Føroysku harrarnir settu í kvøld nýtt føroyskt landsliðsmet í 4×50 frí, tá ið teir í finaluni á Oyggjaleikum 2025 svumu seg til úrslitið 1:32.65. Hartil setti Bartal E. Eidesgaard (2003, HS) sum fyrsti svimjari nýtt føroyskt met í 50 metra frísvimjing, tá ið hann svam seg til úrslitið 22.77. Landsliðsmetið var 1:33.24 frá Oyggjaleikum á Jersey í 2015, og føroyska metið í 50 frí 22.83 hjá Bartali sjálvum frá FM á stuttgeil 2024. Sí úrslitalistan her
Líggjas Joensen (2008, Ægir) megnaði í dag at vinna bronsu í 200 metra frísvimjing á Oyggjaleikum 2025, tá ið hann í finaluni svam seg til úrslitið 1:49.71. Besta tíð hjá honum nakrantíð, er 1:47.80 frá DM fyri lið 2024. Sí úrslitalistan her
Bartal E. Eidesgaard (2003, HS) megnaði aftur í kvøld at seta flott føroyskt met í 50 metra bringusvimjing, tá ið hann í finaluni á Oyggjaleikum 2025 svam seg til silvur við úrslitinum 27.83. Hann átti sjálvur metið á 27.93, frá innleiðandi riðlunum í morgun. Sí úrslitalistan her
Elisabeth Erlendsdóttir (2005, HS) megnaði í dag at vinna gull á Oyggjaleikum 2025, við flottum nýggjum føroyskum meti og oyggjaleikameti á 1:00.26. Signhild Joensen átti føroyska metið á 1:00.50, frá NM í Reykjavík í 2027. Sí úrslitalistan her
Isak D. Brisenfeldt (2006, HS) megnaði í dag at vinna sær silvurheiðursmerki á Oyggjaleikum 2025, tá ið hann í 100 metra firvaldasvimjing svam seg til úrslitið 54.72. Besta tíð hjá Isaki nakrantíð, er 53.67 frá FMS 2024. Sí úrslitalistan her
Tey byrja aftur kl 18 í kvøld, og eru rættiliga nógvir føroyingar í finalunum
Elisabeth Erlendsdóttir (2005, HS) megnaði nú á døgverða at seta nýtt føroyskt met í 50 metra ryggsvimjing á stuttgeil, tá ið hon í innleiðandi riðlunum á Oyggjaleikum 2025, sum fyrsti svimjari hjá okkum í 4×50 blandað fyri kvinnur, svam seg til úrslitið 28.45. Hon átti sjálv føroyska metið á 28:49, frá Oyggjaleikum á Guernsey í 2023.
Bartal E. Eidesgaard (2003, HS) megnaði fyri løtu síðani at seta stórt nýtt føroyskt met í 50 metra bringusvimjing, tá ið hann í innleiðandi riðlunum á Oyggjaleikum 2025 svam seg til úrslitið 27.93. Róland Toftum átti metið á 28.30, meðan besta tíð hjá Bartali var 28.38 áðrenn hetta, frá NM 2023. Bartal er sostatt eisini fyrsti føroyingur nakrantíð undir 28 sekund í 50 bringu. Sí úrslitalistan her
Her er ein skjót samanbering við úrslitini frá seinastu Oyggjaleikum, á Guernsey í 2023. Til nú eru vit frammanfyri – men her eru tríggir dagar eftir.
Tey byrja aftur við innleiðandi riðlum frá kl 10 Orkney og føroyska tíð
