HeimsMeistarastevnan á stuttgeil 2024 verður týsdag 10. til sunnudag 15. desember, í Budapest í Ungarn. Fyribils luttakaralistar síggjast nú her á Omegatiming, sum ikki óvæntað boða frá harðari kapping.
Fyribils startlistar til HMS 2024
Category: Kapping
Innbjóðing til SMS Jólasprint 2024
Her er innbjóðing til svimjistevnuna “SMS Jólasprint 2024”, sum Havnar Svimjifelag skipar fyri í Svimjihøllini í Gundadali, leygardagin hin 14. desember 2024.
NM/NJM 2024 millum bestu nakrantíð
Rætting: Isak er enn juniorur, so hansara føroyska met er eisini juniormet
Vit skulu langt aftur í søgubøkurnar, til at finna eina Norðurlendska Meistarastevnu og JuniorMeistarastevnu har føroyskir svimjarar stóðu seg so mikið væl, sum hesar tríggjar dagarnar nú í Vejle.
Frálíkur triði dagur á NM/NJM 2024
Triði og síðsti finalupartur varð avgreiddur í dag á Norðurlendsku Meistarastevnuni og JuniorMeistarastevnuni 2024, har eisini føroyingar gjørdu vart við seg. Tvey føroysk met og eitt silvurmerki, sí úrslitini her á Swimify
Føroyar 3:21.75 og stórt føroyskt landsliðsmet í 4×100 frí
Teir fýra Bartal, Heini, Isak og Líggjas megnaðu í kvøld at seta stórt føroyskt landsliðsmet í eisini 4×100 metra frísvimjing, tá ið teir í finaluni á NM 2024 svumu seg til samlaða úrslitið 3:21.75. Sí úrslistalistan her
Hetta var omaná landsliðsmetið í 4×200, fyrradagin, og í forleingilsi av føroyska metinum hjá Bartali her sum fyrsti maður í hesari 4×100 frí stafettini. Gamla metið var 3:26.08, frá Oyggjaleikum á Gibraltar í 2019.
Bartal 49.95 og fyrsti føroyski svimjari undir 50 í 100
Bartal E. Eidesgaard (2003, HS) megnaði í dag at seta søguligt føroyskt met, tá ið hann í finaluni í 4×100 metra frísvimjing sum fyrsti svimjari hjá føroyska liðnum svam seg til úrslitið 49.95 sekund. Sí úrslitalistan her
Føroyska metið var 50.04, sum fyrst Pál Joensen (1990, SuSvim) svam á Oyggjaleikum á Álandi í 2009, og síðani Bartal tangeraði á FM á stuttgeil í november mánaða.
Líggjas 1:48.49 og silvur í 200 frí á NJM 2024
Líggjas Joensen (2008, Ægir) megnaði í dag at svimja seg til eitt heiðursmerki afturat á NJM 2024, tá ið hann í finaluni í 200 frí svam seg til silvur við næstbestu tíð av øllum, 1:48.49. Sí úrslitalistan her
Triði morgun á NM/NJM 2024
Triði og síðsti morgun er avgreiddur á Norðurlendsku Meistarastevnuni og JuniorMeistarastevnuni 2024, og fingu vit aftur nakrar svimjarar í finalur seinnapartin, umframt okkurt persónligt met.
Líggjas 15:20.28 og silvur í 1500 frí á NJM 2024
Líggjas Joensen (2008, Ægir) megnaði í dag at vinna sær silvurheiðursmerki í 1500 frí á NJM 2024, afturat gullheiðursmerkinum sum hann vann í 400 frí í gjár. Sí úrslitalistan her
Isak 1:59.39 og gull og stórt føroyskt met í 200 firvald á NJM 2024
Rætting: Isak er enn juniorur, so hetta var eisini juniormet
Isak D. Brisenfeldt vann í dag norðurlendskt gull og setti stórt føroyskt met í 200 metra firvaldasvimjing á stuttgeil, tá ið hann í finaluni á NM/NJM í Vejle svam seg til úrslitið 1:59.39. Sí úrslitalistan her á Swimify
