Her eru úrslitini frá svimjistevnuni í Páls Høll nú 4. og 5. mars 2017, sum Suðuroyar Svimjifelag skipaði fyri. Ein stevna har hæddarpunktini vóru føroyska metið hjá Janu B. Thomsen í 200 firvald, føroyska juniormetið hjá Vár E. Eidesgaard í 50 firvald, og føroyska metið hjá Beintu P. Debes í 200 bringu.
Continue reading Úrslit frá SuSvim-stevnuni 4. og 5. mars 2017
Vár Erlingsdóttir Eidesgaard setti nú seinnapartin nýtt føroyskt juniormet í 50 metra firvaldasvimjing á langgeil, tá ið hon á SuSvim-stevnuni í Páls Høll í Vági svam teinin uppá 28.80 sekund. Vár er árgang 2001 og svimur fyri Havnar Svimjifelag.
Jana Bjartalíð Thomsen setti í morgun stórt nýtt føroyskt met og juniormet í 200 metra firvaldasvimjing á langgeil, tá ið hon á SuSvim-stevnuni í Páls Høll í Vági svam teinin uppá 2:28.40. Jana er árgang 2000 og svimur fyri Ægir.
Her er startlistin til svimjistevnuna í Páls Høll í Vági nú leygardagin 4. og sunnudagin 5. mars 2017, sum Suðuroyar Svimjifelag skipar fyri. Startlistin sæst eisini her á livetiming.dk, og fer tað at bera til at fylgja við úrslitunum beinleiðis her á somu síðu.
Her er innbjóðing til svimjistevnu í Páls Høll í Vági, leygardagin 4. og sunnudagin 5. mars 2017, sum Suðuroyar Svimjifelag skipar fyri. Hetta er opin stevna, tað vil siga uttan aldursavmarking.
