Tag: NJM 2010

Ein síðsta general-roynd av iPadio-loysnini hjá okkum, nú beint áðrenn eg sjálvur fari avstað, til Danmarkar og síðani til Dubai við Páli og teimum. Sørin S. Djurhuus greiðir her frá hvussu tað gekst í morgun.

Tíðindaskriv frá Svimjisambandi Føroya

Føroyingar fingu eina góða byrjan á norðurlendsku juniormeistarastevnuni í Kastrup í morgun, tá ið Cecilia Eysturdal longu í fyrstu kapping setti føroyskt juniormet í 800 frí. Løtu seinni setti Birita Debes føroyskt juniormet í 100 frí, og hareftir Magnus Jákupsson juniormet í 200 firvald. At enda settu tær fýra Birita Debes, Turið S. Christiansen, Poula Ø. Mohr og Cecilia Eysturdal føroyskt landsliðsmet fyri juniorar í 4×100 blandað.

Continue reading Fín byrjan uppá NJM 2010

Sørin S. Djurhuus og Rúni Gaardbo tóku í gjár nakrar myndir og løgdu út her á Flickr. Har kemur væntandi meira í leypi av vikuskiftinum, og afturat tí leggja danir út myndir her á Picasa Web Albums.

Føroysku genturnar settu í morgun nýtt føroyskt junior-landsliðsmet, tá ið tær á Norðurlendsku JuniorMeistarastevnuni í Kastrup svumu 4×100 blandað uppá 4:27.57. Eingin átti metið áðrenn men føroyska juniormetið fyri bara svimjarar úr sama svimjifelag er til samanberingar 4:40.52, føroyska seniormetið fyri svimjarar úr sama svimjifelag 4:30.63, og føroyska landsliðsmetið fyri seniorar 4:22.92. Tær fýra vóru Birita Debes úr FLOT, Turið S. Christiansen úr Ægir, Poula Ø. Mohr úr FS og Cecilia Eysturdal úr Ægir. Les úrslitalistan her.

Magnus Jákupsson svam beint nú 200 firvald á Norðurlendsku JuniorMeistarastevnuni í Kastrup, og megnaði har at svimja nýtt føroyskt juniormet 2:09.12, har gamla juniormetið hjá Magnusi sjálvum var 2:12.64 frá Ægir stevnu í oktober. Nýggja føroyska juniormetið rakk til at hann gjørdist nummar 4 av 8 luttakandi í 200 firvald, her á NJM 2010. Sí úrslitalistan her.

Cecilia Eysturdal setti í morgun nýtt føroyskt juniormet í 800 metra frísvimjing, við tíðini 9:20.65 á Norðurlendsku JuniorMeistarastevnuni í Kastrup. Hon átti sjálv gamla metið, 9:21.96 frá Meistarastevnuni fyri Ung í vár. Erna Katrin Olsen svam 9:36.12 í somu kapping, og tær báðar endaðu sum nummar 8 og 9 av 11 tilsamans, har íslendska Eygló Ósk Gústafsdóttir vann gull við 8:54.93. Sí úrslitalistan her.

Birita Debes betraði júst nú um føroyska juniormetið í 100 frí, við at svimja teinin uppá 58.52 sekund á norðurlendsku juniormeistarastevnuni í Klaksvík, har juniormetið hjá Poulu Ø. Mohr frá Oyggjaleikum á Álandi var 59.38. Poula kom eisini sjálv nær at gamla metinum, við tíðini 59.58 sekund. Føroyska metið eigur Elspa Mørkøre, á 57.41 frá donsku meistarastevnuni í 2007. Birita og Poula endaðu miðskeiðis í kappingini á NJM, har danska Mie Ø. Nielsen vann gull við 55.31, svenska Céline Bertrand silvur við 56.37, og danska Kia Hansen bronsu við 57.03. Sí úrslitalistan her.

NJM-liðið hjá okkum er komið fram í øllum góðum, og er beint nú í høllini og venur. Tey eru øll væl fyri, og búgva fínt har á Hotel Dan í Kastrup. Hava fingið gott at eta, og hava fingið góða plasering í høllini eisini. Nú er so bara at bíða til í morgin árini, at síggja hvussu tey standa seg ímóti restini 🙂

Nú leygardagin og sunnudagin fara 9 føroyskir svimjarar at luttaka á Norðurlendsku JuniorMeistarastevnuni, í Kastrup í Danmark. Hóast vit bara hava einstakar møguleikar at vinna heiðursmerki í ár, so benda tilmeldingarnar til stevnuna á, at føroysk svimjing er við at lyfta seg frá at liggja niðast í hesi kapping, til at liggja onkustaðni miðskeiðis.

[Føroyska NJM-landsliðið 2010, frá vinstru Birita Debes, Erna Katrin Olsen, Jonna B. Thomsen, Poula Ø. Mohr, Turið S. Christiansen, Sofus Bech, Magnus Jákupsson, Heðin L. Olsen, Cecilia Eysturdal]
Continue reading 9 svimjarar til NJM í vikuskiftinum

Donsku fyriskipararnir hava nú lagt út startlistarnir her á livetiming.dk, til norðurlendsku juniormeistarastevnuna 2010. Okkara svimjarar fáa tað hart, við tilmeldingum sum sjáldan sníkja seg upp í topp 6, og einans í trimum førum heilt upp ímóti heiðursmerkjunum. So sum man sigur – her skal arbeiðast, um svimjararnir vilja hava metall heimvið 🙂
Continue reading Startlistarnir til NJM 2010 síggjast nú á livetiming.dk