Vit hildu tað vera rættiliga harðar treytir í fjør, at skerpa kravtíðina til Oyggjaleikir á Álandi frá 5. bestu tíð til 3. bestu tíð á undanfarnu Oyggjaleikum. Altso tað sama sum at siga, at kravtíðin í ár vildi hava givið bronsuheiðursmerki á Rhodos. Vit spáddu kanska 4-6 at fara til Álands; men nú eru tey sjey. Fýra gentur sum í øllum førum kunna brúkast blandaðu liðsvimjingina (Birita, Malan, Shaila og Mona), og so teir tríggir Pál, Kári og Dánjal Martin. Og frá nú av leggjast tey vælsagtans bara afturat, um ikki onkur av hesum fær forfall frá kappingini á Álandi, ella verður troðkaður av liðinum av øðrum.
Continue reading Nú eru tey sjey sum hava klára kravtíð til Oyggjaleikir
Birita klárað oyggjaleika-kravtíðina í 50 rygg
Tey svimja bara heilt skjótt, her norðuri á Ægir-stevnuni í Klaksvík, har svimjarar í øllum aldursbólkum nú kappast um pláss á Oyggjaleikum og landsliðum og øðrum góðum. Til nú eru vit ikki komin gjøgnum meira enn fyrsta morgunin; men tó so hava 5 svimjarar kvalifiserað seg afturat til talentlandsliðið, 2 til DÅM, og 1 til Oyggjaleikir.
Continue reading Birita klárað oyggjaleika-kravtíðina í 50 rygg
Oyggjaleikakandidatar 2009
Nú byrjar klapp-jaktin av álvara, um hvør sum sleppur við til Oyggjaleikir á Álandi. Hvørt land kann sum kunnugt bara luttaka við tveimum svimjarum í hvørjari grein, og Svimjisamband Føroya hevur hartil sett sína egnu kravtíð, at vera triðbesta tíð í finalunum á Rhodos í 2007. Sum so aftur merkir, at kravtíðin til Áland vildi hava givið bronsuheiðursmerki á Rhodos, uttan í førinum við 50 firvald hjá monnum, har tveir fingu silvur (har er kravtíðin tí tíðin hjá honum sum varð nr. 4, við tað at eingin varð nr. 3).
Continue reading Oyggjaleikakandidatar 2009
Nýggju skamlarnir verða væntandi IKKI klárir til HM í Rom
Altjóða svimjisambandið FINA velur mest sannlíkt at bíða við at taka í nýtslu nýggju skamlarnar við ‘track-kubba’ aftast, av tí at framleiðslan er seinkað, og fleiri lond tí ikki enn hava havt møguleika at skaffa sær hesar skamlar. Les SwimNews.dk
Image courtesy of Omega
Hvørjum líkist Leveaux?
Rókur og eg hava kjakast um hvørjum Leveaux líkist. Rókur heldur Leveaux líkist Michael Caine, meðan eg haldi hann líkist meira Graham Chapman-sála úr Monty Python. Look-Alike-Meter sigur, at teir líkast líka nógv.
Michael Caine, Amaury Leveaux og Graham Chapman.
Continue reading Hvørjum líkist Leveaux?
Startlistin til Ægir stevnuna
So er startlistin klárur til Ægir stevnuna, sum verður í morgin og ovurmorgin. Luttøkan er rættiliga stór, nú svimjarar líka frá yngsta bólk til senior sleppa at kappast á somu stevnu, við til dømis 45 dreingjum og 56 gentum á startlistanum til 50 frí, og so aftur 9 og 9 á startlistanum hjá eldra bólkinum. So vítt eg dugi at síggja, so eru øll við, av teimum ‘eldru’ sum yvirhøvur hava svomið hetta seinasta svimjiárið, og man kann tí ikki siga annað, enn at tað stundar til Oyggjaleikir 🙂
Skvortsov sett heimsmet í 200 firvald
Russiski Nikolay Skvortsov setti í dag heimsmet í 200 firvald, á evsta degi av russisku stutthyljameistarastevnuni í Skt. Pætursborg.Tíðin var 1:50.53, har gamla heimsmetið hjá honum var 1:50.60. Splitt-tíðirnar vóru 25.30, 53.47 (28.17), 1:22.13 (28.66) og 1:50.53 (28.40). Les SwimNews.com
Nú skulu bringu- og firvalda-sprintarar venda undir vatnskorpuni
Kanska er tað bara eg sum eri ‘ketta upp úr høvdatrog’; men eg hevði so ongantíð hoyrt um hetta, fyrr enn Haljand nú í Tallinn fortaldi um nýggju bringu- og firvalda-vendingina. Heldur enn at venda sum vit altíð hava lært, við salto aftur á ryggin, og snar til at koma aftur á búkin, skulu serliga sprintararnir nú bara dykka inn í vendingina, og so venda ‘sum á einum borðiski’. Sum Astrið roynir at læra seg, her í videoini niðanfyri …
Continue reading Nú skulu bringu- og firvalda-sprintarar venda undir vatnskorpuni
Innbjóðing til FS ítróttardag, 21. februar
Sum tit kunnu lesa her á fsvim.com, so bjóðar Fuglarfjarðar Svimjifelag “øllum svimjifeløgum til ein øðrvísi ítróttadag, í Fuglafirði tann 21. feb., fyri seniorum, juniorum og bólki 1”. Talan verður um ymiskar kappingar inni í ítróttarhøllini, úti og í svimjihøllini, og tí skulu luttakararnir hava bæði innandura og uttandura klæðir og skógvar við (umframt vælsagtans svimjiklæðir eisini :-). Kappast verður sum einstaklingar og í bólkum, og dagurin endar við tunnusláttri og einum góðum bita. Seinasta freist at melda til er mánadagin 16. februar kl 18, og luttøkugjaldið er 50 krónur fyri hvønn.
Eingin hevur enn ‘ordiliga’ svomið tvørtur um Atlantshavið
Denver Endurance Sports Examiner skrivar her rættiliga áhugavert um tað at Jennifer Figge herfyri varð søgd at svimja tvørtur um Atlantshavið, ella umleið 2770 miles, uppá 24 dagar, at “If she had (swum across the entire Atlantic Ocean per the earlier reports), she would have swum faster than Michael Phelps — pre-bong — hour after hour, day after day”.
Continue reading Eingin hevur enn ‘ordiliga’ svomið tvørtur um Atlantshavið