Eitt heiðursmerki afturat til Pál í Suðurafrika

Tíðindi frá Svimjisambandi Føroya

Pál Joensen vann í kvøld bronsu í 1500 metrar frísvimjing, á suðurafrikansku meistarastevnuni í Durban. Teir báðir Jón Bjarnason og Pál eru tó ikki serliga nøgdir við úrslitið í kvøld, við tað at tíðin hjá Páli var 15:21.8, har hann við tilmeldingartíðini 15:02.80 lá til at vinna gull, og har vinnarin í kvøld svam 15:06.75.

Mark, Heerden, Pál

Jón Bjarnason nevnir sum møguliga orsøk til úrslitið í kvøld, at tað vóru heilir 2 tímar frá tí at upphitingin endaði, til finalan í 1500 frí byrjaði. Pál trívist best við at enda upphitingina beint áðrenn kapping, og møguliga var tað orsøkin til at hann nú, sum Jón skrivar í SMS úr Durban, var “tungur frá byrjan av”, og at tað “føldist ongantíð gott”.

Føroyska metið hjá Páli er hendan tilmeldingartíðin 15:02.80, frá donsku meistarastevnuni á langgeil í fjør. Vinnari í kvøld gjørdist suðurafrikanski Heerden Herman við 15:06.75, og silvurvinnari tann eisini suðurafrikanski Mark B. Randall við 15:09.75.

Offisielli úrslitalistin kann síggjast her: http://ssa.sportza.co.za/durban/?q=wfr/32/2578

Pál hevur nú ikki fleiri kappingar eftir á suðurafrikansku meistarastevnuni, og teir báðir Jón Bjarnason fara tí at royna at sleppa heimeftir aftur, til vónandi at lenda í Vágunum týsdagin í næstu viku.

Saman um tikið gjørdist úrslitið hjá Páli eitt gullheiðursmerki í 800 frí, eitt bronsuheiðursmerki í 1500 frí, eitt fjórðapláss í 400 frí, og eitt áttandapláss í 200 frí. Ætlanin við luttøkuni á suðurafrikansku meistarastevnuni var fyrst og fremst at fá venjing í kapping á høgum støði, sum fyrireiking til evropameistarastevnuna í Budapest í summar.

Vegna Svimjisamband Føroya

Rókur í Jákupsstovu
næstformaður

One thought on “Eitt heiðursmerki afturat til Pál í Suðurafrika”

  1. Heerden Herman nearly has as good of a day as Schoeman. He clocked a 15:06.75 in the men’s 1500 free to vault into fourth in the world this year. Ryan Cochrane (14:56.83), Robert Hurley (15:00.96) and Sebastien Rouault (15:04.87) are the only other swimmers faster this year. Mark Randall earned second this evening with a 15:09.75 to become the fifth best in the world behind Herman. Pal Joensen of the Faroe Islands touched well behind with a third-place 15:21.84.

    http://www.swimmingworldmagazine.com/lane9/news/24013.asp?q=South%20African%20Long%20Course%20Nationals:%20Roland%20Schoeman,%20Heerden%20Herman%20Post%20Top%20Five%20Times

    Teir báðir Herman og Randall kvalifiseraðu seg við hesum til Commonwealth Games í Delhi:

    Herman clocked 15:06.75 to Randall’s 15:09.75 to give South Africa two lanes in the Delhi distance race, both men well inside the 1,500m target time of 15:13.16.
    http://www.swimnews.com/news/view/7629

Ger viðmerking