Kitajima droppar HM í Rom

Japanski OL-gullvinnarin í 100 og 200 bringu, bæði í Athen og í Beijing, hevur ikki verið í hylinum aftur síðani Beijing, og fer tí ikki at luttaka á hvørki japansku meistarastevnuni, ella á heimsmeistarastevnuni í Rom í summar. “I haven’t been swimming as you know. I don’t miss the competition, it feels great not to be training at this time of year. It’s the first chance I have had to physically and spiritually enjoy life.”. Les her á eurosport.yahoo.com

RIG 2009, 2. dagur innleiðandi

Har er nógv gott í væntu, nú seinnapartin, eftir at føroyingarnir kvalifiseraðu seg 12 ferðir afturat til finalu, umframt at riðilin hjá Pál Joensen í 400 frí slapp at bíða til í kvøld. Lat meg heldur lista tað upp, so at klutur ikki kemur í:

  • 50 rygg menn: Magnus Jákupsson í B-finalu, Høgni Miné í A-finalu
  • 50 bringa kvinnur: Katarina Lamhauge í B-finalu, Malan V. Bærendsen í A-finalu
  • 50 firvald menn: Eingin føroyingur
  • 50 frí kvinnur: Hildur á Fløtti í B-finalu, Shaila millum Garðarnar í A-finalu
  • 400 frí menn: Pál Joensen í A-finalu (stevnumet eigur Pál við 4.08.33, íslandsmet er Ørn Arnarson við 3.56.91)
  • 200 blandað kvinnur: Eingin føroyingur
  • 200 rygg menn: Høgni Miné, Magnus Jákupsson og Pál Joensen í A-finalu
  • 100 rygg kvinnur: Bjørg Seloy í B-finalu, Birita Debes í A-finalu
  • 100 bringa menn: Ólavur S. Petersen í B-finalu, Jón Hofgaard í A-finalu
  • 200 bringa kvinnur: Katarina Lamhauge í A-finalu
  • 200 firvald menn: Pál Joensen í A-finalu
  • 100 firvald kvinnur: Astrið Foldarskarð og Ann Mari Midjord í B-finalu, Hildur á Fløtti og Shaila millum Garðarnar í A-finalu
  • 100 frí menn: Dánjal Martin Hofgaard í A-finalu
  • 200 frí kvinnur: Eingin føroyingur

Tey byrja at kappast kl 16:30, seinnapartin í dag. Live chat og videobrot kunnu síggjast á www.svimjing.com/live
Continue reading RIG 2009, 2. dagur innleiðandi

1 gull, 1 bronsa og 21 finalupláss á 1. degi av RIG 2009

Úrslitini tyktust eitt sindur svingandi, higani úr Føroyum, sum um at svimjararnir vóru móðir av ferðini, og kanska eisini høvdu torført við her-og-nú at skula umstilla seg til at svimja á langbana. Men vit fingu rættiliga nógvar betringar, umframt eina rúgvu av kvalifiseringum til finalu í morgin. Og so tey bæði heiðursmerkini vit væntaðu: Gull og stevnumet til Pál Joensen í 1500 frí, og bronsuheiðursmerki til Monu Simonsen í 800 frí.

Av serliga áhugaverdum tíðum kunnu nevnast, at Hildur á Fløtti úr Fuglafjarðar Svimjifelag kvalifiseraði seg til finaluni í 50 firvald við tíðini 31.06, har langbana kravtíðin til Oyggjaleikir er 30.92. 13 ára gamla Birita Debes úr FLOT betraði seg somuleiðis heilt nógv, tá hon kvalifiseraði seg til A finaluna í 50 rygg við tíðina 33.05, har langbana kravtíðin til Oyggjaleikir er 32.45. Og í 50 frí vóru tær tríggjar undir 30 sekund – Shaila, Hildur og Astrið – sum er bara heilt ókey á langbana.

Eitt yvirlit yvir føroysku luttøkuna sæst her á hesari heimasíðu.

