Elspa Mørkøre vann silvur í 200 frí við tíðini 2:00.53. Hon hevur harvið kvalifiserað seg til EM í desember, siga tey úr Danmark. Vinnarin, Lotte Friis, kom í mál við tíðini 1:58.19. Elspa lá annars nr 4 aftaná 50 m, men tók seg framm sum nr 3 eftir 100 m og vendi sum nr 2 aftaná 150 m.
Pál vann silvur í 200 frí og nýtt junior met
Mads Glæsner vann gull í 200 frí. Mads førdi frá byrjan til mál við Pál undir liðini allan vegin. Vinnaratíðin hjá Mads Glæsner var 1:45.55, sum er nýtt danskt senior met [Jón viðmerkti hósdagin at Mads setti nýtt met í 4×200 við tíðini 1:45.53]. Pál setti nýtt danskt/føroyskt/persónligt/Suðuroyar/evropeiskt? junior met við tíðini 1:47.13. Kappingin um 3. plássið var tøtt millum Johan Peen (Birkerød), Frederik Siem (Farum) og gamli junior met haldarin Jon Rud (West Swim). Aftaná 50 m lá Johan nr 3, men so vendi Frederik sum nr 3 við 100 inntil Jon Rud tók yvir 3. plássið tær seinastu 50-100 m.
(Myndin er av Páli, Mads Glæsner, Frederik Siem og Jon Rud, sum Jón Bjarnason tók fyrr í ár)
Pál setti nýtt danskt junior met í 200 frí
Ífylgi livetiming.dk setti Pál Joensen nýtt danskt junior met í 200 frí við tíðini 1:48.25. Men tað er allarhelst tí, at met listin á livetiming.dk ikki er dagførdur, tí Pál svam skjótari í gjár. Tíðin var eisini tann besta í teimum innleiðandi kappingunum. Meira er at lesa á Susvim.com. Undir øllum umstøðum verður tað ein gysari millum Mads Glæsner, Pál og co, tá finalurnar byrja kl 16.30 føroysk tíð. Fyrst verður stafett í 4×50, síðani finalan hjá kvinnum í 200 frí (Elspa) og aftaná verður tað 200 frí finalan hjá monnum (Pál), soleiðis sum eg havi skilt skránna.
Køge Open byrjar um eina løtu
Teir ungu svimjarnir eru nú á veg til Køge Svømmeland at kappast, havi eg frætt umvegis sms. Kappingarnar kunna fylgjast beinleiðis á livetiming.dk. Poula Ø. Mohr, Hildur á Fløtti, Astrid Foldarskarð, Birita Debes, Jónfríð Hansen, Jóhanna Egholm, Aimée Jacobsen, Eyðrið Hansen, Joan Kristina í Jákupsstovu og Bjørg Olsen svimja í kapping 3 (100 blandað). Tróndur Olsen, Kjartan Petersen og Jóhan Hermann Slættalíð luttaka í kapping 4 (100 blandað). Birita Debes, Jónfríð Hansen og Jóhanna Egholm skulla aftur í hylin í kapping 5 (200 rygg), meðan Tróndur Olsen luttekur í somu disiplin í kapping 6. At enda verða føroyingar við í einari 8 x 50 stafett.
Elspa víðari í 200 frí
Hálvfinalupláss til Kára í 100 rygg
Elspa víðari til hálvfinaluna í 100 rygg
Tær báðar Elspa Mørkøre (WestSwim) og Pernille Larsen (AGF) halda á við at dominera í rygg svimjingini. Pernilla svam besta tíð í morgun (1:01.58), meðan Elspa fekk næstbestu tíð (1:03.36) í teimum innleiðandi riðlunum. Mie Refn úr Farum svam triðbesta tíð (1:04.10). Pernille Larsen og Mie Refn minnast vit frá NJM 2007. (mynd: Pernille Larsen)
Jón skiftir til danskt
Voyt ikki hoylt hvat man skal leggja í tað, men Jón er farin at skriva á donskum á susvim.com/knassi.net. Er tað bara Bjarnason sum er blivin løgin, ella er øll Suðuroyggin farin at reka enn longur suður? 😉
Pál 1:47.38 í 200 frí (!)
Tað rakk ikki til heiðursmerki, nú Pál Joensen legði út fyri Aalborg Svømmeklub í 4 x 200 frí, men splitt-tíðin hjá honum á 1:47.38 er so væl og virðiliga føroyskt met. Danska juniormetið hjá Jon Rud frá 2004 var 1:48.69, og harvið eru danir nú í teirri óhepnu støðu, at ein føroyingur eigur danska juniormetið. Jacob Carstensen eigur seniormetið, sum er 1:45.56, frá 1998.
Pál skal svimja 200 frí aftur í innleiðandi í morgin árini, ímóti millum aðrar Jon Rud og Mads Glæsner. Hann hevur nú næstbestu tíð, um man samanber við tilmeldingartíðirnar hjá hinum, har Jon Rud hevur tilmeldingartíð 1:46.93, Emil Dall-Nielsen 1:47.89, og Mads Glæsner 1:48.51.
Palli Ziskason leggur frá sær
Sum tit kanska hava hoyrt í 3-2 beint nú, so hevur Palli Ziskason avgjørt at leggja frá sær sum formaður í Svimjisambandi Føroya. Hann fegnast um góðu úrslitini í seinastuni, men følir ikki at hann hevur so nógv meira at geva svimjingini beint nú. Tað vil siga, at nýggjur formaður skal finnast leygardagin.