Bartal kolldømdur í 400 blandað á ÍM 50m 2013, Óli víðari í finalu

Update! Tað sær út til at Bartal allíkavæl fer at luttaka í finaluni seinnapartin, men ‘uttanfyri kapping’. Tað vil siga at hann fær hendan eyka møguleika at svimja eina góða, offisiella langgeila-tíð, tó uttan at kunna kappast um heiðursmerki og heiðurin at verða íslendskur meistari.

Ups, Bartal Hestoy var fyri løtu síðani kolldømdur í innleiðandi riðlunum av 400 blandað á íslendsku meistarastevnuni í Reykjavík, sum merkir at hann ikki kemur at luttaka í finaluni seinnapartin. Hann hevði annars bestu tíð 4:44.90,og er sum kunnugt kanska sterkastur í akkurát hesari grein, so hatta var ein dyggur smeitur eftir nakrar annars ógvuliga imponerandi dagar í Laugardalslaug. Sí úrslitalistan her.

Hinvegin kom Óli Mortensen víðari til finalu við fjórbestu tíð í eisini hesi grein, 4:54.93 í mun til tilmeldingartíð 4:48.98, og hevur hartil góðan kjans at gera seg galdandi í heiðursmerkjastríðnum seinnapartin, serliga nú Bartal manglar. Finalurnar byrja klokkan 17:00 íslendska tíð, sum er klokkan 18:00 her í Føroyum. Fylgið við úrslitunum her á aegir.is.

Bartal og Óli í finalum á ÍM 50m 2013 aftur í dag

Bartal Hestoy megnaði í morgun at svimja seg víðari til finalur á íslendsku meistarastevnuni á langgeil, við ávíkavist bestu tíð 2:34.18 í 200 ryggog næstbestu tíð 2:13.15 í 200 firvald. Óli svam so vítt eg dugi at síggja ikki í morgun, men er í finaluni í 1500 metra frísvimjing við næstbestu tíð. Tey svimja frá kl 18:30 føroyska tíð, sí úrslit á aegir.is

Bartal 2:10.34 og gull á Íslandsmeistaramót í 50m 2013

Bartal Hestoy vann sær í kvøld gullheiðursmerki á íslendsku meistarastevnuni á langgeil, tá ið hann í Laugardalslaug í Reykjavík svam 200 metra blandaða svimjing uppá 2:10.34. Magnus Jákupsson eigur føroyska metið, sum er 2:06.92 frá donsku meistarastevnuni í 2012. Sí úrslitalistan her.

Óli og Bartal á Íslandsmeistaramót á langgeil 2013

Teir báðir Óli Mortensen og Bartal Hestoy úr Havnar Svimjifelag luttaka í hesum døgum á íslendsku meistarastevnuni á langgeil, sum er í Laugardalslaug-høllini í Reykjavík. Í morgun svumu teir innleiðandi riðlar, har Óli varð triðskjótastur í 400 metra frísvimjing við tíðini 4:11.81, og Bartal næstskjótastur í 200 blandað við 2:15.38. Finalurnar byrja klokkan 17:30 íslendska tíð, sum mær vitandi er kl 18.30 í Føroyum. Sí sundsamband.is og úrslit her.

Bartal 4:38.10 og føroyskt met í 400 blandað

Bartal Hestoy setti fyri løtu síðani nýtt føroyskt met í 400 metra blandaðari svimjing, tá ið hann á Actavis Open 2013 í Hafnarfirði svam teinin uppá 4:38.10, har metið hjá Páli Joensen frá Flanders Speedo Cup í Belgia í januar mánaða var 4:39.15. Óli Mortensen vann við tíðini 4:48.94 silvur í opna bólkinum í somu kapping, og gull í junior-bólkinum. Super flott av knassunum úr Havn! Sí úrslitalistan her.

DSC00865

Bartal Hestoy og Markus Joensen met í Íslandi í dag

bartal-hestoyBartal Hestoy setti í morgun nýtt føroyskt met í 100 metra bringusvimjing á langgeil, tá ið hann á Actavis International 2013 í Íslandi svam teinin uppá 1:08.84, har metið hjá Markusi Joensen var 1:09.91. Um kvøldið var tað tó Markus Joensen sum svam skjótari, tá ið hann vann silvur við nýggjum føroyskum juniormeti 1:08.93, Bartal tá bronsu við 1:09.58. Sí úrslitalistan her
Continue reading Bartal Hestoy og Markus Joensen met í Íslandi í dag

Bartal 4:26.51 og bronsu í 400 blandað á NM í Vaasa

Bartal Hestoy megnaði í kvøld at vinna sær bronsuheiðursmerki á Norðurlendsku Meistarastevnuni í Vaasa, Finnlandi, tá ið hann í 400 metra blandaðari svimjing svam teinin uppá 4:26.51. Tað var eisini persónligt met, har besta tíð hjá honum áðrenn hetta var 4:28.27 frá HS-stevnu í apríl 2012. Sí úrslitalistan her.

DSC02316

Bartal Hestoy 400 blandað á World Cup í Berlin 2012

Bartal Hestoy úr Havnar Svimjifelag luttekur her sum fyrsti føroyingur á World Cup stevnuni 2012 í Berlin, í 400 metra blandaðari svimjing, leygardagin hin 20. oktober 2012. Tíðin 4:35.33 var eitt sindur frá hansara bestu tíð á 4:28.27, frá HS-stevnu í apríl 2012. Sí úrslitalistan her.