Salnikov og Popov eru nú forsetar í russiska svimjisambandinum

Tvær tær størstu legendurnar í russiskari svimjisøgu eru nú á odda fyri russiska svimjisambandinum, tá ið Vladimir Salnikov herfyri varð valdur til forseta, har Alexander Popov longu er varaforseti. Salnikov vann gull í 1500 frí á OL í Moskva í 1980 og OL í Seoul í 1988, og hevði sikkurt vunnið í Los Angeles í 1984, um ikki Sovjet boycottaði teir leikirnar. Alexander Popov vann gull í 50 og 100 frí á OL í Barcelona í 1992 og OL í Atlanta í 1996, og setti hartil eitt heimsmet í 50 frí í 2000, sum kom at standa líka upp til superdraktirnar komu í 2008. Les swimnews.com