Síðstu kappingar á Danish Open 2015

So er Danish Open av á hesum sinni, og vit føroyingar kunnu væl bara vera nøgd, Pál vann eitt silvur í 400 frí, og Óli og Alvi gjørdu eisini var við seg í topp-10.

Í C-finaluni í 50 rygg svam Maria Antoft úr Havnar Svimjifelag eftir øllum at døma júst somu tíð sum í innleiðandi riðlunum, 31.83 sekund. Hetta rakk til eitt 20. pláss.

Í A-finaluni í 400 frí vann Pál Joensen silvur við tíðini 3:51.32, meðan Óli Mortensen úr Havnar Svimjifelag varð nr 8 við 4:00.71.

Í B-finaluni í 400 blandað varð Alvi Hjelm nr 2 við nýggjum persónligum meti 2:10.81, har besta tíð hjá honum var 2:12.26 frá innleiðandi riðlunum í morgun. Tað rakk til eitt 10. pláss samanlagt á úrslitalistanum.

Og í B-finaluni í 200 blandað fyri kvinnur svam Sára R. Nysted teinin uppá 2:26.19. Har var nokk eitt sindur uppi eftir 4 harðar dagar, tí í morgun setti hon sum kunnugt føroyskt met við 2:23.67. Sára varð nr 16 samanlagt.

2 thoughts on “Síðstu kappingar á Danish Open 2015”

  1. Sára gjørdist nr.11 innleiðandi í 200m blandað.
    Kom altso í B finaluna.

    Í A finaluni vóru 5 útlendskir (ikki danir) landsliðsprofilar, okur tosa ma. um OL svimjarir. Hesar fóru eisini við fyrsta til fimta plássinum.

Ger viðmerking

This site uses Akismet to reduce spam. Learn how your comment data is processed.