Markus til Monaco at lesa og svimja

Markus Joensen er fluttur til suðurevropeiska býstatin Monaco, har hann er byrjaður uppá víðari lesnaða í búskaparfrøði, umframt at hann venur við besta liðnum hjá A.S. Monaco Natation.

Markus í svimjihøllini Stade Louis II – Piscine Olympique Albert II í Monaco, saman við venjara sínum Michel Pou

Continue reading Markus til Monaco at lesa og svimja

Útlit til føroysk heiðursmerki á Danish Open 2017

Danska svimjisambandið hevur nú lagt út startlistan til Danish Open 2017, sum verður í Bellahøj Svømmestadion frá 1. til 5. apríl. Og har eru sum vant útlit til heiðursmerki eisini til føroyingar.

Continue reading Útlit til føroysk heiðursmerki á Danish Open 2017

Markus Joensen 58.30 í 100 blandað á DM á stuttgeil

Markus Joensen vann fyri løtu síðani B-finaluna í 100 metra blandaðari svimjing, á donsku meistarstevnuni á stuttgeil, sum eru í Gladsaxe í hesum døgum. Markus svam teinin uppá 58.30, sum er ein fitt betring í mun til hansara til nú persónliga met á 1:00.01 frá Eysturdonsku meistarastevnuna á stuttgeil í oktober. Sí úrslitalistan her.

Markus Joensen, Poznan 2013

(Markus Joensen á EJM í Poznan. Jón Bjarnason eigur myndina)

Pál og Magnus gull á eysturdonsku meistarastevnuni á stuttgeil

Teir báðir Pál Joensen og Magnus Jákupsson vunnu sær hvør sítt gull á eysturdonsku meistarastevnuni á stuttgeil, tá ið Pál í 800 frí svam teinin uppá 7:52.68, og Magnus 100 rygg uppá 52.62. Tíðin hjá Pál er nakað væl frá hansara bestu tíð á 7:36.24 frá Duel in the Pool stevnuni í USA í 2011, meðan tíðini hjá Magnusi er persónligt met við éinum hundraparti, í mun til hansara 52.63 frá Swedish Swim Games herfyri. Pál varð hartil nummar 4 í 200 frí, við tíðini 1:49.14, har hansara besta tíð er 1:46.61 frá EM í Rijeka í 2008, og 1:47.56 uttan superdrakt.

DML2013-Magnus-Pal

(Jákup Jacobsen eigur myndina, frá DM á langgeil í vár)

Astrið Foldarskarð og Markus Joensen royndu seg eisini í dag, fyri felagið VAT sum tey skiftu til her við svimjiársbyrjan. Astrið var í finalu í 50 frí og firvald, har hon í 50 frí varð nummar 5 við tíðini 26.92, og í 50 firvald nummar 6 við tíðini 29.09. Markus varð nummar 10 í 50 firvald við tíðini 26.37, og so seinni kolldømdur í 100 blandað fyri at svimja meira enn 15 metrar undir vatni. Astrið varð eisini nummar 7 sum partur av stafettini hjá VAT í 4×50 blandað, og Markus nummar 6 fyri somu stafett hjá monnum.

Pál 3:47.57 og gull á eysturdonsku meistarastevnuni á stuttgeil

Pál Joensen vann sær í kvøld gull í 400 metra frísvimjing fyri menn, tá ið hann á Østdanske Kortbanemesterskaber í Farum svam teinin uppá 3:47.57, frammanfyri Anton Ørskov Ipsen á 3:48.35 og Marcus Krøyer Svendsen á 4:02.71. Besta tíð nakrantíð hjá Páli er 3:40.12 frá tíðini við superdraktum afturi í 2009, og 3:41.05 í tí sum er loyvt í dag. Astrið Foldarskarð svam seg víðari til finalur bæði í 50 frí og firvald, tá ið hon í 50 frí svam sjeyndbestu tíð 27.09, og í firvald sættbestu tíð 28.58. Markus Joensen svam 10. bestu tíð 26.16 í 50 firvald, og 13. bestu tíð 30.54 í 50 bringu.

DSC_0081

Markus Joensen 1:09.97 í 100 bringu á EJM 2013

Markus Joensen luttók í morgun í 100 metra bringusvimjing á evropeisku juniormeistarastevnuni í svimjing, og svam hann har teinin uppá 1:09.97 sekund. Sí úrslitalistan her. Hetta er eitt sindur frá hansara føroyska juniormeti á 1:08.93 frá Actavis Open í Hafnafirði í mars mánaða.

Markus Joensen, Poznan 2013

Markus 31.87 og nýtt føroyskt juniormet í 50 bringu

Markus Joensen megnaði í morgun at seta nýtt føroyskt juniormet í 50 metra bringusvimjing, tá ið hann í innleiðandi riðlunum á evropeisku juniormeistarastevnuni á langgeil svam teinin uppá 31.87. Tað rakk til eitt 46. pláss í hørðu kappingini á EJM í Poznan, sí úrslitalistan her. Eyðbjørn Joensen átti føroyska juniormetið á 32.13, frá Danish Open í mars mánaða í ár, og besta tíð hjá Markusi sjálvum áðrenn hetta var 32.53 frá Mare Nostrum stevnuni í Barcelona í juni mánaða. Pauli Øssursson Mohr eigur føroyska metið á 31.39, frá EM í Budapest í 2010.

Føroyingarnir svimja ikki meira í dag, men í morgin burdi tað ligið væl fyri, tá ið Guðrun svimur 50 frí, Eyðbjørn 200 frí, Markus 100 bringu, og Óli og Alvi 800 frí.

Markus Joensen, Poznan 2013

(Markus svimur bringu á EJM 2013, Jón Bjarnason eigur myndina)

Markus 2:18.98 men kolldømdur í 200 blandað á EJM 2013

Markus Joensen luttók fyri løtu síðani í innleiðandi riðlunum av 200 metra blandaðari svimjing, á evropeisku juniormeistarastevnuni í Poznan í Póllandi. Tað gekk heilt væl fyrstu løtuna, hann lá frammaliga í sínum riðli eftir firvald og rygg, men dragnaði so nakað í bringu og crawl. Scoreboard segði 2:18.98, men úrslitalistin sigur at hann varð kolldømdur.

markus-6

Føroyar 3:47.78 og nr 14 í 4×100 frí á EJM 2013

Teir fýra Eyðbjørn Joensen, Alvi Hjelm, Óli Mortensen og Markus Joensen luttóku í morgun í 4×100 metra frísvimjing á evropeisku juniormeistarastevnuni í Poznan, og gjørdust teir har nummar 14 við tíðini 3:47.78. Splitt-tíðirnar vóru Eyðbjørn 55.09, Alvi 55.71, Óli 57.44 og Markus 59.54; teir eiga sjálvir føroyska juniormetið sum er 3:46.49 frá NMU í fjørsummar. Sí úrslitalistan her.

Føroyingarnir eru nú lidnir við fyrsta dag á EJM 2013, sum heldur áfram til og við sunnudagin.

Markus og Eyðbjørn, Poznan 2013