Elspa settu aftur met í morgun

Stóri spurningurin í kvøld er um Elspa fer at svimja undir 27 sekund í 50 frí í kvøld, eftir at hon betraði sítt egna met í morgun frá 27.16 til 27.02. Og um Beinir ella Pál fara undir minuttin í 100 blandað, Pál undir minuttin í 100 firvald, osfr osfr. Enn ein góður dagur 🙂

Eg skal vera frásøgufólk hjá SVF í kvøld, og nái tí ikki at skriva meira beint nú. Men tað er bara at hyggja av SVF nú kl 18-20, ella (enn betur) koma niðan í høllina at heppa, tí har verður eldur í í kvøld. Harðar orrustur í 100 firvald, 200 firvald, 100 bringu, 100 blandað, 50 frí og kanska 200 og 400 frí eisini, umframt uppvísningssvimjing í 50 rygg, 200 rygg og 400 blandað. Met eru næstan garanteraði.

Vit síggjast !

Veteranarnir áttu kvøldið

Jú jú, tey yngru vóru eisini góð og settu met og alt møguligt. Men vit veruliga gomlu kunnu ikki lata verða við at frøast yvir at síggja Kristian Olsen taka metið hjá Eivindi í 100 frí, og at Shaila millum Garðarnar varð fyrsta føroyska kvinna undir 30 sekund í 50 firvald.

Eg havi ikki fingið úrslitalistan enn, og skrivi tí eitt sindur í blindum. Fult av fólki uppi í høllini, og nógv tíð fór tí við at práta við gamlar kenningar, hóast kappingarnar absolutt vóru spennandi. Sá tær, jú jú, men var ikki heilt vakin nokk til at fylgja við í metunum 🙂

Men okkurt kundi sjálvt tann sløvi ikki umganga at hoyra. Elspa Mørkøre setti met í 100 rygg við 1.04 okkurt. TS-genturnar knústu metið í 4 x 100 blandað við 3 sekundum. Kristian Olsen svam 52.49 í 100 frí, og tók harvið væl og virðiliga metið frá Eivindi Eysturoy, á 52.94. Jákup Øssurson og Pál Joensen svumu báðir undir oyggjaleikakravtíðina í 200 bringu. Og Shaila svam undir 30 í 50 firvald, umframt at verða næsta føroyska kvinna undir minuttin í 100 frí !

Tárapersarar vóru eisini. Petur McIntosh var éin hundraðpart av einum sekundi frá at vinna gull í 50 firvald, og 11 hundraðpartar frá oyggjaleikakravtíðini. Pál vann, og Beinir varð nummar trý. Lisbeth L. Joensen varð 1 sekund frá kravtíðini í 200 blandað.

Ok, eg eri eftirhondini úti á djúpum vatni, og bíði tí til eg havi sæð ein úrslitalista 🙂

FM innleiðandi fríggjamorgun

Puha sum tað verður spennandi í kvøld. Pál Joensen hevði nógv bestu tilmeldingartíð í 50 firvald, men Petur McIntosh svam tó skjótari við 26.81 í morgun, har oyggjaleikakravtíðin er 26.64. Guðrun Holm Jacobsen setti nýtt føroyskt bólkamet í bólki 4, tá ið hon svam 50 firvald á 30.76. Pál damlaði seg til gull í 1500 frí, men sum heild sær tað út til at verða avberandi spennandi í kvøld.

Tíverri eru dreingirnir so fáir aftur í ár, at tað í fleiri førum ikki varð neyðugt at svimja innleiðandi riðlar fyri at finna finaluplássini. Allir tilmeldaðir komu nevniliga víðari, í 200 bringu, 200 rygg, 200 blandað og 4 x 100 blandað.  Hetta viðførdi so aftur, at stutt varð millum kappingarnar hjá gentunum í morgun, hóast dómararnir royndu at leggja nóg mikið av pausu inn í millum.

