Oussama Melluli um lívið nú runt OL í London

Samrøða hjá The Morning Swim Show við Oussama Mellouli, Olympiskur meistari í 10 km havsvimjing umframt bronsuvinnari í 1500 frí frá OL í London í summar. Áhugavert at hoyra hvussu ætlanin um at svimja 10 km fyrst varð tikin umleið um hesa tíð fyri einum ári síðani, og um hvussu hann ætlar at halda áfram til Rio 2016. Mellouli vandi sum kunnugt saman við dønum og Páli hetta síðsta hálva árið áðrenn OL í London, men tað verður so ikki nevnt í samrøðuni.

TV2 um hvussu Pál hevur vant saman við Mellouli

Áhugaverd grein her á tv2.dk, um hvussu Pál hesar seinastu mánaðirnar hevur vant saman við tunesiska OL-meistaranum í 1500 metra frísvimjing, Oussama Mellouli … eisini tí at hóast Mads Glæsner hevur verið við líka langt sum Mellouli, so verður hann her bara lýstur sum tann ið fekk samband millum danska OL-hópin og Mellouli.

“Jeg træner normalt meget alene, men det har været godt at have nogen at svømme med, og det gælder sådan set hele det danske landshold,” siger Joensen.
Joensen og Mellouli har mere eller mindre fulgt det samme program op til OL, og de har naturligvis også svømmet om kap undervejs.
“Jeg har da slået ham nogle gange, men han har altså også slået mig,” siger færingen.

Pál og Ous í Rijeka

Mellouli avdúkar politiskt trýst úr Tunesia

Góð grein her í The New York Times um tunesiska Oussama Mellouli, sum á OL í 2008 varð fyrsti maður í 11 ár at vinna á Grant Hackett í 1500 frí, hóast hann leið av dupultum diskusprolaps. Hann avdúkar nú hvussu fyrrverandi stjórnin legði trýst á seg, at stuðla verandi stjórn, við at ringja til pápan og siga “We didn’t hear Ous dedicate his medal to the president.” Hann varð móttikin sum hetja í Tunesia eftir HM í Dubai umleið samstundis sum Bouazizi setti eld á seg, og avdúkar eisini at hann var akslaskaddur fyri bara hálvum ári síðani. Men nú svimur hann við endurnýggjaðari styrki, eisini vegna frælsisstríðið í Tunesia, og sigur at málini eru gull á HM í Shanghai og OL í London.

vlcsnap-2010-12-19-12h47m41s106

[Mellouli eftir teir 1500 í innleiðandi á HM í Dubai, deyður sum ongantíð fyrr]

Mellouli er í topp-form

SwimNews.com skrivar her um tunesiska Oussama Mellouli, at hann á Missouri Grand Prix í vikuskiftnum vísti óvanliga góðan form so mikið tíðliga á árinum, tá ið hann í 1500 frí á langgeil vann gull við tíðini 15:01.65. Mellouli hevur sambært SwimNews ‘bara’ verið 8 ferðir undir 15 minuttir í 1500 frí, harav tað 2 ferðir var undir 14:50, og 2 ferðir undir 14:40. Besta tíð tíðliga á árinum var 14:59.97 í apríl mánaða í 2009, sama ár sum hann vann 1500 frí á HM í Rom.
Continue reading Mellouli er í topp-form

Tunesiska svimjisambandið stormað

Tað hevur sum kunnugt verið so mikið ófriðarligt í Tunesia í seinastuni, at tann nú fyrrverandi forsetin at enda mátti rýma, og tey nú eru í ferð við at umskipa stjórnina. Ófriðurin røkkur eftir øllum at døma líka út í ítróttarsambondini, har hølini hjá tunesiska svimjisambandinum nú vórðu stormað og hersett, av millum øðrum foreldrini hjá tunesiska OL-gullvinnaranum og heimsmeistaranum Oussama Mellouli. Forsetin í svimjisambandinum er sjálvsagt ógvuliga fortørnaður, og stúrir fyri at arkivini hjá svimjisambandinum verða oyðiløgd. Lesið her á SwimNews.com.

Mellouli svimur 200 frí finalu kl 15.33

Mellouli hevði 2. bestu tíð í 200 frí í morgun og skal svimja í finaluni kl 15.33 mótir Ryan Lochte (USA), Nikita Lobintsev (RUS), Paul Biedermann (GER), Shaune Fraser (CAY), Pawel Korzeniowski (POL), Danila Izotov (RUS) og Tommaso D’Orsogna (AUS). Á svimjing.com/live ber til at fylgja við finalunum via Omegatiming.


Continue reading Mellouli svimur 200 frí finalu kl 15.33

Oussama Mellouli á Morning Swim Show

The Morning Swim Show tosar her við tunesiska Oussama Mellouli, heimsmeistari og olympiskur meistari í 1500 frí. Um at venja ‘old school’ (vælsagtans ‘metrar’) hjá Bill Rose á hæddarlegu, í mun til hjá Dave Salo har tey venja tað mesta við intensiteti. Um hvussu hann ikki var klárur til Pan Pacs, tí at hann hevði verið for óstøðugur við venjingini. Og um hvussu hann nú miðjar fram ímóti Dubai og Shanghai, uttan tó at hugsa um at taka heimsmet og líknandi.

Hackett ynskir betri doping-kontrol

“We are being extremely naive to think we are catching the drug cheats in sport and that the net is closing when blood samples aren’t taken at a major meet like the Olympics.”. Hetta sigur Hackett, í sambandi við at hann eftir øllum at døma sjálvur varð dopingkannaður í sambandi við sítt silvurheiðursmerki í Beijing, meðan gullmerkjavinnarin Oussama Mellouli ikki var kannaður, hóast at hann júst var afturkomin frá ein 18 mánaðar dopingdóm. Lesið á foxsport.com.au og á swimnews.dk.

Mellouli 14:34.31 í Moskva

Sí úrslitalista sum PDF-fíla, her á omegatiming.com. Til nú hevur hann ‘bara’ svomið 14:54.73 í ár, tann 18. oktober á World Cup stevnuni í Durban. Men kanska var tað tí at hann bleiv rætt pressaður hesu ferð, av russiska Vitally Romanovich, sum nú í Moskva svam teir 1500 í tíðini 14:40.46. Romanovic luttekur ikki í Stockholm; men tað er væl heilt greitt at Mellouli fyri tað er klárur favorittur at vinna gullið, nú Pál skal yvir at svimja ímóti honum.

Morning SwimShow tosar við Oussama Mellouli

Tíverri bara sum telefonsamrøða úr Moskva við still-myndum av Mellouli; men teir koma tó runt um ymiskt, so sum gullheiðursmerkið í Beijing, og dopingdómin í fjør. Um tit undrast á so væl hesin tunesin tosar enskt, so er tað tí at hann hevur lisið á lærdum háskúla í USA, og eisini býr har nú.
Continue reading Morning SwimShow tosar við Oussama Mellouli