Fyrrverandi amerikanski høvuðslandsliðsvenjarin Mark Schubert segði í dag á tíðindafundi í The International Hall of Fame, at hann ikki fekk nakra munnliga ella skrivliga ávaring frá USA Swimming áðrenn uppsøgnina, og at tey tí ikki hava hildið seg til sáttmálan. USA Swimming stjórin Chuck Wielgus hevði gott nokk átalað okkurt í sambandið við Pan Pacs, men segði samstundis í nærum sama andadrátti, at Schubert kundi verða verandi í starvinum sum høvuðslandsliðsvenjari fram til 2016 ella 2020. Lesið SwimmingWorld Magazine og SwimNews.com
Tae-hwan Park ger um seg á Asian Games
Koreanski Tae-hwan Park vann í gjár 400 frí á asiatisku meistarastevnuni á langgeil í Guangzhou (Canton) í Kina, við tíðini 3:41.73. Hetta er triðbesta tíð í heiminum nakrantíð, bara aftanfyri týska Paul Biedermann 3:40.07 frá HM í Rom í fjør summar, og avstralska Ian Thorpe 3:40.08 frá Commonwealth Games í Manchester í 2002. Park vann eisini 100 frí við 48.70 og 200 frí við 1:44.80, men stúrir fyri hvussu tað fer at ganga í 1500 frí í morgin, har hann skal svimja ímóti kinesisku Sun Yang og Zhang Lin.
Wildeboer: Tit sabotera Lotte Friis
Paulus Wildeboer landsliðsvenjari hjá Danmark biður nú um arbeiðsfrið til aftaná OL, so at møguleikarnir hjá Danmark at vinna heiðursmerki á OL ikki verða oyðilagdir. Sambært honum er rokið runt NTC mest destruktivur slatur frá egoistiskum venjarum úti í feløgunum, til at skapa eina negativa atmosferu runt NTC, so at bestu svimjararnir verða verandi úti í feløgunum. Eitt klandur sum sýgur so nógva góða orku, at møguleikarnir minka hjá Danmark, at vinna heiðursmerki á stóru altjóða meistarastevnunum. Lesið t.d. sporten.dk og eb.dk.
Oussama Mellouli á Morning Swim Show
The Morning Swim Show tosar her við tunesiska Oussama Mellouli, heimsmeistari og olympiskur meistari í 1500 frí. Um at venja ‘old school’ (vælsagtans ‘metrar’) hjá Bill Rose á hæddarlegu, í mun til hjá Dave Salo har tey venja tað mesta við intensiteti. Um hvussu hann ikki var klárur til Pan Pacs, tí at hann hevði verið for óstøðugur við venjingini. Og um hvussu hann nú miðjar fram ímóti Dubai og Shanghai, uttan tó at hugsa um at taka heimsmet og líknandi.
Úrslit frá FOMM 2010
Her er so úrslitalisti og annað frá Føroya Opnu Masters Meistarastevnu 2010, fyrsta føroyameistaraheiti fyri ‘old boys’ og ‘old girls’ yvirhøvur. Eitt skjótt kól í listan staðfestir, at besta avrik hjá monnum var 394 FINA stig fyri 27.70 í 50 frí hjá Høgna Mikkelsen, og hjá kvinnum og øllum yvirhøvur 411 FINA stig fyri 31.27 í 50 frí hjá Anniku Antoniussen.
Myndir og video frá FOMM 2010
Fyrsta føroyska meistarastevna fyri masters var sum kunnugt nú leygardagin, har frægastu ‘oldboys’ og ‘oldgirls’ kappaðust um at vera skjótastu svimjarar í sínum aldursbólki. Tað gongur tíverri eitt sindur striltið at skaffa ein úrslitalista frá stevnuni, men her eru so nakrar stemningsmyndir og videoir.
Weber-Gale um týdningin av at fara tíðliga í song
Amerikanski OL-gullvinnarin Garrett Weber-Gale skrivar her á swimnetwork.com um týdningin av at fara tíðliga í song, til at kunna venja væl um morgunin. At hann sum yngri ikki hugsaði so nógv um hvussu nógv ið hann svav, men at hann so í ár setti sær spurningin: “What if I could feel good most mornings when I wake up?”.
Continue reading Weber-Gale um týdningin av at fara tíðliga í song
Schubert ikki longur amerikanskur landsliðsvenjari
Amerikanski høvuðs-landsliðsvenjarin Mark Schubert varð sum kunnugt sendur til hús í september mánaða, við tað sum tey kalla 60 daga “paid leave of absence”. Nú veit AP at siga frá ónevndari keldu í USA Swimming, at Chuck Wielgus stjóri í USA Swimming fríggjadagin hevur fráboðað teimum, at Schubert ikki longur er høvuðs-landsliðsvenjari.
Continue reading Schubert ikki longur amerikanskur landsliðsvenjari
Video: Birita 50 firvald á World Cup 2010
Birita Debes morlar her sína til tá bestu tíð á 30.63 í 50 metra firvald, á World Cup stevnuni í Stokkhólmi. Tíðin 29.08 er nýtt føroyskt met og juniormet, tríggjar hundraðpartar skjótari enn føroyska metið hjá Shailu millum Garðarnar á 29.11 frá Oyggjaleikum á Álandi í 2009, sum tá rakk til gull.
Video: Magnus 200 rygg á World Cup í Stockholm
Magnus Jákupsson svimur her 200 rygg á World Cup stevnuni í Stokkhólmi. Tíðin 2:05.85 var eitt vet frá hansara føroyska met á 2:04.99, kanska tí at hann hevði lagt so nógv fyri í 100 firvald.