Finalistarnir í kvøld eru

Kapping 1, 100 frí kvinnur

  1. Elspa Mørkøre (FS), 59.25
  2. Shaila Millum Garðarnar (TS), 1:01.38
  3. Guðrun Holm Jacobsen (HS), 1:01.54
  4. Natalia Reinhardt (Ægir), 1:02.03
  5. Jutta Thomsen (TS), 1:03.66
  6. Helena Sævarsdóttir (HS), 1:05.57

Kapping 2, 50 firvald menn

  1. Petur McIntosh (HS), 26.81
  2. Pál Joensen (VS), 27.56
  3. Janus T. Olsen (HS), 27.79
  4. Pauli Ø. Mohr (FS), 27.83
  5. Beinir E. Danielsen (FLOT), 27.85
  6. Kristian Olsen (Ægir), 27.88

Kapping 3, 200 blandað kvinnur

  1. Elspa Mørkøre (FS), 2:26.97
  2. Lisbeth L. Joensen (HS), 2:30.15
  3. Jutta Thomsen (TS), 2:43.32
  4. Poula Mohr (FS), 2:58.32
  5. Monika Biskupstø (Ægir), 3:00.63
  6. Turið S. Christiansen (Reki), 3:02.00

Kapping 4, 200 bringu menn (svumu ikki í morgun)

  1. Jákup Øssurson (FS), 2:30.25
  2. Pál Joensen (VS), 2:31.12
  3. Frans Johannesen (TS), 2:35.81
  4. Bjarni M. Petersen (Ægir), 2:59.11
  5. Jón Hofgaard (TS), 3:06.17
  6. Ólavur Sigmundsson (HS), 3:09.23

Kapping 7, 50 firvald kvinnur

  1. Shaila millum Garðarnar (TS), 30.35
  2. Guðrun Holm Jacobsen (HS), 30.76
  3. Bjørg Seloy (HS) 31.10
  4. Natalia Reinhardt (Ægir), 31.31
  5. Hildur á Fløtti (FS), 33.59
  6. Ann Mari Midjord, 33.87

Kapping 8, 200 rygg menn (svumu ikki í morgun)

  1. Kári J. á Høvdanum (FS), 2:07.18
  2. Høgni Miné-Rasmussen (HS), 2:11.83
  3. Sveinur Magnasson (FS), 2:16.24
  4. Magnus Jákupsson (HS), 2:44.72

Kapping 9, 100 rygg kvinnur

  1. Elspa Mørkøre (FS), 1:08.80
  2. Mona Simonsen (TS), 1:15.76
  3. Helena Sævarsdóttir (VS), 1:16.64
  4. Birita Debes (FLOT), 1:17.44
  5. Jónfríð Hansen (FS), 1:18.62 (luttekur ikki í finaluni)
  6. Una Egholm (FS), 1:19.48
  7. Gunnrið Dam (Ægir), 1:20.45

Kapping 10, 200 blandað menn (svumu ikki í morgun)

  1. Andrass Thomsen (HS), 2:14.83
  2. Pál Joensen (VS), 2:15.98
  3. Torstein J. Fríðfinsson (Reki), 3:29.23

Kapping 11, 50 bringa kvinnur

  1. Malan Vitalis Bærendsen (TS), 36.41
  2. Karina Petersen (HS), 36.91
  3. Ingunn Olsen (Reki), 37.69
  4. Katharina Lamhauge (HS), 37.79
  5. Maria Vang (TS), 37.86
  6. Dagmar M. Winther (HS), 39.61

Kapping 12, 100 frí harrar

  1. Kristian Olsen (Ægir), 53.71
  2. Dánjal Martin Hofgaard (TS), 54.70
  3. Sørin Martin Johannesen (TS), 55.19
  4. Pauli Ø. Mohr (FS), 55.21
  5. Andrass Thomsen (HS), 55.36
  6. Dánjal Hestoy (HS), 56.61

Kapping 13, 4 x 100 frí kvinnur

  1. HS 1, 4:20.61
  2. TS, 4:24.13
  3. FS 1, 4:26.75
  4. HS 2, 4:39.34
  5. Ægir 2, 4:44.07
  6. FLOT 1, 4:44.91

Kapping 14, 4×50 frí men (svumu ikki í morgun)

  1. HS 1, 1:43.26
  2. FS, 1:44.76
  3. TS, 1:45.76
  4. FLOT 1, 1:48.97
  5. HS 2, 1:49.87
  6. HS 3, 2:23.34
  7. Ægir 1

Gløggi lesarin sær nokk at har eru ov nógvir luttakarar í kapping 9 og 14. Í fyrru er tað sum viðmerkt tí at nummar 5 svimjari hevur meldað frá finaluni, og nummar 7 tí sleppur at svimja í staðin. Og kapping 14 svumu teir slettis ikki í morgun, sum má merkja at okkurt lið hevur trekt seg longu áðrenn innleiðandi.

