Nú nærkast so smátt til árligu úttøkustevnurnar til EM 2026, har vit í Føroyum serliga kenna Danish Open, Bergen Swim Festival og Swim Open Stockholm. Nú góð vika er til fyrstu av hesum stevnum, so síggjast startlistarnir á Swimify, ið benda á harða kapping, við eisini føroyskari luttøku í Stockholm og Bellahøj.
Swim Open Stockholm 9. – 12. apríl 2026
Her luttaka Líggjas Joensen (2008, Ægir) og Isak Brisenfeldt (2006, HS), báðir fyri Aalborg Svømmeklub.
Luttøkan er risastór og toppstøðið í heilum í heimsklassa; men tó so klárar Líggjas at hava styrkismeting til 10. pláss í 1500 frí og Isak til 11. pláss í 200 blandað:
- Líggjas 400 frí (#25 av 70), 800 frí (#20 av 48) og 1500 frí (#10 av 38)
- Isak 50 frí (#82 av 201), 50 firvald (#50 av 181), 100 firvald (#19 av 128), 200 firvald (#13 av 54), 200 blandað (#11 av 100)
Sí startlistarnar her á Swimify
Danish Open 16. – 19. apríl 2026
Her luttekur Líggjas Joensen (2008, Ægir) fyri Aalborg Svømmeklub.
Her eru fyri tað mesta ‘bara’ danskir svimjarar, og liggur Líggjas tí eisini væl fyri til at taka heiðursmerki:
- Líggjas 100 frí (#27 av 119), 200 frí (#10 av 70), 400 frí (#4 av 42), 800 frí (#2 av 23) og 1500 frí (#1 av 19)
Sí startlistarnar her á Swimify og luttakaralistan her á svømmetider.dk
Bergen Swim Festival 17. – 19. apríl 2026
Her luttekur eftir øllum at døma eingin føroyingur.
Sí startlistarnar her á Swimify