Tíðindaskriv frá Svimjisambandi Føroya
Pál Joensen luttók í vikuskiftinum í árliga Great Swim tiltakinum í London, sum innboðin altjóða svimjistjørna. Hóast at hetta var fyrstu ferð at Pál royndi seg veruligari “open water” svimjing, so varð úrslitið avbera gott, eitt fjórðapláss í kapping við heimsmeistarar og olympiskar heiðursmerkjavinnarar.
Her er ein video frá Great London Swim 2010, av www.digitalnewsagency.com. Fyrst nøkur megnar sitat frá svimjistjørnum og ‘celebrities’, og síðani eitt glimt av tá ið Pál og teir leypa útí og koma á mál.
Bretar eru eitt sindur seinir við at koma út við offisiellu úrslitunum, men vit frætta nú frá Páli sjálvum, at hann varð nummar 4 á Great London Swim í dag, við tíðini 16:42.57. Pál sigur í SMS til Jón í Drammen: “Heilt forbankað ringt at svimja í bolki, Jé svam skeivt, men 1-2 og 3 hava yvir 30 árs erfaring ímillum sín”
Bretska supermodellin Jodie Kidd er millum tey 5000 sum skulu svimja nú leygardagin tann 3. juli, í Great London Swim tiltakinum við Royal Victoria Docks í London. Pál og teir svimja sambært greatswim.org kl 12:30, bretska og føroyska tíð. Her er ein lítil ‘viral’ video higani av digitalnewsagency.com
Nú leygardagin 3. juli fara eini 5000 at svimja 1 enskan míl í ánni við Royal Victoria Dock í London, í árligu “Great Swim” kappingina har. Bretar skriva um “Ones to watch” her á greatswim.org, at úrvalshópurin í ár er “Best ever elite men’s field”, og lista so upp 12 nøvn harav Pál er tann eini.
Continue reading Bretar brúka Pál í reklamu fyri Great Swim í London
