Árliga Bergen Swim Festival byrjar nú fríggjamorgunin hin 4 apríl, við luttøku av eisini Jonnu Joensen (2005) úr Ægir, sum her luttekur við Aalborg Svømmeklub. Sí Swimify
Úrslit frá Bergen Swim Festival fara at kunna síggjast her á Swimify
Stroymað verður her á SuperLive
Svimjisamband Føroya er sum fráboðað eitt av londunum sum hevur undirskrivað inklusjóns-yvirlýsingina hjá European Aquatics, og eru vit nú 23 av 52 londum sum taka undir við hesi áskoðan. Sí tíðindabrævið her
Her eru úrslitini frá svimjistevnuni sum Svimjifelagið Reysti skipaði fyri í svimjihylinum í Leirvíkar skúla, nú leygardagin hin 29. mars 2025. Hetta var stevna fyri okkara yngstu aldursbólkar.
Starvsnevnd SSF hevur samtykt at broyta okkara Reglugerð fyri Meistastevnur, so at FM á stuttgeil sambært reglugerðini framyvir kann vera eisini í desember mánaða, og FM á langgeil eisini í juli mánaða. Hetta sum umrøtt undir ymiskt á aðalfundi SSF herfyri.
Her eru luttakaralistarnir til svimjistevnuna sum Svimjifelagið Reysti skipar fyri í svimjihylinum í Leirvíkar skúla, nú leygardagin hin 23. mars 2025. Hetta er stevna fyri okkara yngstu aldursbólkar.
Starvsnevnd SSF hevur tikið út fylgjandi svimjarar til Oyggjaleikir 2025 á Orkney:
Hetta eru teir 12 svimjarar sum eru fráboðaðir at hava klárað kravtíð til hesar Oyggjaleikir.
Vegna starvsnevnd SSF
Rókur
Svimjisamband Føroya hevði hin 20. mars 2025 sín árliga aðalfund, í ÍSF-húsinum á Eystaru Bryggju í Havn. Á skránni var útyvir forfólkafrágreiðing og framløga av roknskapinum, eisini innkomin mál frá starvsnevndini, val av næstforfólki, skrivara og tiltakslimi, og kunning, spurningar og kjak undir ymiskt.
Danish Open 2025 verður hin 5. til 8. apríl 2025, tvs. við stevnubyrjan um 14 dagar. Startlistarnir síggjast nú her á Swimify, har føroyingar eisini síggjast í millum tey tilmeldaðu.
Svimjisambandið sendi í gjár inn viðfestu inklusjóns-yvirlýsing til evropeiska svimjisambandið European Aquatics, sum heitt á okkum av teimum. Hetta sum samtykt av starvsnevnd SSF, við kunning til aðalfund SSF.
41- ára gamla Kirsty Coventry úr Zimbabwe varð í gjár vald sum IOC-forseti. Hon er yngsti IOC-forseti nakran, fyrsti úr Afrika, fyrsta kvinna, og so vítt sum eg dugi at síggja eisini fyrsti OL-svimjari nakrantíð. Hon vann m.a. gull í 200 rygg á OL í Athen í 2004 og í Beijing í 2008, umframt mong onnur heiðursmerki í serliga rygg og blandað. Stórt fyri svimjingina, og enn eitt gylt høvi eisini fyri okkum úr Føroyum, nú IOC-forsetin er svimjari og EOC-forsetin Spyros Capralos vatnpolospælari 🙂
(Pierre de Coubertin var eisini svimjari, sigur AI, men tað var í onkrum serligum slag av fleirítrótti, kallað Les Débrouillards, sum vist nokk ongantíð var OL-grein)
