Gravgangur eftir at sleppa at svimja

Pálin bað meg heilsa øllum í gjár, at tað fyribils ikki eru fleiri pláss á liðunum hjá FLOT. Tey kundu gott brúkt eitt lið afturat, segði hon, og støðan er mær vitandi nakað tann sama í Havn, har innskrivingarpappírini gingu undan og alt, tá ið fólk meldaðu seg til síðsta mikukvøld. Ein hin størsti trupulleikin er sum kunnugt pláss í hylinum, men eisini fólk at skipa fyri venjingunum.

IMG061

Jákup lopin út sum skoytuprinsessa

Breaking news á hs.fo: “Kl 14.00 fóru vit heimanífrá yvir í skoytihøllina. Øll funnu sær skoytur, goldu og fóru beinaleið út á banan. Tað var ein varlig byrjan hjá teimum flestu, men Jákup leyp út í tað sum ein verulig skoytiprinsessa. Hann dugdi bæði at leypa og bakka og snúra runt á einum beini. Hann var tó kanska eitt sindur ov ivrigur og skoyatði beint inn í ein lítlan drong, sum fór um koll og Jákup loftaði honum, men ístaðin fyri at sleppa aftur, tók Jákup ræðslusligna drongin undir armin og skoytaði víðari. Síðani lovaði Jákup skelkaða dronginum aftur til mammu sína. “

Pauli vs Tessner (1)

Teir báðir Pauli Ø. Mohr og (venjarin) Christian Tessner brúktu eina løtu á Akureyri til at vita hvør sum er skjótastur yvir 25 metrar. Tað gjørdist ógvuliga tætt, kanska bara ein spurningur um hvør sum var minst rakaður. Tí eisini “(1)” her í yvirskriftini, tí at eg sterkt gangi út í frá at taparin krevur rematch.

HS nýggjan høvuðsvenjara

Tíðindaskriv frá HS

Havnar Svimjifelag hevur sett nýggjan høvuðsvenjara í starv fyri komandi kappingarár.

Christian Tessner, ið er 28 ár, hevur útbúgving í ítrótti frá lærdaháskúlanum í Leipzig í Týsklandi, við svimjing sum sergrein. Somuleiðis hevur hann venjaraútbúgving frá tí týska svimjisambandinum.

Christian er sjálvur gamal svimjari og hevur royndir sum venjari í ymiskum svimjifeløgum í Týsklandi.

Ein av uppgávinum hjá Christian er at verða venjari á kappinarliðnum hjá felagnum, hann hevur eisini ta ítróttarligu ábyrgdina av allari svimjing í felagnum.

ChristianTessner

Vinarliga
Havnar Svimjifelag
Sigurd L. Lamhauge, formaður
Continue reading HS nýggjan høvuðsvenjara

HS sjósett stórsligna motiónsverkætlan

Sum tit kanska hoyrdu í Kringvarpinum í morgun, ella hava lisið her á hs.fo, so bjóðar Havnar Svimjifelag nú øllum motiónssvimjarum skipaða venjing 2-3 ferðir um vikuna, umframt regluliga heilsukanning, sum partur av eini verkætlan til at fáa staðfest m.a. “hvussu nógv skal til fyri at tað ger mun”.
Continue reading HS sjósett stórsligna motiónsverkætlan

Nevndin í HS hevur umskipað seg

Hetta eftir aðalfundin í síðstu viku, tá ið nøkur løgdu frá sær og onnur komu til. Nýggjur formaður er Sigurd Lamhauge, næstformaður er Svend Åge Seloy, kassameistari er Sámal Olsen, skrivari er Marjun Eystberg, og hinir nevndarlimirnir eru Susanne Eliasen og Bjartur Mortensen. Sí hs.fo

Innbjóðing til HS stevnu 12.-13. januar 2008

Susvim hevur sum tit síggja her fingið fatur á innbjóðingini til HS stevnu 12. og 13. januar 2008. Stevnan er fyri bólk 3 og eldri, tað vil siga svimjarar føddir ár 1995 ella fyrr. Kappast verður í øllum greinum upp til 400 blandað, men tó so uttan nakra stafett yvirhøvur. Eg viðfesti innbjóðing og kappingarfílu tá ið eg havi fingið fatur á hesum.
Continue reading Innbjóðing til HS stevnu 12.-13. januar 2008

Stevna í Havn 16. – 18. mars 2007

HS og Norðoyar Sparikassi bjóða til svimjistevnu í Havn, komandi vikuskiftið 16. til 18. mars 2007, fyri bólk 3 og eldri. Kappingin byrjar við upphiting fríggjakvøldið kl 19:30, og endar so aftur sunnumorgunin áðrenn kirkjutíð. Tilmeldingarnar skulu vera inni mikukvøldið 14. mars kl 21:00. Innbjóðing og tilmeldingarfíla eru viðfest her niðanfyri.

Ægir vann HS-stevnuna

Poula, Astrid, JónfríðStór svimjistevna var í Havn síðsta leygardag, har 95 gentur og 67 dreingir úr trimum teimum yngstu deildunum kappaðust um tilsamans 58 gullheiðursmerki. Hetta eru svimjarar føddir frá 1994 til 2000, og lat tað verða sagt, at sterkastu árgangssvimjarar finnast har norðuri runt Klaksvíkina.
Continue reading Ægir vann HS-stevnuna