Franska sprintstjørnan Frédéric Bousquet hevur sambært Eurosport.se fingið 2 mánaðar karantenu fyri doping við evninum heptaminol. Bousquet sigur sjálvur, at hann hevur fingið evnið í sær vegna onkran heilivág ímóti hemorridum, sum hann keypti á apoteki uttan at kanna innihaldsyvirlitið nóg væl. Hann varð testaður positiv einaferð í juni mánaða, tá ið hann ikki kappaðist vegna sjúku, og hevur nú fingið bann frá allari svimjing frá 20. september til 20. november. Bousquet sigur sambært L’Equpe sjálvur um hendingina, at ‘har eru ongar linnandi umstøður, eg havi uppborið bannið’.
