Nù síggjast úrslitini frá Norðurlendsku Meistarastevnuni fyri Ung 2024 á SwimRankings, har vit millum annað kunnu síggja at Føroyar endaðu sum nr 6 av 9 londum, og at 9 av okkara 11 svimjarum betraðu seg minst éina ferð í onkrari einstaklingagrein, og 20 ferðir tilsamans, umframt at tey standa at hava sett 4 føroysk met og 6 føroysk juniormet.
Gløgga eygað hevur sikkurt longu uppdagað, at Líggjas heldur í eini sjokulátaplátu, har á myndini í sambandi við hansara gull í 400 frí á NMU 2024. Handan var vinningurin tí at hann kláraði besta avrik av øllum dreingjum á hesi stevnu, við úrslitinum 1:53.14 í 200 frí, sum gav 732 AQUA-stig. Sí listan her
Dreingirnir hjá okkum megnaðu í dag at vinna flott norðurlendskt bronsuheiðursmerki í 4×200 metra frísvimjing á langgeil, tá ið teir á NMU 2024 í Helsinki svumu seg til úrslitið 7:56.77. Sí úrslitalistan her
Lea Osberg Højsted (2008, Ægir) megnaði í dag at seta stórt nýtt føroyskt met og juniormet í 100 metra bringusvimjing á langgeil, tá ið hon á Norðurlendsku Meistarastevnuni fyri Ung 2024 svam seg til úrslitið 1:14.06. Sí úrslitalistan her
Líggjas Joensen (2008, Ægir) megnaði í morgun at vinna eitt gullheiðursmerki afturat á Norðurlendsku Meistarstevnuni fyri Ung 2024, tá ið hann í 400 metra frísvimjing svam seg til úrslitið 4:06.17. Sí úrslitalistan her
Føroyingarnir svumu væl eisini seinna stevnupart á NMU 2024, har serliga Líggjas Joensen (2008, Ægir) skaraði framúr við at vinna gull og seta føroyskt juniormet í 200 frí, men har vit hartil sóu eini 8 persónlig met verða sett. Sí úrslitalistan her
Líggjas Joensen (2008, Ægir) megnaði fyri løtu síðani at vinna sær norðurlendskt gull í 200 metra frísvimjing á langgeil, tá ið hann á Norðurlendsku Meistarastevnuni fyri Ung 2024 svam seg til úrslitið 1:53.14. Tíðin var hartil nýtt føroyskt juniormet. Sí úrslitalistan her
Her vóru nøkur met sum manglaðu í uppgerðini í morgun – nevniliga at okkara stafettir bæði hjá gentum og dreingjum settu nýgg føroysk landsliðsmet í 4×100 blandað fyri juniorar, genturnar við 4:37.30 og dreingirnir við 4:07.99. Sí úrslitalistarnar her
Tey hava nú avgreitt fyrsta morgun bæði á NMU og EJM 2024, og gekk tað bara heilt væl hjá føroyingum. Eitt silvur og fýra persónlig met varð tað til á NMU, umframt 1 føroyskt met og juniormet á EJM.
Isak Brisenfeldt (2006, HS) megnaði í morgun at seta stórt nýtt føroyskt met í 200 metra firvaldasvimjing á langgeil, tá ið hann á Evropeisku JuniorMeistarastevnuni í Vilnius svam seg til úrslitið 2:05.22. Óli Mortensen átti metið á 2:06.05, frá FM á langgeil í 2016, meðan besta tíð hjá Isaki áðrenn hetta var 2:07.41 frá Danish Open í apríl mánaða.
Tíðin er neyðturviliga eisini nýtt føroyskt juniormet, eftirsum at Isak enn er juniorur, her hann luttekur á EJM. Tað metið var hasar 2:07.41 hjá Isaki
