Tag: Elspa Mørkøre

Hon skal svimja 100 rygg umleið mitt í skránni sum er frá kl 14 til umleið kl 16, við og hevur har næstbestu tíð frá innleiðandi riðlunum. Mads Glæsner svimur aftur 1500 frí, meðan Mellouli heldur svimur 200 frí og 200 blandað. Lotte Friis svimur 400 frí, og teir 50 frí hjá monnum eru aftur á tremur við heimsmeta-kandidatum.

Til ber at fylgja við stevnuni í Berlin, á heimasíðuni hjá stevnuni, sum ‘live timing’ á omegatiming.com, og sum ‘live stream’ á nmnathletics.com, frá kl 14 føroyska tíð.
Continue reading Elspa í finalu aftur nú seinnapartin

“It’s a bronze medal for Denmark”, sum tey siga her á amerikanskum. Flott flott Elspa, bronsuheiðursmerki í kapping við allarbestu ryggsvimjarar í heiminum. Og tíðin varð eisini flott, 2:07.66, har hon í Stockholm svam 2:08.73. Vit sloppu tíverri ikki at síggja hana fáa heiðursmerki, men her er so ein mynd sum eg tók í panikk av skerminum, júst sum hon var komin á mál.

Hon er nokk ikki heilt nøgd við at svimja 59.81 tá ið tilmeldingartíðin var 59.54. Men eitt sættapláss á World Cup stevnu er ikki at kimsa at, og stevnan er jú hartil ‘bara’ upphiting til EM í Krotia í desember.

Elspa hevur sambært startlistanum 5. bestu tilmeldingtíð í 100 rygg, og 11. bestu í 100 blandað. Svimur á geil 5 í riðli 2 í 100 rygg, undir liðini á Sophie Edington, og á geil 2 í riðli 2 í 100 blandað, har svimjarin á geilini uttanfyri hana er svensku Lovisu Ericsson, sum onkur kanska minnist frá NJM og EJM.

Hon svam 2:08.73, og sostatt væl skjótari enn tilmeldingartíðin á 2:12.58. Í 50 rygg gekk ikki heilt so væl, við tað at hon svam 28.27 og gjørdist nr 7, har tilmeldingartíðin var 27.99. Men man ikki 200 rygg hava ligið í bakhøvdinum, tá ið hon svam 50?