Tey hava havt stórar avbjóðingar við at fáa avgreitt fyrstu kappingar á HM í Open Water 2025, sum eru í Singapore í hesum døgum. Fyrst máttu kappingarnar á 10 km útsetast vegna dálkað vatn – og nú tær endaðu við at vera seinnapart, so var so heitt at nógv máttu gevast. Kappast verður víðari í øðrum greinum, hesar næstu dagarnar.
Ein hóast alt góður dagur á Oyggjaleikum 2025
Hóast alt ikki gekk akkurát so sum vit ynsktu okkum í dag, so góvu okkara yvirhøvur ein góðan dyst, og vunnu 2 gull, 3 silvur og 3 bronsur, umframt at seta 1 føroyskt met, 2 landsliðsmet og 1 oyggjaleikamet
- 100 blandað menn – eingin føroysk luttøka
- 400 frí kvinnur – eingin føroysk luttøka
- 200 rygg menn – eingin føroysk luttøka
- 100 bringa kvinnur – Lea nr 4 við 1:10.18
- 100 frí menn – Bartal bronsu við stórum føroyskum meti 49.27
– Bartal átti sjálvur metið á 49.95 frá NM á stuttgeil í 2024 - 50 frí kvinnur – Alisa bronsu við 26.63
- 50 firvald menn – Isak nr 5 við 25.16
- 200 rygg kvinnur – Elisabeth gull við 2:14.97
- 800 frí menn – Líggjas gull og oyggjaleikamet við 7:59.67 og Silas bronsu við 8:21.80
- 4×100 frí kvinnur – Føroyar silvur við 3:55.91
- 4×100 blandað menn – Føroyar silvur við flottum landsliðsmeti 3:44.77
– metið var 3:49.22 frá Oyggjaleikum á Gibraltar í 2019 - 4×50 blandað mix – Føroyar silvur við flottum landsliðsmeti 1:47.02
– metið var 1:52.53 frá HM á stuttgeil í 2021
Líggjas 7:59.67 og gull og Oyggjaleikamet í 800 frí, Silas bronsu við 8:21.80
Líggjas Joensen (2008, Ægir) megnaði í dag at vinna gull í 800 frí á Oyggjaleikum 2025, við nýggjum oyggjaleikameti. Hann átti faktiskt sjálvur nú farna metið, sum var splitt-tíð frá 1500 mánakvøldið. Silas Dam Lindberg (2008, HS) vann bronsu við 8:21.80. Sí úrslitalistan her
Elisabeth 2:14.97 og gull í 200 rygg á Oyggjaleikum 2025
Elisabeth Erlendsdóttir (2005, HS) megnaði í dag at vinna gull eisini í 200 metra ryggsvimjing á Oyggjaleikum 2025, tá ið hon í finaluni svam seg til úrslitið 2:14.97. Sí úrslitalistan her
Alisa 26.63 og bronsu í 50 frí á Oyggjaleikum 2025
Alisa Vestergård (2003, SuSvim) megnaði í dag at vinna flott bronsuheiðursmerki á Oyggjaleikum 2025, tá ið hon í finaluni í 50 metra frísvimjing svam seg til úrslitið 26.63. Sí úrslistalistan her
Bartal 49.27 og bronsu og stórt føroyskt met í 100 frí á Oyggjaleikum 2025
Bartal E. Eidesgaard (2003, HS) megnaði í dag at seta stórt føroyskt met í 100 metra frísvimjing á stuttgeil, tá ið hann í finaluni á Oyggjaleikum 2025 svam seg til bronsuheiðursmerki við úrslitinum 49.27. Hann átti sjálvur føroyska metið á 49.95, frá NM á stuttgeil í 2024. Sí úrslitalistan her
Stroyming frá finalunum triðja dag á Oyggjaleikum 2025
Tey byrja aftur kl 18 í kvøld, og eru rættiliga nógvir føroyingar í finalunum
Stroyming frá triðja morgni á Oyggjaleikum 2025
Tey byrja aftur við innleiðandi riðlum frá kl 10 Orkney og føroyska tíð
Góður annar dagur á Oyggjaleikum 2025
So eru vit komin í helvt við svimjistevnuni á Oyggjaleikum 2025, og gongur tað bara heilt gott hjá okkara svimjarum. Eini tvey gullheiðursmerki varð tað til í dag, umframt tríggjar silvur og eina bronsu, umframt fýra føroysk met, tvey føroysk landsliðsmet og tvey oyggjaleikamet.
- 1500 frí kvinnur – Jonna nr 6
- 400 blandað menn – Silas nr 4
- 200 bringa kvinnur – Lea nr 4
- 100 firvald menn – Isak silvur
- 100 rygg kvinnur – Elisabeth gull og føroyskt met og oyggjaleikamet
- 50 bringa menn – Bartal silvur og føroyskt met
– Bartal setti eisini føroyskt met í innleiðandi riðlunum - 50 firvald kvinnur – eingin føroysk luttøka í finaluni
- 200 frí menn – Líggjas bronsu
- 200 blandað kvinnur – eingin føroysk luttøka í finaluni
- 4×50 frí menn – Mennirnir silvur og føroyskt landsliðsmet, umframt at Bartal setti føroyskt met í fyrstu 50 frí
- 4×50 frí kvinnur – Kvinnurnar gull og føroyskt landsliðsmet, umframt at Elisabeth setti føroyskt met og oyggjaleikamet í fyrsti 50 rygg
– Elisabeth setti eisini føroyskt met í innleiðandi riðlunum
Kvinnurnar 1:54.49 og gull og stórt landsliðsmet í 4×50 blandað á Oyggjaleikum 2025, og Elisabeth 28.03 og føroyskt met og oyggjaleikamet í 50 rygg
Føroysku kvinnurnar vunnu í kvøld gull og settu stórt landsliðsmet í 4×50 blandað, tá ið tær í finaluni á Oyggjaleikum 2025 svumu seg til samlaða úrslitið 1:54.49. Hartil setti Elisabeth Erlendsdóttir (2005, HS) sum fyrsti svimjari flott føroyskt met og oyggjaleikamet við tíðini 28.03 í 50 rygg. Landsliðsmetið var 1:57.06 frá Oyggjaleikum á Jersey í 2015, meðan Elisabeth átti metið í 50 rygg frá í morgun á 28.45. Sí úrslitalistan her