Elspa helt nýggjár í Andorra

Elspa Mørkøre var um jólini við danska landsliðnum á venjingarlegu í Andorra, við fokus á ‘dryland’ grundvenjing, meira enn svimjing. “Om formiddagen stod den på tre timers langrend, mens eftermiddags programmet dagligt bød på en times dryland- og styrketræning foruden to timers svømning.”. Skí-parturin var í 2200 metra hædd, og harvið eisini innføring til hæddarvenjing. Lesið her á svoem.dk, har tað m.a. er leinki til myndir hjá landsliðsvenjaranum Paulus Wildeboer.

So er danski ‘negativ-listin’ klárur

Danska Svimjisambandið hevur nú givið út fyrr nevnda ‘negativ-lista’, sum sigur hvørjar kappingardraktir ið ikki eru loyvdar svimjarum yngri enn junior og senior at nýta. Eg viðfesti hann her á svimjing.com, og annars kunnu tit lesa offisiellu tíðindini her á svoem.dk.
Continue reading So er danski ‘negativ-listin’ klárur

Føroyska luttøkan á RIG 2009

Reykjavík International 2009 byrjar í dag kl 16:30, og føroyska luttøkan er øgilig. Okkara svimjarar kappast einar 63 ferðir bara í dag, og einar 178 ferðir tilsamans fram til og við sunnudagin, við møguleika at vinna í øllum førum 5 gull og 6 bronsuheiðursmerki, í teimum tilsamans 32 kappingunum.

Íslendingar lova ‘live timing’ her á aegir.is, umframt myndir og annað gott. Hartil hevur Rúni Gaardbo fingið ‘vodafonina’ við til Íslands, at taka myndir og video við. ‘Live timingin’ sæst eisini á www.svimjing.com/live, við møguleika at chatta og síggja møgulig Kyte-varp úr Íslandi.

Vodafonin hevur forrestin tlf. nr. 597559, um onkur hevur brúk fyri at koma í samband við ferðaliðið.
Continue reading Føroyska luttøkan á RIG 2009

Nú ber eisini til at kvalifisera seg í 50 metra hyli til Oyggjaleikir

Kravtíðin til Oyggjaleikir á Álandi varð sum kunnugt í fjør avgjørd at vera triðbesta tíð frá Oyggjaleikum á Rhodos. Men við tað at Oyggjaleikir eru í 25 metra hyli, og svimjarar sum kunnugt ikki svimja líka skjótt í 50 metra hyli sum í 25 metra hyli, vegna færri vendingar, so hevur ynski verið um at fáa onkra umrokning av kravtíðini til 50 metra hyl.
Continue reading Nú ber eisini til at kvalifisera seg í 50 metra hyli til Oyggjaleikir

Jonty Skinner um hvussu nýggju draktirnar broyta teknikkin

Suðurafrikanski Jonty Skinner setti í 1976 heimsmet í 100 frí við tíðini 49.44 sekund, 20 dagar eftir at amerikanski Jim Montgomery á OL í Montreal við 49.99 gjørdist fyrsti maður undir 50 sekund (Skinner slapp ikki at luttaka á OL, tí Suðurafrika var útilokað vegna apartheid-politikkin í landinum). Í dag er hann toppvenjari í USA, samstundis sum fraklendingar dominera 100 meturin við fleiri svimjarum sum kunnu svimja teinin á 45 sekund og undir, hóast teir sambært Skinner brúka “in some cases, inferior techniques”. Greinin hjá Skinner her á SwimInfo er tí eitt einastandandi innlit í, hvussu ein toppvenjari og fyrrverandi toppsvimjari heldur at superdraktirnar ávirka ítróttin.
Continue reading Jonty Skinner um hvussu nýggju draktirnar broyta teknikkin

Tíðindaskriv frá SSF: Stór føroysk luttøka í Reykjavík International

Um vikuskiftið verður stóra svimjikappingin Reykjavík International. Svimjisamband Føroya sendur eitt talentlandslið við trettan svimjarum avstað. Umfram hesu trettan luttaka eisini Suðuroya Svimjifelag og Havnar Svimjifelag. Úr HS eru níggju svimjarar og ur Susvim eru fimtan svimjarar, so tilsamans eru 37 føroyskir svimjarar í kapping í Laugardalshøllin fríggjadag, leygardag og sunnudag.

Talentlandsliðið
Continue reading Tíðindaskriv frá SSF: Stór føroysk luttøka í Reykjavík International