Tey seinastu árini hava FM vinnarar svomið skjótari og skjótari. Aftur í ár megnaðu FM vinnarar at svimja skjótari – í miðal – enn árið fyri. Gulltíðir hjá staklingum síggjast her roknaði í 2009 Fina stigum og í leypandi stigum.
Continue reading Enn ein met skjót FM stevna
Tag: FM/JM 2013
Rok í hylinum
Aftaná almenni parturin av FM 2013 var avgreiddur byrjaði afturvendandi bardagin rundanum hylin, har svimjarir vístu snildi, styrki og ‘teamwork’. Til tey sum undrast í hvør kláraði at koppa formannin í hylin, so var tað Pál 🙂
Video frá morgun kappingunum í FM 2013
Allir riðlarnir frá morgun kappingunum í síðstu viku eru at finna her, skipað í tíðarrað. Nøvn á svimjarunum síggjast við at trýsta á “i” ovast til høgru í videorútinum.
Var okkurt galið við eltíðtakingini á geil 2 á FM/JM 2013?
Nú á farna FM/JM 2013 upplivdu vit sum kunnugt fleiri kolldømingar í liðsvimjing, har fólk vóru ósamd um hvat ið hevði gingið fyri seg. Fólk hava víst á at fleiri stafettir vóru kolldømdar fyri ov skjótt skifti á geil 2, og stóri spurningurin er tí um okkurt var galið við eltíðtakingini á hesi eini geilini.
Bartal og eg filmaðu av góðum grundum 4×50 liðsvimjingina hjá FLOT, av tí at dóttur mín svam við, og vit hava tí video bæði frá síðuni og uppifrá av hesi kolldømingini. Gevið gætur at svimjarin skal ikki bara nerta við plátuna, men eisini trýsta nóg hart til at ‘trýsta á kontaktina’. Og at vit sum meginreglu ikki brúka videoprógv í svimjing.
FLOT er sum nevnt á geil 2, næstlongst burtur frá okkum
Serliga uppifrá virkar tað sum um at ‘kontaktin’ var í so trek. Leggið til merkis hvussu leingi hondin er á vegginum áðrenn føturnar hjá næsta svimjara fara av startblokkinum, og áðrenn nøkur nýggj tíð kemur á talvuna har uppi í horninum. Og minnist aftur til at vit flest kenna til slíkar trupulleikar vegna slitnar plátur, har sláast má hart á pláturnar til at fáa kontaktina at rigga. Spurningurin er meira, um hetta ikki var nóg hart til at plátan burdi reagerað.
Nú er FLOT næst-nærmast okkum (eg síggist við kamera har niðri á gólvinum, hinumegin)
Stafettir dømdar fyri tjóvstart í skifti á geil 2
- FLOT gentur 4×100 frí
- Ægir menn 4×100 blandað
- FLOT gentur 4×50 frí
- Ægir kvinnur 4×50 frí
Myndir frá FM/JM 2013
Her eru nakrar myndir sum Bartal og eg tóku í leypi av Føroyameistarastevnuni og Juniormeistarastevnuni í svimjing 2013. Møguliga liggur onkur góð mynd eftir á onkrum korti onkunstaðni, hon kemur so seinni. Sí eisini myndasavnið á Flickr.
Nálir handaðar triðja morgun á FM/JM 2013
Jon Hestoy handar her nálir upp til silvurnál við stjørnu hin triðja morgunin á FM/JM 2013. Gullnálirnar bíðaðu til tá ið sjónvarpað varð um kvøldið.
KVF-samrøða við Evald Rasmussen á FM 2013
Leivur Frederiksen tosar við Evald Rasmussen á FM/JM 2013, um dømingina á FM/JM 2013 og vanligastu orsakir til kolldøming.
KVF-samrøða við Jón Bjarnason á FM 2013
Leivur Frederiksen tosar her við Jón Bjarnason á øðrum degi av FM/JM 2013, um støðuna í Suðuroyar Svimjifelagi og sovorðið.
Úrslit frá Føroyameistarastevnuni og Juniormeistarastevnuni 2013
Her eru úrslitini frá Føroyameistarastevnuni og Juniormeistarastevnuni 2013, sum varð hildið í Svimjihøllini í Gundadali hin 9. til 11. mai 2013. Ein rættiliga væleydnað meistarastevna har vit fingu 7 nýggj føroysk met og 7 nýggj juniormet, umframt at fleiri aðrir svimjarar vóru heilt nær metum eisini. Suðuroyar Svimjifelag vann flest heiðursmerki tilsamans, eini 21 gullheiðursmerki í føroyameistarakappingini og 23 í juniormeistarakappingini.
Continue reading Úrslit frá Føroyameistarastevnuni og Juniormeistarastevnuni 2013
KVF-samrøða við Rod Gilmour á FM 2013
Leivur Frederiksen tosar her við bretska journalistin Rod Gilmour, sum hesa vikuna vitjaði Føroyar og føroysku meistarastevnuna í svimjing, til at savna inn tilfar til eina bók um Pál Joensen.