Franska Laure Manaudou svam í gjár teinin í tíðini 59.50, tá ið tey svumu semifinaluna í Eindhoven 2008. Í dag fær hon so møguleika at gerast fyrsta kvinna sum verður tríggjar ferðir evropameistari í somu grein. Lesið her á SwimNews og her á SwimInfo.
swimnetwork.com er ‘sosial heimasíða’ til okkum svimjarar
Tey á www.timedfinals.com hava lagt eini tíðindi á heimasíðuna í dag, har tey boða frá at tey nú flyta til eina nýggja heimasíðu kallað www.swimnetwork.com. Hendan nýggja sær rættiliga áhugaverd út, m.a. tí at brúkarar har kunnu senda upp videoir sum síðani kunnu nýtast av øðrum heimasíðum. Her niðanfyri er eitt dømi, har tey eru heima hjá amerikanska bringusvimjaranum Amanda Beard.
Continue reading swimnetwork.com er ‘sosial heimasíða’ til okkum svimjarar
Broytingar í svimjireglunum hjá SSF
Fylgjandi tíðindi eru nú at lesa á www.ssf.fo: Svimjinevndin hevur saman við starvsnevndini á fundi 17. mars 2008 samtykt dagførdar svimjireglur. Dagførdu svimjireglurnar liggja her á heimasíðuni, og koma í gildi í dag 20. mars 2008.
Viðfestar eru gomlu og nýggju reglurnar, umframt at eg stutt listi upp tær broytingar sum eru gjørdar. Continue reading Broytingar í svimjireglunum hjá SSF
svimjing.com doyr langafríggjadag
Tað er nærmast bíbilskt, ha? Heimasíðuhýsarin Dreamhost ætlar sær langafríggjadag 21. mars at flyta ambætarar sum reka m.a. svimjing.com (og flot.info), og koma tí at sløkkja fyri tænastuna inntil einaferð (vónandi) leygardagin 22. mars. Teir siga 12 tímar, men man veit jú aldrig. Lesið her á DreamHost Status blogguni.
svimjing.com er eitt ár
Tann 1. mars 2008 hevði hendan heimasíðan verið á netinum í eitt ár, og typiskt eg so gloymdi eg tað. Her kemur tí ein seinkað frágreiðing um fyrsta árið…
Evropeiskt met til Alexander Dale Oen
Bæði norski Alexander Dale Oen og franski Hugues Duboscq fóru undir minuttin í 100 bringu á langbana í dag, tá ið Alexander svam 59.76 og Duboscq 59.78. Norðmaðurin setti harvið fyrsta evropeiska met hjá einum norðmanni nakrantíð , og varð eisini fyrsti norski mannligi evropameistari (Irene Dalby varð evropameistari í 1991). Russiski Roman Sludnov átti gamla metið á 59.95, sum hann setti í 2001. Lesið her á SwimNews.
(eingin video at finna enn, men her er ein prát við hann eftir 200 bringu…)
Miami Swimming video
Hetta er bara ein flott video um “Miami Hurricanes” sum eg fann á YouTube beint nú. Rættiliga góður setningur inni í videoini: “That last 25 when you’re hurting… say I’m a Hurricane, I’m getting to that wall first”
Nýtt heimsmet í 4×100 frí hjá kvinnum
Hálendsku Inge Dekker, Ranomi Kormowidjojo, Femke Heemskerk og Marleen Veldhuis hava við tíðini 3:33.62 sett nýtt langbana heimsmet í 4×100 frí hjá kvinnum, á evropameistarastevnuni í Eindhoven í gjár. Hetta var ein betring uppá næstan 2 sekund, í mun til gamla metið á 3:35.22 frá 2006, sum týskarar áttu. Lesið her á SwimInfo.
Eg havi ikki funnið nakra videobrot enn av hálendsku gentunum, men her er Stefan Nystrand eftir at svensku mennirnir vunnu gull í somu grein:
OK, nú (20. mars) havi eg funnið eina italska video. Fantastiska flott
Innbjóðing til Susvim stevnu 28.-30. mars 2008
Suðuroyar Svimjifelag bjóðar til svimjistevnu í Vági 28. 29. & 30. mars 2008. Kappingin verður svomin sum ein opin kapping, og úrslitini bólkað til bólk 3, 4, 5 og opnan bólk. Finalurnar eru opnar, altso eingin bólkur. Tilmeldingarfílan kemur seinni í dag. Continue reading Innbjóðing til Susvim stevnu 28.-30. mars 2008
EM 2008 er í gongd
Norski Alexander Dale Oen hevur júst nú sett stevnumet í 100 bringu (á langbana) við tíðini 1:00.18. Danski Jon Rud hevur við tíðini 3:50.09 í 400 frí tikið danska metið frá Jacob Carstensen. Stevnan kann síggjast ‘live’ her: http://www.europeanchampionships.org/Eindhoven2008/?pag=WEBCAST