Signhild 2:15.66 og silvur á 8° Trofeo Città di Milano

Signhild Joensen úr Ægir megnaði í dag at vinna sær altjóða heiðursmerki í svimjing, tá ið hon á stevnuni Città di Milano í Milano vann silvur í 200 metra ryggsvimjing, við tíðini 2:15.66 har franska Carille Gheorghiu vann gull við 2:13.76 og italienska Martina Cenci bronsu við 2:15.92. Sí úrslitalistan her.

Hendan tíðin hjá Signhild er aðru ferð í dag at hon staðfestir støði til Evropameistarastevnuna á stuttgeil 2018, sum verður í Glasgow í august, aftaná at hon í innleiðandi riðlunum í morgun svam triðbestu tíð av øllum, 2:16.29.

Signhild eigur føroyska metið á teininum, sum er 2:14.01 frá tá ið hon vann gull í greinini á Danish Open í apríl mánaða í fjør.

Sjónvarp og úrslit frá 8° Trofeo Città di Milano

Sum nevnt so fer Raisport+ at senda frá finalunum á “8° Trofeo Città di Milano”, har eisini Ægir-svimjararnir Rókur Trygvason og Signhild Joensen luttaka. Umframt at har er stroyming, til okkum sum ikki síggja italienskt sjónvarp. Her niðanfyri er sjónvarpingin frá í morgun, og hartil kunnu úrslitini finnast her.

Tað verður nú seinnapartin at Signhild skal royna seg, í opnu finaluni í 200 metra ryggsvimjing. Tíðarætlanin sæst her, sum sigur at hendan finala er kl 17:50, Milano tíð, sum er kl 16:50 her í Føroyum. Hetta niðanfyri skuldi gjarna verið livestream-rásin:

Annars er stevnusíðan sum nevnt trofeocittadimilano.it

Signhild víðari til finalu á 8° Trofeo Città di Milano

Tey bæði Rókur Trygvason og Signhild Joensen hava nú roynt seg á altjóða stevnuni Trofeo Città di Milano, sum er í Milano. Og tað gekk frálíkt – Rókur setti persónlig met í 50 metra bringusvimjing, og Signhild svam seg við 2:16.29 í 200 rygg aftur undir kravtíð til Evropameistarastevnuna á langgeil í summar, og víðari til finalu har í Milano við triðbestu tíð av øllum.

Stroyming frá 8° Trofeo Città di Milano

Sum nevnt fara Rókur Trygvason og Signhild Joensen at royna seg á altjóða stevnu í Milano, nú í vikuskiftinum, og fylgja vit tí sjálvsagt við í tann mun sum vit megna. Heimasíðan hjá stevnuni eitur trofeocittadimilano.it, og nevnir millum annað at Raisport+ fer at senda frá finalunum fríggjadagin, umframt at har verður stroyming á hesari rásini …

Signhild og Rókur til 8° Trofeo Città di Milano

Í morgin fara Signhild Joensen og Rókur Trygvason úr Ægir til Italia at kappast, saman við venjara teirra, Juan Jaime Arroyo-Toledo. Hetta á altjóða stevnuni Trofeo Città di Milano, í Milano. Kappast verður nú fríggjadag til sunnudag 9. til 11. mars, sí nuotatorimilanesi.it og trofeocittadimilano.it

Óli greitt besti svimjari á NM/NJM 2017

Óli Mortensen snøgt sagt ‘kom, sá og sigraði’, tá ið hann í síðstu viku luttók á Norðurlendsku Meistarastevnuni 2017. Hóast hann luttók bara í éinari kapping, og vegna tíðarneyð mátti skera av ferðini í báðum endum, so endaði tann luttøkan við at verða greitt besta avrik av øllum, á hesum NM/NJM.

Continue reading Óli greitt besti svimjari á NM/NJM 2017

Ægir-kvinnur 4:03.56 og føroyskt met í 4×100 frí

Ægir-kvinnur settu í dag nýtt føroyskt met í 4×100 metra frísvimjing, tá ið tær á triðja degi av FøroyaMeistarastevnuni á langgeil 2017 svumu teinin uppá 4:03.56. HS-kvinnur áttu metið á 4:04.84, frá FM á langgeil í fjør. Tær sum svumu nú fyri Ægir, vóru Signhild Joensen, Jana B. Thomsen, Barbara Debes og Ásbjørg Hjelm.

Úrslit frá JM/MU 2017

Her er úrslitalistin frá JuniorMeistarastevnuni og Meistarastevnuni fyri Ung 2017, sum Svimjisamband Føroya og Ægir skipaðu fyri í Klaksvíkar Svimjihøll, nú í vikuskiftinum hin 12. til 14. mai. Ein stevna har serliga Ægir skaraði framúr, við Rebekku Trygvadóttir sum mest vinnandi svimjara, umframt at Vár Eidesgaard úr HS og Signhild Joensen úr Ægir settu føroysk met.

Continue reading Úrslit frá JM/MU 2017

Signhild 2:15.69, HM-kravtíð og stórt nýtt føroyskt met í 200 rygg

Signhild Joensen setti fyri løtu síðani stórt nýtt føroyskt met og juniormet í 200 metra ryggsvimjing á langgeil, tá ið hon í innleiðandi riðlunum á Danish Open 2017 svam teinin uppá 2:15.69. Ein betring á heili 2,42 sekund, í mun til metini hjá Sáru R. Nysted á 2:18.11 frá Reykjavík International í 2016, og á 3,92 sekund í mun til bestu tíð hjá Signhild sjálvari fra Danish Open í fjør. Signhild svimur fyri Ægir í Klaksvík.

Continue reading Signhild 2:15.69, HM-kravtíð og stórt nýtt føroyskt met í 200 rygg

Signhild 29.98 og føroyskt met í 50 rygg

Signhild Joensen setti í morgun stórt nýtt føroyskt met og juniormet í 50 metra ryggsvimjing á langgeil, tá ið hon á Danish Open 2017 svam teinin uppá 29,98 sekund. Hon átti sjálv metini á 30,07 sekund, og er hon sostatt eisini fyrsta føroyska kvinna nakrantíð undir 30 sekund í 50 rygg á langgeil. Signhild svimur fyri Ægir.

Continue reading Signhild 29.98 og føroyskt met í 50 rygg