Ímynda tær at trífaldu OL-gullvinnararnir luttóku sum landslið aftur í heimlandi sínum, tíggju ár seinni. Í einum landi sum elskar ítróttin.
Hetta er umleið tað sum fer at henda í Budapest í dag, tá ið ungarsku Millenium møta turkisku Galatasaray, í sínum fyrsta dysti á veg til tað sum væl kann roknast sum eitt rímiliga trygt gullheiðursmerki, á HM fyri Masters 2017 í vatnpolo.
Dysturin verður stroymaður beinleiðis her:
Føroysku HM-svimjararnir royndu seg í morgun sum lið, tá ið innleiðandi riðlarnir vórðu avgreiddir í 4×100 blandað fyri mix-lið. Eitt jaligt upplivilsi fyri føroyingarnar, sum við tíðini 4:10.29 endaðu sum nr 19 av 31 tilmeldaðum liðum.
Óli Mortensen royndi seg fyri løtu síðani í 800 metra frísvimjing, her á HM 2017 í Budapest, og svam har teinin uppá 8:16.25, í mun til tilmeldingartíð á 8:10.94.
Róland Toftum royndi seg fyri løtu síðani í 50 metra bringusvimjing, her á HM 2017 í Budapest, og svam har teinin uppá 30.17 sekund.
Heimsmeistarastevnan í svimjing á langgeil byrjaði í dag, har eisini føroyingar kappaðust. Hendan fyrsta royndin var eitt sindur trilvandi hjá okkara svimjarum, uttan at tað tó hevur skalað stemningin ella kappingarhugin í føroysku leguni.
Nú sunnudagin hin 23. juli byrjar kappsvimjistevnan í svimjihyli á HeimsMeistarastevnuni á langgeil 2017, har eisini føroyingar luttaka. Kappast verður í átta dagar, frá sunnumorgni 23. til sunnukvøld 30. juli, og føroyingar fara at royna seg allar hesar dagar undantikið hósdagin hin 27. juli.
Starvsnevnd SSF hevur avgjørt at taka út fylgjandi svimjarar eyka til HM í Budapest 2017:
Hesi koma afturat teimum báðum longu úttiknu til HM 2017:
Ferðaleiðari verður Anita Ryggshamar Nysted, og venjarar Øyvind Røsland og Juan Jaime Arroyo Toledo
FINA skrivar her, at hóast nýggja høllin í Budapest fyrst verður tikin alment í nýtslu í mai mánaða, so er hon longu klár at nýta. Mikudagin kunngjørdu tey at høllin skal eita Danube Arena, og royndu tey trý Hosszu, Cseh og Gyurta tá eisini sum tey fyrstu hylin. Sí Budapest 2017 á Facebook.
Altjóða svimjisambandið FINA kunngjørdi í gjár teirra útnevnilsi av dómarum til HeimsMeistarastevnuna 2017 í Budapest í summar, har føroyski høvuðsdómarin Dan Hjelm er millum tey 26 útvaldu. HM er eitt av allarstørstu og týdningarmestu tiltøkum sum FINA skipar fyri, og er hetta tí sjálvsagt ein stórur heiður fyri Dan og Svimjisamband Føroya.