Kapping 5 og 6 vænta eisini, av tí at tær kappingarnar (800 frí hjá kvinnum og 1500 frí hjá monnum) vórðu liðugt avgreiddar í morgun. Úrslitini vórðu:

800 frí kvinnur

  1. Mona Simonsen (TS), 9:14.73
  2. Anna Kathrina Eysturberg (TS), 9:52.48

1500 frí menn

  1. Pál Joensen (VS), 17:08.81
  2. Sofus Bech (VS), 20:49.77

Fyrstu heiðursmerkini fóru altso øll til Suðuroyar, har Mona vist nokk royndi men ikki megnaði at taka metið hjá Juttu Thomsen á 9:08.02, meðan Pál mildest talt damlaði seg til gullið í 1500 (metið hjá honum har er 15:56.21).

Av slatrið kann annars nevnast at evnaríki Høgni Miné-Rasmussen eftir øllum at døma er sjúkur. Hann meldaði frá 1500 frí í morgun, og spurningurin er so hvussu verður við teimum 200 rygg í kvøld.

Onkur ónevndur hevur annars skrivað eitt frálíkt referat sum viðmerking her á hesi heimasíðu, við nógvari inside-vitan og áhugaverdum meiningum.

Úrslitalistin frá í morgun er viðfestur.

So byrjar FM í svimjing

Svimjihøllin í Gundadali steingir fyri almenningin í kvøld, og í morgin árini byrjar so føroyska meistarastevan í svimjing 2007. Sjónvarpið sendur bara frá finalunum leygarkvøldið; men tað er vónandi ikki tí at tey vænta at hon verður keðilig í ár, tí so taka tey so logandi feil. Besti føroyski svimjihópurin nakrantíð er klárur at vísa hvat tey duga, her bara 64 dagar undan Oyggjaleikir.

Um nakar lesari her ikki veit hvussu FM er skipað, so kann eg stutt nevna at tey hvønn dag svimja innleiðandi um morgunin, og finalur í somu kappingum um kvøldið. Undantakið er 800 og 1500 frí, sum vanliga verður svomin sum direkta finala um morgunin; tvs. uttan eyka finalu um kvøldið (ikki tí, í ár kundu tey nú gott flutt síðsta riðil til um kvøldið, nú vit ikki skulu taka hædd fyri SVF… truplleikin er nevniliga, so vítt sum eg veit, at langteinakappingar taka ov langa tíð, í mun til hvat man heldur at vanlig fólk tíma at hyggja).

So um morgunin royna tey bestu at spara seg, so vítt tey kunnu uttan at enda uttanfyri tey 6 finaluplássini. Eitt sindur veikari svimjarar kempa fyri at koma í finaluna, og restin brúkar alt sítt krút, tí tey allíkavæl bara fáa tann eina kjansin. Greinar við færri enn 6 luttakarum verða vanliga ikki svomnar um morgunin, tí at allir svimjararnir allíkavæl koma í finaluna, um bara teir ikki verða kolldømdir.

Um vit hyggja at skránni, og at hvørjir svimjarar sum skulu svimja kappingarnar, so síggja vit týðiliga at hetta veruliga kann verða besta FM nakrantíð. Í øllum førum tá ið tað kemur til ferð, tí har eru so nógvar kappingar har besti svimjari eigur metið, og annars ein rúgva har vit kunnu vænta nakrar harðar holmgongur.

