Eitt videobrot av 400 frí innleiðandi kapping er at finna á YouTube. Tíverri er tað ikki tann riðilin, sum Pál vann, men man sær Pál gera seg kláran við geil 4 mótir endanum av brotinum. Fotografurin fylgir Anders Lie og Frederik Siem “Jaws” Pedersen á ávíkavist geil 1 og 3. Pólendingurin Krzysztof Piekut á geil 4 bleiv nr 8 í finaluni.
Lítla Merkið millum stóru kempurnar
Video hjá Jón av heiðursmerkjahandanini í 400 frí í gjár.
Fjøðurlættir í kvøld
Tað sum vit ikki hava torað at nevnt við einum orði seinasta døgnið, gekk í uppfyllilsi í dag, og lagið er tí bara so avbera gott. Serbiska guidin hjá føroyingum stóð uppi og rópti upp á Pál, og var heilt rørd tá ið eg tosaði við hana seinni. Taxa-chaufførurin í bilinum heim av Continental í kvøld spurdi tríggjar ferðir um tað veruliga var satt (og triðju ferð var tað líka við at hann steðgaði bilinum) at vit bara eru 48.000 fólk alt í alt, og tó so hava fingið ein evropameistara. “That is beautiful”, er orðarætt sitat frá hesum fryntliga serba. Continue reading Fjøðurlættir í kvøld
EJM startlistar og úrslit
Startlistar og úrslit frá EJM í Beograd eru at síggja her av www.belgrade2008.org. Úrslitið hjá Kára í 100 rygg er her, teir innleiðandi 400 frí hjá Páli her, og finalan og EJM-gullið her. Vit síggja eisini startlistan hjá Pál í 1500 frí her, sum verður seinnapartin í morgin 31. juli. Continue reading EJM startlistar og úrslit
Eitt ótrúligt kvøld
Ja hatta var so tað, fyrsta føroyska heiðursmerkja á EJM nakrantíð, og tá enntá eitt úr gulli. Pál Joensen, evropameistari í 400 frí við 3:51.44. Sjálvsagt føroyskt met, og føroyskt met eisini í 200 frí, eftir at hava svomið fyrstu 200 í hasum 400 við tíðini 1:53.20. Undir vinnaratíðina hjá Izotov frá HM í Mexico í juli, og harvið ovast á styrkismetingarlistanum hjá alheims juniorum, í 400, 800 og 1500 frí. Sensatiónin er her, og tvær kappingar eru eftir. Tvær har hann er betur. Continue reading Eitt ótrúligt kvøld
Sikken eitt kaos
Ella lat meg heldur byrja við at siga, at her eru av bestu umstøðum til skjóta svimjing. Góður hylur, sólskin, skjótt vatn og góður stemningur. Og tveir kúllar í stórform. Men fyriskipanin er farin heilt í kluddermudder, vist nokk tí at ‘tað er so tey gera her í Serbia’.
Komnir til Beograd
Kuffertið hjá mær kom tó ikki longur enn til onkunstaðni millum Vágar og Kastrup, so nú er at ansa eftir ikki at sveitta niður í hosurnar. Vit báðir Jón Brian flugu úr Keypmannahavn til Beograd saman við familju og kenningum hjá Pál, og vitjaðu so teir fýra á Hotel Continental, á veg inn til okkara egna hotel. Øll eru við gott mót.
Danir bjóða fysioterapi í Beograd
Jón skrivar á www.susvim.com: Annars er tað nok so stuttligt at vera føroyingur her til EJM nú okur hava svimjarar við sum veruliga gera um seg. Danir komu til mín í dag og bjóðau okkum at sita saman við teimun, tað er ikki komi fyri fyrr. Um tað er tí at teir síggja møguleikar fyri at fáa Kára og Pál á danska landsliðið í framtíðni, ella um tað er tí at okur halda til saman við svium, ella tí at danir bara elska Føroyar, skal eg ikki sita her og siga, men teir hava bjóða okkum gratis fysioterapeut og annað gott. Jú jú kongaríki letur hoyra frá sær, og tað er bara gott. Continue reading Danir bjóða fysioterapi í Beograd
Serbiskt sjónvarp sendir ‘live’ frá EJM
Serbiska rásin RTS 2 sendir beinleiðis frá finalunum á EJM í Beograd, mikudag 30. august til sunnudag 3. august, frá kl 16 til 18 føroyska tíð. Eg havi ikki funnið streaming frá teirri rásini enn, men her niðanfyri er so offisiella streamingin frá teimum, sum vónandi hoppar eitt sindur millum RTS 1 og 2. Um hetta slettis ikki riggar hjá tykkum, so er tað kanska tí at tit mangla at leggja inn Real Player á telduni.
Update 2. august 2008! Portalurin avdúkaði fyri løtu síðani, at tað veruliga ber til at fylgja við evropeisku meistarastevnuni í svimjing, um man hevur parabol sum peikar á fylgisveinin sum serbiska sjónvarpsrásin RTS brúkar. Hoyrdu her fyri løtu síðani, at onkur serbi hevur fylgt við EJM á rásini hesar seinastu dagarnar, úr Føroyum. Vit vita ikki enn um tað so eisini riggar at síggja tað sum ‘live stream’ á internetinum, men fyri sikkurheit skyld flyti eg tí hendan postin fram aftur á forsíðuna.
EJM skráin broytt: Nú byrja finalurnar kl 16 føroyska tíð
Sum tit kunnu lesa á forsíðuni av www.belgrade2008.org beint nú, so er orsøkin at serbiska sjónvarpið fer at senda beinleiðis frá stevnuni. Finalurnar eru tí fluttar frá at byrja kl 17:30 til at byrja kl 17:00 lokala tíð, sum er ein tíma framman fyri føroyska tíð. Finalunar eru harvið framskundaðar ein hálvan tíma, til at byrja kl 16:00 føroyska tíð. Eg broyti nú skránna hjá mær her, til at passa við nýggju tímatalvuna hjá serbum.
Harvið verður tað møguliga møguligt at síggja finalurnar á internetinum!! Havi sporað meg fram til at talan er um RTS 2, har tey nú í skránni skriva “Plivanje – EP juniori, finale, prenos” frá kl 17 til 19 (lokala tíð), frá mikudegi 30. juli til (fyribils) 1. august. RTS 2 eigur at kunna síggjast á internetinum, sambært síðum sum hesa og hesa, men eg havi tíverri ikki fingið tað at rigga enn. RTS hevur sjálvt live streaming frá sínari fylgisveinarás her, ið riggar, men har skráin ikki enn er skrivað fyri hesar viðkomandi dagar. Her og her hoyrist RTS 2 beint nú (mánamorgun), men eg síggi einki. Continue reading EJM skráin broytt: Nú byrja finalurnar kl 16 føroyska tíð