Pál 15:10.38 og silvur í 1500 frí á Mare Nostrum í Barcelona

Pál Joensen vann sær í dag sítt næsta silvurheiðursmerki á Mare Nostrum stevnunum 2014, tá ið hann í 1500 metra frísvimjing finaluni í Barcelona svam teinin uppá 15:10.38, beint aftanfyri suðurafrikanska Devon Myles Brown á 15:10.02.

Tað var ein av hesum klassisku kappingunum hjá Páli, har hann legði hart út og dró frá fyrst nógvu hundrað metrarnar, fyri síðani at verða innheintaður ímóti endanum.

(Heiðursmerki hjá Páli á Mare Nostrum 2014. Pál Joensen eigur myndina)
Continue reading Pál 15:10.38 og silvur í 1500 frí á Mare Nostrum í Barcelona

Óli 15:54.62 og juniormet í 1500 frí

Óli Mortensen setti í morgun nýtt føroyskt juniormet í 1500 metra frísvimjing, tá ið hann á Mare Nostrum stevnuni í Barcelona svam teinin uppá 15:54.62. Hann átti sjálvur juniormetið á 15:59.02, frá Danish Open í mars mánaða. Seinnapartin skal Pál royna seg í skjótasta riðli, við bestu tilmeldingartíð av øllum.

(Óli og Pál tosa um eitthvørt á Mare Nostrum stevnuni í Barcelona í fjør)

Føroysk úrslit í morgun

1500 frí menn: Óli Mortensen (1996) 15:54.62 – juniormet
100 frí kvinnur: Victoria Wigant Eysturdal (1998) 1:02.24 (#73 av 76)
100 bringa kvinnur: Ásbjørg Hjelm (1999) 1:22.58 (#36 av 36)
50 frí menn: Eyðbjørn Joensen (1996) 25.48 (#93 av 99)
200 frí menn: Óli Mortensen (1996) 1:56.21

Tey mangla enn at avgreiða 200 frí hjá monnum og 400 frí hjá kvinnum

Óli 2:11.04 og føroyskt met í 200 firvald

Óli Mortensen setti í dag nýtt føroyskt met og juniormet í 200 metra firvaldasvimjing á langgeil, tá ið hann á Mare Nostrum stevnuni í Barcelona svam teinin uppá 2:11.04.

Pál Joensen átti nú farna føroyska metið á 2:12.55 frá Reykjavík International Games í 2009.

Óli eigur eisini juniormetið í 200 metra firvald á stuttgeil, á 2:06.94 frá SuSvim-stevnu í mars mánaða. Har er føroyska metið hjá Páli 2:03.96, frá HS-stevnu í apríl 2012.

Føroysk úrslit fyrsta dag á Mare Nostrum 2014 í Barcelona

UPDATE: Óli Mortensen setti eisini føroyskt met og juniormet í 200 metra firvald. Tað úrslitið manglaði her í frágreiðingini, av tí at eg leitaði út í frá startlistanum, har Óli ikki stóð á.

Nú eru innleiðandi riðlarnir avgreiddir á Mare Nostrum stevnuni í Barcelona, og tey á EJM-landsliðnum kláraðu seg bara heilt ókey. Óli Mortensen kom við tíðini 4:01.71 í 400 frí heilt nær sínum juniormeti frá stevnuni í Canet, sum eisini gav honum eina plasering í betru helvtini á úrslitalistanum.


Continue reading Føroysk úrslit fyrsta dag á Mare Nostrum 2014 í Barcelona

Startlistin klárur til Mare Nostrum stevnuna í Barcelona

Nú finst ein startlisti her á natacio.cat, sum millum annað fortelur okkum at Pál Joensen hevur bestu tilmeldingartíð í 1500 metra frísvimjing.

Hann skal millum annað kappast ímóti kanadiska Devon Myles Brown, franska Damien Joly og spanska Marc Sanchez Torrens, sum vóru skjótari enn Pál í 800 frí í í gjár, tá ið hesir vunnu ávíkavist gull, silvur og bronsu á Mare Nostrum stevnuni í Canet.