Fríggjadag (innleiðandi kl 09:00, finalur kl 18:15)

  • 100 frí kvinnur, Elspa Mørkøre eigur metið og svimur
  • 50 firvald menn, her luttaka nógvir góðir sprintarar
  • 200 blandað kvinnur, Elspa Mørkøre eigur metið og svimur
  • 200 bringa menn, tøtt holmgonga millum Pál Joensen og Jákup Øssurson
  • 800 frí kvinnur, methavarin Jutta Thomsen svimur tíverri ikki, men Mona Simonsen eigur metið á langbana
  • 1500 frí menn, Pál Joensen eigur metið og svimur
  • 50 firvald kvinnur, her luttaka nógvir góðir sprintarar
  • 200 rygg menn, Kári á Høvdanum eigur metið og svimur
  • 100 rygg kvinnur, Elspa Mørkøre eigur metið og svimur
  • 200 blandað menn, tøtt holmgonga millum Andrass Thomsen og Pál Joensen
  • 50 bringa kvinnur, Karina Petersen eigur metið og svimur
  • 100 frí menn, Kristian Olsen og Dánjal Martin Hofgaard eru heilt nær metinum, og svimja
  • 4×100 frí kvinnur
  • 4×100 blandað menn

Leygardag (innleiðandi kl 09:00, finalur kl 18:15)

  • 400 frí kvinnur, tøtt holmgonga millum Juttu Thomsen og Monu Simonsen
  • 100 firvald menn, tøtt holmgonga millum Pál Joensen og Kára á Høvdanum
  • 200 firvald kvinnur, møguliga Shaila í serflokki, men við Bjørg og Nataliu í hølunum á sær
  • 200 frí menn, Andrass Thomsen eigur metið og svimur, men fær harða kapping frá Pál
  • 100 bringa kvinnur, tøtt kapping millum Karinu Petersen og Maluna Bærendsen, nær metinum
  • 50 rygg menn, Kári á Høvdanum eigur metið og svimur
  • 200 rygg kvinnur, Elspa Mørkøre eigur metið og svimur
  • 100 blandað menn, Beinir E. Danielsen eigur metið og svimur, við Andrass og Pál í hølunum á sær
  • 400 blandað kvinnur, Elspa Mørkøre eigur metið og svimur
  • 100 bringa menn, tøtt holmgonga millum Pál Joensen og Jákup Øssurson
  • 50 frí kvinnur, Elspa Mørkøre eigur metið og svimur, við Shailu og Guðruna H. Jacobsen í hølunum á sær
  • 4×100 frí menn
  • 4×100 blandað kvinnur

Sunnudag (innleiðandi kl 09:30, finalur kl 16:05)

  • 50 bringa menn, Beinir E. Danielsen er rímiliga nær metinum
  • 100 blandað kvinnur, Elspa Mørkøre eigur metið og svimur
  • 400 blandað menn, ok ein svipsari, bara Pál svimur her, um enn rímiliga nær metinum
  • 100 firvald kvinnur, her verður tøtt kapping millum Bjørg og Shailu, og kanska Nataliu Reinhardt
  • 400 frí menn, Pál Joensen eigur metið og svimur, men Andrass kann eisini gera seg galdandi her
  • 200 frí kvinnur, Elspa Mørkøre eigur metið og svimur
  • 100 rygg menn, Kári á Høvdanum eigur metið og svimur
  • 50 rygg kvinnur, Elspa Mørkøre eigur metið og svimur
  • 200 firvald menn, holmgonga millum Kára og Pál, báðir hava átt metið seinasta árið
  • 200 bringa kvinnur, Malan er nær metinum, men annars hørð kapping millum tríggjar
  • 50 frí menn, her eru Kristian Olsen og Pauli Ø. Mohr heilt nær metinum, og annars ein rúgva í hølunum á teimum
  • 4×50 frí kvinnur
  • 4×50 frí menn

Altso sum heild ein rúgva av kappingum har bestu svimjarar annaðhvørt eiga metið ella eru heilt nær tí. Og hóast tað í summum førum er rættiliga langt niður til nummar tvey, so eru tað líka nógvar har tey næstu hava møguleika at koppa nummar 1. Man veit jú ongantíð heilt hvussu dagsformurin er, og um nakar kanska rakar formtoppin betur enn hini.

