Brot úr ítróttarsendingini 3-2 hjá Kringvarpi Føroya, um teir báðar føroysku gullvinnararnar á Danish Open 2014, Pál Joensen og Magnus Jákupsson. Pál tosar um støðuna nú og ætlanirnar fyri í summar, og skift verður so til tað at Magnus ikki kláraði kravtíðina hjá dønum, har venjarin hjá teimum báðum Shannon Rollason kemur við sínum viðmerkingum, og Magnus síðani svarar til.
Tag: Danish Open 2014
Danir kunngjørt sítt landslið til EM í Berlin
Tey verða tey ætlaðu 15 sum danski sportchefurin Mikkel von Seelen hevði ætlað sær, men har eru kanska í so fáir menn við. Danska svimjisambandið skrivar her at Anders Lie sleppur at royna sín kjans á stevnu í USA nú næsta vikuskiftið; men annars er hetta liðið:
- Rikke Møller Pedersen, Herning/NTC
- Lotte Friis, Sigma Swim Allerød/USA
- Jeanette Ottesen, Lyngby/NTC
- Pernille Blume, Sigma Swim Birkerød/NTC
- Mie Ø. Nielsen, Aalborg
- Louise Dalgaard, Aalborg
- Julie Levisen, Aalborg
- Sarah Bro, Lyngby/NTC
- Julie Aglund Lauridsen, Sigma Swim Allerød/NTC
- Maj Howardsen, Sigma Swim Allerød
- Daniel Steen Andersen, Horsens/NTC
- Mads Glæsner, Sigma Swim Allerød/USA
- Anton Ø. Ipsen, Sigma Swim Birkerød
- Viktor B. Bromer, Aalborg
- Daniel Skaaning, STT/VAT CPH/NTC
Magnus 26.32 og gull í 50 rygg á Danish Open 2014
Magnus Jákupsson megnaði fyri løtu síðani at vinna Danish Open 2014 kappingina í 50 metra ryggsvimjing, tá ið hann í hylinum í Bellahøj svam teinin uppá 26.32 sekund, frammanfyri svenska Petter Fredriksson á 26.35 og norska Sverre Næss á 26.47. Sí úrslitalistan her.
Pál 15.12.20 og gull í 1500 frí á Danish Open 2014
Pál Joensen vann fyri løtu síðani gullheiðursmerki í 1500 metra frísvimjing á Danish Open 2014, tá ið hann í hylinum í Bellahøj svam teinin uppá 15:12.20. Tað er ikki so nógv at siga til taktikkin; Pál legði seg beinanvegin klárt á odda, og helt seg undir 30 sekund per 50 metur teir fyrstu 500 metrarnar, fyri síðani at svimja eitt lítið sindur spakuligari teir síðstu 1000, til at enda á 15:12.20. Eitt positivt yvirraskilsi fyri okkum var at tíðin hjá Óla Mortensen í morgun var so mikið skjótt, at hann egentliga átti at hava verið í finaluni, nú hann endaði sum nr 6 av øllum. Sí úrslitalistan her.
Astrið 28.29 og nýtt føroyskt met í 50 firvald
Astrið Foldarskarð megnaði fyri løtu síðani at seta stórt nýtt føroyskt met í 50 metra firvaldasvimjing, tá ið hon á Danish Open 2014 stevnuni í Bellahøj svam teinin uppá 28.29 sekund. Poula Ø. Mohr átti tað nú fyrrverandi metið á 28.52, frá HM í Barcelona í 2013. Astrið bleiv nr 9 í hálvfinaluni; men verður nokk allarhelst allíkavæl millum tær 8 sum sleppa í finaluna nú seinni í stevnupartinum í dag, við tað at danir loyva í mesta lagi 2 útlendskar svimjarar í finaluna, og Astrið svimur fyri danskt felag. Sí úrslitalistan her.
(Astrið firvald á Danish Open 2014. Dan Hjelm eigur myndina)
Magnus 26.39 og nr 2 í 50 rygg hálvfinaluni á Danish Open 2014
Magnus Jákupsson svam seg fyri løtu síðani víðari í finalu á Danish Open 2014, tá ið hann í hálvfinaluni í 50 metra ryggsvimjing svam næstbestu tíð 26.39, aftanfyri norska Sverre Næss á 26.18. Finalan verður svomin seinni í hesum stevnuparti. Sí úrslitalistan her.
Óli 15:59.02 og juniormet í 1500 frí á Danish Open 2014
Óli Mortensen tók fyri løtu síðani eitt gott petti av føroyska juniormetinum í 1500 metra frísvimjing, tá ið hann á Danish Open 2014 í Bellahøj svam teinin uppá 15:59.02. Hann átti sjálvur juniormetið á 16:08.20, frá íslendsku meistarastevnuna í 2013, og nú væl eyka fegin fyri at hava svomið seg undir 16 minuttir eisini. Tíðin hjá Óla var hin næstbesta í morgun, og røkkur so væl til eitt 10. pláss í kappingini, tá ið hinir 8 skjótaru íroknað Pál Joensen hava svomið skjótasta riðil, seinnapartin. Óli svimur fyri Havnar Svimjifelag. Sí úrslitalistan her.
Magnus 26.56 og víðari til finalu í 50 rygg á Danish Open 2014
Magnus Jákupsson svam seg í morgun víðari til hálvfinalu á Danish Open 2014, tá ið hann í 50 metra ryggsvimjing svam teinin uppá 26.56 sekund. Hetta var fjórbesta tíð í innleiðandi riðlunum, aftanfyri russiska Vitaly Melnikov á 26.11, norska Sverre Næss á 26.24 og polska Mateusz Wysoczynski á 26.54. Mathias Gydesen eigur danska metið á 25.44, og norski Lavrans Solli tað norðurlendska á 25.15. Sí úrslitalistan her.
Astrið 28.57 og víðari til finalu í 50 firvald á Danish Open 2014
Astrið Foldarskarð megnaði í morgun at svimja seg víðari til hálvfinalu á Danish Open 2014, tá ið hon í 50 metra firvaldasvimjing svam 10. bestu tíð 28.57. Tær eru 16 sum sleppa í hálvfinaluna fyrst í stevnupartinum seinnapartin, og so 8 sum sleppa víðari til finaluna ímóti endanum av partinum, so nú verður spennandi. Poula Ø. Mohr eigur føroyska metið, sum er 28.52 sekund frá HM í 2013. Sí úrslitalistan her.
Magnus 56.06 og nr 3 í 100 rygg á Danish Open 2014
Magnus Jákupsson luttók fyri løtu síðani í 100 metra ryggsvimjing á Danish Open í Bellahøj, og vann hann har bronsu við tíðini 56.06, aftanfyri russiska Vitaly Melnikov á 55.68 og polska Mateusz Wysoczynski á 55.89. Kravtíðin hjá dønum til EM í Berlin var 55.53 í hesi grein, so Magnus hevði skula vunnið til at verða úttikin har. Sí úrslitalistan her.