Men hesuferð hevur Pál valt 400 meturin frá, ið so kanska gevur eyka orku til 1500 meturin. Hinir tríggir luttaka allir í bæði 400 og 1500.
Continue reading Startlistin klárur til Mare Nostrum stevnuna í Barcelona

Pál 8:03.16 og nr 5 í 800 frí í Canet

Pál Joensen varð fimtskjótastur í 800 metra frísvimjing á Mare Nostrum stevnuni í Canet, tá ið teir í kvøld svumu skjótasta riðil. Tað var nokk ikki heilt sum vónað; tí hann hevði jú bestu tilmeldingartíð á 7:50.81, og tíðin 8:03.16 var eisini nokk so langt frá henni. Hinvegin rykti Óli Mortensen líka nógv fram, tá ið hann við nýggjum juniormeti á 8:13.75 svam 16. bestu tíð, í mun til sína styrkismeting sum nr 20.

Vinnarin av 800 nú varð suðurafrikanski Devon Myles Brown, sum sostatt hevur vunnið 400 frí bæði í Monaco og Canet, umframt hendan 800 í Canet. Hann svam teir 800 metrarnar á 7:54.46, meðan franski Damien Joly svam seg til silvur við tíðini 7:58.92, og spanski Marc Sanchez Torrens bronsu við 7:59.01. Altso generelt nokk so harmleysar tíðir, sum Pál hevði klárað um hann svam upp til sína tilmeldingartíð.
Continue reading Pál 8:03.16 og nr 5 í 800 frí í Canet

Victoria 1:01.30 og juniormet í 100 frí

Victoria Wigant Eysturdal setti í morgun nýtt føroyskt juniormet í 100 metra frísvimjing, tá ið hon á Mare Nostrum stevnuni í Canet svam teinin uppá 1:01.30, har juniormetið hjá Lív Erlingsdóttir Eidesgaard frá NMU 2013 var 1:01.51. Sí úrslitalistan her.

Óli 8:13.75 og juniormet í 800 frí

Óli Mortensen skar fyri løtu síðani eitt gott petti av sínum føroyska juniormeti í 800 metra frísvimjing, tá ið hann á Mare Nostrum stevnuni í Canet svam teinin uppá 8:13.75, har hansara juniormet frá Danish Open 2014 í mars mánaða var 8:20.55. Teir svimja enn, so úrslitalistin annars er ikki heilt eftirfarandi.

Føroysk úrslit í morgun

  • Ásbjørg Hjelm 35.57 (#41 av 45) í 50 bringu
  • Eyðbjørn Joensen 26.57 (#94 av 114) í 50 firvald
  • Ásbjørg Hjelm 2:57.53 (#36 av 36) í 200 bringu
  • Victoria Wigant Eysturdal 1:01.30 (#68 av 69) í 100 frí
  • Frans Johannesen 52.15 (#65 av 132) í 100 frí

Óli 4:01.34 og juniormet í 400 frí

Óli Mortensen skar í dag næstan eitt sekund av sínum føroyska juniormeti í 400 metra frísvimjing, tá ið hann á Mare Nostrum stevnuni í Canet svam teinin uppá 4:01.34, har hansara føroyska met frá Danish Open 2014 í mars mánaða var 4:02.25. Hetta rakk til eitt 25. pláss á stevnuni, meðan Alvi Hjelm varð nummar 40 við 4:05.93, og Eyðbjørn Joensen nummar 56 við 4:17.18. Sí úrslitalistan her.

Pál nr 4 í 400 frí í Canet

Pál Joensen svam seg fyri løtu síðani til eitt fjórðapláss á Mare Nostrum stevnuni í Canet, tá ið hann í A-finaluni í 400 metra frísvimjing svam teinin uppá 3:52.14.

Suðurafrikanski Devon Brown vann við tíðini 3:50.93, spanski Miguel Duran Navia vann silvur við tíðini 3:31.91, og polski Filip Zaborowski vann bronsu við tíðini 3:51.93.
Continue reading Pál nr 4 í 400 frí í Canet