Sum sagt, so sendir SVF bara frá finalunum fríggjakvøldið, og tað handlar tí um at fara niðan at hyggja. Tað kostar millum lítið og einki at koma inn, tey taka nakrar krónur fyri eina skrá, og útsiktin er frálík frá balkongini av. Umframt úr kantinuni, har HS plagar at diska upp við nógvum góðum, fyri ein rímiligan penga. So komið bara niðan og hjálpið til at gera hesa stevnuna ógloymandi.

Eingin tikin fyri doping í Melbourne

FINA skrivar her at antidopingmyndugleikarnir gjørdu tilsamans 393 dopingkanningar á HM í Melbourne, av tilsamans 233 íðkarum úr 40 londum. Av teimum vóru 304 kanningar vanligar urinkanningar (har tey kanna fyri klassisk dopingevni sum anabolskar steroidir o.t.), og 89 urinkanningar at staðfesta EPO. Men einki varð funnið.

Oussama Mellouli viðgongur doping

Dopingroyndirnar staðfestu amfetaminir í blóðinum hjá honum runt US Open í Indianapolis í fjør, og Mellouli viðgekk at hava tikið onkra tablett til at halda seg vaknan upp undir eina roynd í skúlanum. Tunesiska svimjisambandið helt at hann skuldi sleppa við eini ávaring, men nú er spurningurin um tað ikki verður meira enn so. Ikki so gott, tá man júst hevur vunnið gull og silvur á HM.

Dopingreglurnar eru eftir øllum at døma eitt sindur óklárar hesum viðvíkjandi. FINA og CAS (Court of Arbitration of Sport) siga ‘andan í lógini’ vera at eitt og hvørt ítróttarfólk hevur ábyrgd fyri hvat sum fer í kropp teirra, meðan WADA (World Anti Doping Association) sigur at straffurin kann minkast um evnið annaðhvørt er vanligt í medisini, ella ikki verður mett at betra um ítróttarligu evnini.

Líka mikið, FINA hevur nú biðið CAS um at endurviðgera positivu dopingroyndina hjá Mellouli. Straffurin kann sambært SwimNews verða útilokilsi frá 2 mánaðum til 2 ár, og hartil skulu úrslit hjá honum strikast runt hendingina. Ikki so gott, við tað at hansara gull í 800 frí og silvur í 400 frí á HM í Melbourne eftir øllum at døma kunnu vera innan fyri hesi tíðargrensu.

Lesið upprunaligu tíðindini her á SwimNews

FM 2007 Upphiting og Hjálparfólkafundur

Upphiting og byrjan at svimja.

Fríggjadag

  • Innleiðandi: upphiting kl 07:30 og kapping kl 09:00
  • Finalur: upphiting kl 16:15 og kapping kl 18:15.

Leygardag

  • Innleiðandi: upphiting kl 07:30 og kapping kl 09:00
  • Finalur: upphiting kl. 16:15 og kapping kl 18:15.

Sunnudag

  • Innleiðandi: upphiting kl 08:00 og kapping kl 09:30
  • Finalur: upphiting kl 14:15 og kapping kl 16:05.

Continue reading FM 2007 Upphiting og Hjálparfólkafundur

5 føroysk met sett í Aalborg í vikuskiftinum

Sum tit kunnu lesa her á tsvim.com, og her og her á ssf.fo, so hava Elspa Mørkøre og Jutta Thomsen luttikið á ‘Danske HoldMesterskaber’ í gjár og í dag, fyri West Swim Esbjerg. Úrslitið varð avbera gott, at Elspa setti 4 nýggj føroysk met og Jutta eitt.

Nýggju metini hjá Elspu eru:

  • 400 frí blandað: 4:57.66
  • 200 blandað: 2:21.49
  • 100 rygg: 1:04.20
  • 200 rygg: 2:18.11

Og tað hjá Juttu:

  • 800 frí: 9:08.02

Talan er um stutthyljamet (25 metra hylur), har HM í Melbourne var í langum hyli (50 metrar). Metið hjá Juttu kemur tí ikki í staðin fyri metið hjá Monu frá HM, av tí at hyljarnir vóru ymiskir. Men hetta boðar absolutt frá góðum til FM um 14 dagar, tá ið báðar vælsagtans kunnu væntast at fara at kappast í greinini.

Báðar genturnar svumu forrestin undir gullnálatíð.