Hetta er tíðin tá ið donsk svimjifeløg plaga at fara á venjingarlegu, at sleppa undan myrkra vetrinum eina løtu, og byggja upp úthaldni til komandi summar. Úr Ægir eru í øllum førum tey bæði Astrið Foldarskarð og Alvi Hjelm farin av landinum, Astrið at venja vælsagtans við felagnum VAT sum hon vandi við í heyst, og Alvi við Esbjerg til Miami í Ameriku. Her niðanfyri er ein mynd av Facebook-síðuni hjá Esbjerg Svømmeklub.
Tíðindaskriv frá Grunninum Pálshøll
Í dag hava Faroe Ship og Grunnurin Pálshøll undirskrivað stuðulsavtalu, sum inniber, at Faroe Ship verður millum stóru stuðlarnir hjá langhylinum í Vági.
John Henrik Holm frá Grunninum Pálshøll fegnast um at tær stóru fyritøkurnar í landinum hava áhugað í at stuðla hesari verkætlanini, sum fer at gerast eitt stórt aktiv bæði fyri Suðuroynna og landið sum heild.
Jóhanna á Bergi, stjóri í Faroe Ship sigur, at tey halda talan verða um eina spennandi og heldur óvanliga verkætlan, sum jú fevnir um bæði 50 m. svimjihyl, barnahyl og vælverudepli. Hetta hevur eisini ført við sær, at Faroe Ship er vorðin partur av verkætlanini, sigur Jóhanna á Bergi.
Í vikuni verður farið undir at seta sjálvan svimjihylin upp í langhylinum á Oyrunum í Vági.
Continue reading Faroe Ship stuðlar langhylinum
Sum tit kunnu lesa her á esbjergsvommeklub og her á esbjergsportscollege, so bjóða Esbjerg Svømmeklub og Esbjerg Sports College “et komplet setup” til at fáa skúla og úrvalsvenjing at hanga saman, bæði meðan næmingurin gongur á miðnámi og víðarigangandi skúla. Fleiri føroyingar hava roynt seg í felagnum har, so tað burdi ligið væl fyri.
Sum tit kunnu lesa her á fina.org, so hevur altjóða kærudómstólurin CAS avgjørt at Mads Glæsner skal ikki missa heimsmeistaraheitið í 1500 metra frísvimjing á HM í Istanbul í 2012, hóast hann tveir dagar undan varð tikin í dopingtest. Hetta tí at einki varð funnið í testini hjá honum eftir finaluna í 1500 frí.
Mads Glæsner missur sostatt ‘bara’ bronsuna í 400 metra frísvimjing hin 14. desember 2012, men ikki gullið í 1500 frí hin 16. desember 2012. Og Pál fer harvið aftur til at hava vunnið bronsu, heldur enn silvur, aftanfyri Mads Glæsner og italska Gregorio Paltrinieri.
Danir fegnast sjálvsagt; her á svoem.dk verður stjórin í danska svimjisambandinum Pia Holmen endurgivin fyri at siga:
“Udover, at vi har fået et verdensmesterskab retur, så glæder jeg mig over det principielle i sagen. At Mads Glæsner vælger at appellere sagen, hænger meget stærkt sammen med hans retfærdighedssans. Det har været en lang sej kamp og en helt sikker forfærdelig ventetid. Men familien har holdt fast, og nu kommer belønningen endelig. Det kan jeg naturligvis kun glædes over. Det er dejligt for Mads Glæsner, men det er så sandelig også samtidig dejligt for dansk elitesvømning. Når sådan en god nyhed tikker ind, bliver vi alle både glade og lettede i hele organisationen.”
Continue reading Mads Glæsner vann kæru ímóti FINA, nú aftur 2012 heimsmeistari í 1500 frí
The Sydney Morning Herald skrivar her, at løgreglan í Sydney fekk Ian Thorpe á viðgerðarstovu, eftir at fólk høvdu kallað teir til tí at hann gekk og mól á gøtuni.
Thorpe’s manager, James Erskine, confirmed to Fairfax Media that Thorpe had been taken from Bankstown Hospital to a rehabilitation clinic.
Viðfestur er úrslitalistin frá svimjistevnuni á Toftum hin 1. februar 2014, sum Svimjifelagið FLOT skipaði fyri, fyri yngru bólkar okkara 2-3 gentur og 3-4 dreingir. Tað eru børn fødd í 2002 og yngri.
Stevnan var merkt av ringa veðrinum hesa tíðina, so at suðuroyingar meldaðu avboð vegna ivasamt sjósamband, og klaksvíkingar vórðu seinkaðir tí at vegurin stongdi.
Luttøkan kundi verið betri, men tó so var tað rættiliga rættvíst, at Reysti vann nógv mest í yngra bólkinum, og Havnar Svimjifelag og Reysti eina rúgvu í tí eldra.
Lesið til dømis The Sydney Morning Herald. Umboðsmaðurin hjá Ian Thorpe avnoktar nú søguna frá í gjár um at Ian Thorpe varð innlagdur við depressión og rúsdrekkatrupulleikum. Tað var økslin sum hevði fingið skaða.
Viðfestur er startlistin til svimjistevnuna á Toftum nú leygardagin hin 1. februar 2014, sum Svimjifelagið FLOT skipar fyri. Rúni biður venjarar kanna væl um alt er sum tað skal vera.
Avstralska svimjilegendan Ian Thorpe varð sambært The Herald Sun innlagdur á sjúkrahúsi í Sydney í gjárkvøldi, at fáa viðgerð fyri depressión og rúsdrekkamisnýtslu. Hann hevur fyrr avdúkað, millum annað í bók, hvussu hann í síni svimjikarrieru stríddist við depressión, og er nú eftir øllum at døma fingið tilbakafall, eftir miseydnaðu royndini at koma við til OL í London í 2012.
Mie Ø. Nielsen setti í kvøld nýtt norðurlendskt met í 50 metra ryggsvimjing á langgeil, tá ið hon á Skagerrak Swim stevnuni í Kristiansand í Noregi svam teinin uppá 28.43 sekund. Hon átti sjálv norðurlendska metið, sum var 28.51 frá tá ið hon vann gull á evropeisku juniormeistarastevnuni í Antwerpen í 2012.
