.
- í FLOT betraði 1 av 1 svimjari seg í minst einari grein (100%)
- í Ægir betraðu 7 av 8 svimjarar seg í minst einari grein (87.5%)
- í FS betraðu 12 av 14 svimjarar seg í minst einari grein (85.7%)
- í HS betraðu 27 av 32 svimjarar seg í minst einari grein (84.3%)
- í SuSvim betraðu 8 av 11 svimjarar seg í minst einari grein (72.7%)
Heiðursmerkjabýti
Ægir vann kappingina um heiðursmerki á hesi stevnu, í kapping við SuSvim um silvurheiðursmerki. FS imponeraði við at vinna heili 28 heiðursmerki tilsamans, sum er næstflest aftaná Ægir ið vann 31 heiðursmerki tilsamans.
| Felag | Gull | Silvur | Bronsa |
| Ægir | 12 | 11 | 8 |
| SuSvim | 12 | 6 | 3 |
| HS | 9 | 5 | 7 |
| FS | 5 | 10 | 13 |
| Nuuk | 0 | 4 | 6 |
| FLOT | 0 | 1 | 2 |