Danir fáa bara éin kjans at kvalifisera seg til HM í Shanghai

Sportchef Lars Sørensen greiðir her á politiken.dk frá nýggja háttin hjá danska svimjisambandinum at taka út til altjóða meistarastevnu, har svimjarin nú fær éin og bara éin kjans at klára kravtíðina í hvørjari svimjigrein. Fyrr hava tey havt eitt tíðarskeið at klára kravtíðina í, sum vit eisini kenna herfrá í Føroyum; men nú fara tey til skipanina sum vit kenna frá til dømis Avstralia og USA, at kravtíðin skal klárast á éinari stevnu, sum í danska førinum er Danish Open frá í morgin til sunnukvøldið. Og har enntá bara í finalupartinum, til at simulera pressið á altjóða meistarastevnu.