Alexander Dale Oen heiðraður við tónleikavideo og standmynd í Øygarden

Ein standmynd av Alexander Dale Oen varð í gjárkvøldið avdúkað á Kystmuseet í Øygarden, og í hesum sambandi eisini ein tónleikavideo, framførd av 18-ára gomlu Isabel Park úr Øygarden sum hevur gjørt sangin saman við mammu síni.

 

AdO Arena offisielt tikin í nýtslu

Norsk svimjing kundi í dag fegnast um stórslignu svimjihøllina AdO Arena í Bergen, sum er uppkallað eftir heimsmeistaranum Alexander Dale Oen, ið sum kunnugt doyði á venjingarlegu við norska svimjilandsliðnum upp undir OL í London í 2012.

(Image courtesy of Sander Englund Smørdal / simma.nu/no)
Continue reading AdO Arena offisielt tikin í nýtslu

Suðurafrikanski OL-meistarin vitjaði grøvina hjá Alex í Øygarden

Hetta vikuskiftið skipa norðmenn fyri Bergen Swim Festival 2013 / Alexander Dale Oen Memorial, við imponerandi luttøku serliga frá teimum sum kappaðust við Alex. Báðir OL-meistararnir í bringusvimjing eru har, Dani Gyurta úr Ungarn og Cameron van der Burgh úr Suðurafrika, hin seinni enntá farin frá meistarastevnuni og HM-úttøkustevnuni hjá teimum í Afrika, tí hann vildi til Noregs at heiðra vinmanninum. Í gjár var hann í Øygarden at vitja grøvina hjá Alex, sí grein og video á tv2.no.

Dániel Gyurta helt sítt lyfti: Gav Dale Oen familjuni eitt OL-gullmerki – og helt røðuna á norskum

Ungarski bringusvimjarin Dániel Gyurta lovaði sum kunnugt nú í summar at fáa gjørt eitt kopi av sínum gullmerki frá OL í London, at geva familjuni hjá Alexander Dale Oen. Nú í vikuskiftinum var hann so í Hamar í Noregi, har norðmenn høvdu sítt árliga ítróttar-galla, og nýtti tá høvi til at siga eitt sindur á norskum eisini. Total respekt higani!

Alex doyði av einum blóðtøppi í hjartað

Silver medallist Alexander Dale OenNorðmenn hava fyri løtu síðani almannakunngjørt frágreiðingina frá líksýninum av Alexander Dale Oen, og staðfesta at hann doyði av blóðproppi í einum av kransæðrunum runt hjartað. Tað vísir seg at Alex hevði eina álvarsliga hjartasjúku í hesum æðrum, at trupulleikarnir hann hevði við økslina væl kunnu hava havt samband við hetta, og at skaði var á hjartað sum bendir á at hann hevði havt smáar blóðtøppar 1-2 mánaðir áðrenn. Lesið heldur t.d. her á NRK, til at fáa røttu søguna, ella hyggi at pressufundinum á tv2.no.

Photo courtesy of Helgi Haldórsson, CC BY-NC-ND 2.0

Jeanette er ársins navn í donskum ítrótti, Alex í norskum

Jeanette Ottesen varð fyri løtu síðani vald til ársins navn í donskum ítrótti, frammanfyri Carolinu Wozniacki og hondbóltsharrarnar. Sí tíðindi her á DR. Alexander Dale Oen varð um sama mundi valdur til ársins mannligi íðkari í Noregi, frammanfyri nøvn sum Petter Northug og Thor Hushovd. Sí tey tíðindini her á NRK. Stuttligt at akkurát tey bæði skuldu veljast, sum vóru ‘í lag’ við Páli og Jón á World Cup í Berlin, Moskva og Stokkhólmi í 2010.

DSC00008

(Jeanette, Malan, Magnus og Pál við morgunmatarborðið á World Cup í Stokkhólmi 2010)

Alexander Dale Oen koyrir nú Subaru

Subaru Norge hevur valt heimsmeistaran í 100 metra bringusvimjing Alexander Dale Oen til sín frontfigur í marknaðarføringini av SUV-modellinum Subaru XV í Noregi, tí at hann eftir teirra tykki er líka ósteðgiligur sum bilurin, og er eitt kent navn ikki bara í Noregi, men eisini í Japan har Subaru kemur frá, sum ein hin størsti kappingarneytin hjá japanska Kitajima Kosuke til OL-gullið í London 2012. Hasin Subaru XV kemur fyrst til Noregs í januar, sum kanska forklárar hví at hann nú koyrir Subaru Impreza. Kul, sí Norges Svømmeforbund á Facebook.