Pál nevndur í LEN Magazine, frá HM í Melbourne

He he, betur seint enn ongantíð, ha, at eg finni hendan stubban?

Faeroese swimmers participated at the World Championships for the first time in Melbourne. Small as their delegation was, its members entered events with Pal Joensen (17) swimming in each of the freestyle events ranging from the 50m to 1500m. He only skipped the 800 m event – a praiseworthy effort indeed.

Danir fara nokk allíkavæl at loyva langum draktum

Danska Svimjisambandið skrivar í dag á heimasíðu síni, at tey vænta eina reglugerð um ‘kappingardraktir’ at vera klár umleið nýggjár ella fyrst í januar. Tey avgjørdu sum kunnugt fyrr í desember at hesar nýggju superdraktirnar skuldu verða ólógligar í aldursbólkunum undir junior og senior, men mangla enn nágreiniligu reglugerðina.

Hetta uppskot frá arbeiðsbólkinum bendir tó á hvussu reglugerðin verður skipað, við einum negativ-lista sum forbjóðar t.d. Speedo LZR RZR, Arena Revolution og TYR Tracer Rise, men sum so hinvegin loyvir øðrum meira ‘ófarligum’ heildraktum. Ólóglig nýtsla av hesum draktum fer at verða tulkað sum ein tekniskur feilur, sum førir til kolldøming av svimjaranum.

Heimsmet í 100 rygg til Aschwin Wildeboer

Spanski Aschwin Faber Wildeboer setti í gjár heimsmet í 100 rygg á stuttbana, tá ið hann á sponsku stutthyljameistarastevnuni í Madrid svam teinin í tíðini 49.20. ‘Gamla’ heimsmetið var 49.32, sum russiski Stanislav Donets svam á evropameistarastevnuni í Rijeka, síðsta vikuskifti.

DSC_0557

(Frá vinstru: Helge Meeuw, Stanislav Donets og Aschwin Wildeboer, eftir 100 rygg í Rijeka)
Continue reading Heimsmet í 100 rygg til Aschwin Wildeboer

Nýtt heimsmet í 4×100 frí hjá monnum

Fraklendingar hava á stevnu í Istres í Fraklandi knúst stutthyljaheimsmetið í 4×100 frí við tíðini 3:04.98, har amerikumenn á HM í Manchester í vár svumu 3:08.44. Og teir høvdu ikki ein gang brúk fyri Amaury Leveaux og Alain Bernard, men kláraðu tað við at brúka Gregory Mallet (47.41), Fabien Gilot (44.92), William Meynard (47.65) og Frederick Bousquet (45.00). Les SwimInfo

DSC_0351

(Frederick Bousquet, eftir 4×50 blandað á EM í Rijeka)

Løgtingið játtað 600.000 til føroyskan úrvalsítrótt

Løgtingið samtykti í gjár endaliga fíggjarlóg fyri 2009, har tey m.a. hækkaðu játtanina til Ítróttarsamband Føroya við 600.000 krónum, ið eru markaðar beinleiðis til úrvalsítrótt. Tað verður eftir øllum at døma ÍSF sum kemur at gera av, hvussu hesin peningur skal brúkast, við kjaki um evnið í leypi av januar mánaða.

Hávur leyp úr akvarium í svimjihyl á Bahamas

He he, ein 12 ára gamalur ‘reef shark’ leyp herfyri úr sínum akvarium, 30 cm upp um kantin og umleið 6 metrar yvir, til ein vatnrutsjibana og niður í ein almennan svimjihyl. Har vóru eingi fólk í hylinum akkurát tá, og fyri alt tað plagdu fólk eisini at svimja saman við honum í akvariuminum. Men tíverri toldi hann ikki klorið í svimjihylinum, og doyði tí hóast umsjónarfólkini royndu at bjarga honum sum skjótast. Les telegraph.co.uk

(Carribean Reef Shark, courtesy Wikimedia Commons, GNU Free Documentation License 1.2)

Nýtt heimsmet í 4×100 frí hjá kvinnum

Tær fýra niðurlendsku Hinkelien Schreuder, Ranomi Kromowidjojo, Inge Dekker og Marleen Veldhuis betraðu í gjár um heimsmetið í 4×100 frí á stuttbana, tá ið tær á hálendsku stytthyljameistarakappingini svumu 3:28.22, har heimsmetið hjá teimum frá heimsmeistarastevnuni í Manchester í vár var 3:29.42. Les SwimInfo

DSC_0424

(Tær fýra eftir at hava sett heimsmet í 4×50 frí á EM í Rijeka)
Continue reading Nýtt heimsmet í 4×100 frí hjá kvinnum

Ægir letur stórfingna gávu til tilhaldið “Sóljuna”

Tíðindaskriv úr Klaksvík …

Í samband við kappingina “Klaksvík National”, var skipað fyri lutaseðlasølu undir kappingunum, har vinningarnir vóru fartelefonir, sum Føroya Tele hevði latið.

Avgjørt var at yvirskotið frá lutaseðlasøluni skuldi fara til eitt vælgerandi endamali býnum, og fall valið á tilhaldið fyri eldri “Sóljuna” í Klaksvík.

Í samband við at tilhaldið skipaði fyri jólaborðhald fyri eldri á Klaksvíkar Sjómansheimið, handaðu umboð fyri Ægir, Símun Akursmørk og Kaj Dam, leiðaranum fyri tilhaldinum, Mamy Dahl Sørensen, ein kekk áljóðandi kr. 2.500,-


Continue reading Ægir letur stórfingna gávu til tilhaldið “Sóljuna”

Avstraliumenn forbjóða lynlásum í juniordraktum

USA og Evropa hava longu mótmælt teimum nýggjum draktunum, serliga tá ið tað kemur til yngri svimjarar, og nú heitir eisini Avstralia á altjóða svimjisambandið FINA, um at gera nakað við mátan sum draktir verða góðkendar. Tey vilja bíða til FINA hevur viðgjørt málið, fyrst í 2009, men seta tó longu nú forboð ímóti ‘superdraktum’ í yngri aldursbólkunum.

Og teirra forboð er nokk so vítt umfevnandi. Dreingir mugu bara brúka draktir sum ganga frá mjødnini av og niður á knæ, og gentur skulu brúka draktir við berum ryggi og bara stroppar um akslarnar. Og hartil verður forboð sett ímóti lynlásum og líknandi í draktini, til at fyribyrgja fyri veruligum ‘kompressiónsdraktum’ (t.e. at draktin situr so stramt, at miðjan á svimjaranum er totalt stív).

Kelda: SwimNews
Continue reading Avstraliumenn forbjóða lynlásum í juniordraktum