Pál Joensen úr Suðuroyar Svimjifelag stóð fyri størsta bragdinum á úttøkustevnuni í Klaksvík í dag, tá ið hann svam 1500 frí uppá 14 minuttir 48 sekund og 40 hundraðpartar, ið er skjótasti 1500 metur svomin í Føroyum nakrantíð, og sambært SwimRankings skjótasti 1500 metur í svimjiárinum 2010, tvs. síðani 1. august 2009. Føroyska metið hjá Pál er 14:39.99, svomið á EM í Kroatia í desember í fjør.
Bjarni M. Petersen úr Ægir kláraði kravtíð til Norðurlendsku JuniorMeistarstevnuna í Bergen í desember, og minst 4 svimjarar afturat kláraðu kravtíð til NJM og NUM landsliðsleguna í Íslandi í januar 2010: Eyðbjørn Joensen og Guðrun Mortensen úr SuSvim, Óli Mortensen úr HS, og Heðin L. Olsen úr Ægir.
Støðið hevur yvirhøvur verið høgt á úttøkustevnuni í dag, og spennandi skal tí verða at síggja í morgin, hvør ið vinnur sær pláss til World Cup í Berlin, til landsdystin millum Føroyar og Ísland tann 24. november, til NJM og EM í desember, og til landsliðsleguna og Reykjavík International í Íslandi í januar 2010.
Til samanberingar svam vinnarin av donsku meistarstevnuni herfyri teinin uppá 15 minuttir, 8 sekund og 63 hundraðpartar:
http://www.livetiming.dk/results.php?cid=373&session=6&round=F&event=34
Jón Bjarnason skrivar á susvim.com, at Sofus eisini kláraði yvir tey 500 FINA stigini, sum gera hann aktuellan til venjingarleguna í Íslandi í januar 2010.
http://www.knassi.net/knassi_news_show.php?id=27539&number=17&width=
Styrkismetingarlistin hjá FINA skrivar at Ryan Cochrane úr Kanada svam 14:28.63 tann 8. august 2009. Men tað ger so ikki Pál verri enn nr 2 í heiminum júst nú 🙂
http://www.fina.org/swimming/world_rankings/index.php
Tad var i forleingilsi av HM i Rom. Sidan helt hann summarferiu sum hinir.
Havi nú viðfest úrslitalistan frá í gjár, her til tíðindini