Lea O. Højsted (2008, Ægir) megnaði aftur í kvøld at seta føroyskt met og juniormet, tá ið hon vann B-finaluna á Danish Open við tíðini 1:12.48. Metini hjá henni vóru 1:12.91 frá í morgun, og áðrenn tað 1:14.06 frá NMU í fjør. Sí úrslitalistan her
Líggjas Joensen (2008, Ægir) svam seg fyri løtu síðani til bronsuheiðursmerki á Danish Open 2025, og flott persónligt met eisini, við tíðini 8:15.05 í 800 metra frísvimjing á langgeil. Hansara besta tíð áðrenn hetta, var 8:20.60. Sí úrslitalistan her.
Fyrsti finalupartur á Danish Open 2025 byrjar nú kl 16, føroyska tíð, við luttøku av eisini føroyskum svimjarum. Sí úrslitini so hvørt her á Swimify
Fyriskipararnir av Oyggjaleikum 2025 sendu okkum herfyri niðanfyri standandi kunning um svimjistevnuna sum verður har á Orkney, 14. til 17. juli 2025. Sum heild sær tað rættiliga gott út, m.a. við góðum plássi til áskoðarar.
Lea Osberg Højsted (2008, Ægir) setti fyri løtu síðani stórt nýtt føroyskt met og juniormet í 100 metra bringusvimjing á langgeil, tá ið hon í innleiðandi riðlunum á Danish Open svam seg til úrslitið 1:12.91. Hon átti sjálv metini á 1:14.06, frá NMU í fjør. Sí úrslitalistan her
Danish Open 2025 byrjaði nú í morgun, har eisini svimjarar úr HS, Ægir og FS lutteka. Úrslit frá Danish Open fara at kunna síggjast her á Swimify, og stroymað verður her á Svoem TV
Evropeiska svimjisambandið fráboðaði nú á døgverða, hvørjir dómarar ið tey hava úttikið til EM U23, sum verður í Samorin í Slovakia hin 26. til 28. juni 2025. Har í millum eru altjóða yvirdómarar Katja Lervig og Rúni Gaardbo, sum vóru innstillingin hjá Svimjisambandi Føroya til hesa stevnu. Til lukku tit bæði.
Bergen Swim Festival 2025 byrjar nú í morgun, har eisini Jonna Joensen (2005, Ægir) luttekur. Úrslit frá Bergen Swim Festival fara at kunna síggjast her á Swimify, og stroymað verður her á SuperLive
Her er innbjóðing til bólkastevnu sum Havnar Svimjifelag skipar fyri í Svimjihøllini í Gundadali, leygardagin hin 12. apríl 2025. Hetta er stevna fyri okkara yngru aldursbólkar.
Árliga Bergen Swim Festival byrjar nú fríggjamorgunin hin 4 apríl, við luttøku av eisini Jonnu Joensen (2005) úr Ægir, sum her luttekur við Aalborg Svømmeklub. Sí Swimify
Úrslit frá Bergen Swim Festival fara at kunna síggjast her á Swimify
Stroymað verður her á SuperLive
