Pál Joensen 4:18.97 og føroyskt met í 400 blandað

Aftur nú seinnapartin megnaði Pál Joensen at seta stórt nýtt føroyskt met, tá ið hann á SMS-stevnuni í Gundadali svam 400 blandað uppá 4:18.97, har metið hjá honum var 4:26.18 frá Oyggjaleikum í 2009. Altso ein betring uppá yvir 7 sekund, í mun til hansara silvurvinnaratíð frá superdrakt-tíðini á Álandi, og væl undir ikki-FINA-góðkenda metið hjá honum á 4:23.10 frá Oyggaleikum á Isle of Wight í 2011.