Her eru úrslitalistarnir frá SuSvim Open í Vági, sum Suðuroyar Svimjifelag skipaði fyri nú leygardagin og sunnudagin 26. og 27. september fyri SuSvim Open, í nú skjótt stongda skúlahylinum.
Continue reading Úrslit frá SuSvim Open 26. og 27. september 2015
Signhild Joensen úr Ægir setti í dag stórt nýtt føroyskt juniormet í 200 metra ryggsvimjing, tá ið hon á SuSvim Open í Vági svam teinin uppá 2:15.64. Hon átti sjálv juniormetið á 2:18.17 frá FøroyaMeistarastevnuni í mai mánaða, og er nú rættiliga nær føroyska metinum hjá Elspu Mørkøre, á 2:15.15 frá donsku meistarastevnuni á stuttgeil í 2007.
(Signhild í Vági í dag. Jón Bjarnason eigur myndina)
Nú í vikuskiftinum verður SuSvim Open svimjistevna í skúlahylinum í Vági, sum Suðuroyar Svimjifelag skipar fyri.
Continue reading SuSvim Open í Vági 26. og 27. september 2015
Sára Ryggshamar Nysted setti í dag nýtt føroyskt juniormet í 100 metra blandaðari svimjing, tá ið hon á Bank Nordik stevnuni í Vági svam teinin uppá 1:06.59.
Hon átti sjálv juniormetið á 1:06.74, frá Ægir-stevnuni í februar mánaða, og er nú enn longur undir oyggjaleikakravtíðini á 1:07.40.
Sára hevur sostatt sett 3 juniormet á hesi síðstu stevnu í 25 metra hylinum í Vági, fyrst í 400 blandað í morgun, og síðani nú í 200 frí og 100 blandað.
Sára Ryggshamar Nysted setti fyri løtu síðani stórt nýtt føroyskt juniormet í 200 metra frísvimjing, tá ið hon á Bank Nordik stevnuni í Vági svam teinin uppá 2:04.81. Victoria Wigant Eysturdal átti føroyska juniormetið á 2:06.13, frá FøroyaMeistarstevnuni 2013.
Føroyska kravtíðin til Oyggjaleikir á Jersey 2015 er 2:05.01, so hana kláraði Sára eisini.
Sára svimur fyri Suðuroyar Svimjifelag.
Sára Ryggshamar Nysted setti fyri løtu síðani nýtt føroyskt juniormet í 400 metra blandaðari svimjing, tá ið hon á Bank Nordik stevnuni í Vági svam teinin uppá 4:59.32.
Suðuroyar Svimjifelag skipar fyri BankNordik stevnu í Vági nú leygardagin og sunnudagin 7. – 8. mars 2015. Ein rættiliga merkisverd stevna, við tað at tað er síðstu ferð at skúlahylurin í Vági verður brúktur til svimjistevnu. Sí viðfestu innbjóðing.
