Niðurlendski bringusvimjarin Lennart Stekelenburg hevur av álvara set kók í Craig Lord á SwimNews, nú hann (Stekelenburg) á Amsterdam Swim Cup í eini Speedo LZR svam fyrst 1:01.09 í innleiðandi 100 bringu í langhyli, fyri síðani at vinna silvur í greinini aftur í Speedo LZR við 1:01.90 í finaluni, har hann millum báðar riðlarnar sum eitt slag av mótmæli svam 59.50 í eini Jaked drakt, í serligum eyka (men ótýðandi) ‘timed trial’. Stekelburg vildi sambært Craig Lord vísa á órættvísi við hesum allarnýggjastu draktunum; og tá skulu vit væl minnast til, at Speedo LZR absolutt eisini er ein superdrakt.
Continue reading Stekelenburg ávíst at Jaked er enn betri enn Speedo LZR
Kunning um MU 2009
Meistarastevnan fyri Ung verður komandi vikuskifti í Klaksvík, fyri bólkarnar 1, 2 og 3, sum eru svimjarar frá umleið 10 ár til 16 ár. Viðfest er kunning frá Svimjinevnd SSF um tiltakið, harúr eg her niðanfyri listi upp tíðarætlanina:
- Fríggjadagur 24. apríl: Upphiting kl 18:30, Kapping kl 19:30
- Leygarmorgun 25. apríl: Upphiting kl 09:00, Kapping kl 10:00
- Leygardagur 25. apríl: Upphiting kl 15:00, Kapping kl 16:00
- Sunnudagur 26. apríl: Upphiting kl 13:00, Kapping kl 14:00
Oyggjaleikaúttøka 2009
Frá Svimjisambandi Føroya
Hey tit
Hesi svimjararnir eru úttiknir til Oyggjaleikur á Álandi 2009:
Úr Flot:
Birita Debes
Úr Fuglafjarðar Svimjifelag
Kári Jóannesarson á Høvdanum
Pauli Ø. Mohr
Poula Ø. Mohr
Úr Havnar Svimjifelag:
Guðrun Holm Jacobsen
Andrass Thomsen
Bjørg Seloy
Úr Suðuroyar Svimjafelag:
Katarina Lamhauge
Malan Vitalis Bærendsen
Mona Simonsen
Pál Joensen
Shaila millum Garðarnar
Úttøka av venjarum og leiðarum verður gjørd fyrrapart týsdag.
Heilsan
Jon Hestoy
Svimjisamband Føroya
Continue reading Oyggjaleikaúttøka 2009
Marleen Veldhuis sett heimsmet í bæði 50 frí og firvald í dag
Fyrst tók hon langhyljametið frá Therese Alshammer í 50 firvald, við á Amsterdam Swim Cup at svimja 25.33 har metið hjá Alshammar frá 2007 var 25.46. Og síðani betraði hon eisini um metið í 50 frí, við at svimja 23.96 har Libby Trickett 23.97 í 2008. Lesið her á SwimmingWorld Magazine
Bjørg er við í 100 rygg, Astrið reyk út í 50 firvald
Bjørg Seloy úr Havn var bara fáar hundraðpartar frá 2. plássið í 50 rygg í gjár, og tí í vanda fyri ikki at kunna koma við til Oyggjaleikir, hóast hon hevði klárað kravtíðina. Men í dag vann hon so 100 rygg við imponerandi 1:05.83, klárt undir oyggjaleikakravtíðina á 1:07.14.
Hinvegin reyk Astrið Foldarskarð av sínum 2. plássi til Oyggjaleikir á Álandi, tá ið Guðrun Holm Jacobsen í dag fleyg á mál í tíðini 29.88, tríggjar hundraðpartar frá føroyska metinum hjá Shailu. Shaila svam ikki sjálv í dag, men er tó trygg við sínum 29.85 frá stevnu í februar, umframt onkrari góðari langhyljatíð eisini. Og Astrið varð tí nummar trý, og reyk av oyggjaleikaliðnum, hóast hon í dag varð nummar tvey við einari habilari forbetring av sínari bestu stutthyljatíð, til 30.54.
Eftir mínari uppteljing eru tey nú 12 sum hava kvalifiserað seg til Oyggjaleikir: Pál, Kári, Pauli og Andrass, og Shaila, Mona, Guðrun, Malan, Katarina, Bjørg, Birita og Poula. Men tað verður ikki fyrr enn í morgin at vit vita heilt offisielt hvør sum er sloppin við, tá ið fyrst landsliðsnevnd og síðani starvsnevnd hava fundast um málið.
Continue reading Bjørg er við í 100 rygg, Astrið reyk út í 50 firvald
Cameron van der Burgh sett heimsmet í 50 bringu
Suðurafrikanski Cameron van der Burgh setti í gjárkvøldið nýtt heimsmet í 50 bringu á langgeil, tá ið hann á South African National Championships í gjárkvøldið svam teinin í tíðini 27.08, har heimsmetið hjá ukrainska Oleg Lisogor var 27.18. Lesið her á SwimmingWorld Magazine og síggið video niðanfyri.
Andrass og Poula klár til Oyggjaleikir, Birita til HM
Tað var rómur í allari høllini, frá øllum feløgum, nú Andrass Thomsen kláraði at kvalifisera seg til Oyggjaleikir á Álandi, við tíðini 4:04.30 í 400 frí. Og løtu seinni var ikki minni rómur, tá ið bæði Birita Debes og Poula Ø. Mohr og Bjørg Seloy svumu undir oyggjaleikakravtíðina í 50 rygg, við ávíkavist 30.41, 30.83 og 30.88. Og 13 ára gamla Birita enntá so mikið skjótt, at tað eisini var undir kravtíðina til heimsmeistarastevnuna í Rom í summar.
(Dánjal Martin og Kári fegnast um at Andrass hevur klárað kravtíðina)
Løtu seinni svam Pauli Ø. Mohr við tíðini 52.76 seg eisini undir oyggjaleikakravtíðina í 100 frí, og at enda sloppu rygg-genturnar aftur at kappast um tey plássini í 50 rygg á Oyggjaleikum, í 4×50 blandað stafettini, við tíðunum Birita 30.69, Bjørg 31.02 og Poula 31.07. Har er altso harður kampur um serliga annaðplássið, og einki er tí avgjørt fyrr enn tær hava svomið 100 rygg, í fyrstu kapping í morgin seinnapart.
(Poula fær klemm frá Hildur, eftir teir 50 rygg)
Continue reading Andrass og Poula klár til Oyggjaleikir, Birita til HM
Pál 14:47.57 í 1500 frí á DHM í DK
Pál Joensen luttekur sum kunnugt ikki á Oyggjaleikaúttøkustevnuni, nú um dagarnar, men kappast í staðin á donsku meistarakappingini fyri lið, har hann skal hjálpa Aalborg Svømmeklub at verða verandi í ‘Svømmeligaen’, sum er besta deild hjá dønum. Í morgun svam hann so 1500 frí við tíðini 14:47.57, sum er ein absolutt habil tíð, um enn ikki heilt so skjótt sum hansara 14:39.99 á EM í Rijeka. Tíverri svumu Pál og Mads Glæsner ikki í sama riðli, og Glæsner hevði tí fyrimun av at kenna tíðina hjá Pál, tá ið hann skuldi í hylin. Og úrslitið varð tí kanska einamest tí, at Pál varð nr 2 í kappingini, aftanfyri Mads Glæsner sum svam 14:44.19.
(Kaj Joensen, pápi Pál, fylgir við á LiveTiming úr høllini í Gundadali)
Continue reading Pál 14:47.57 í 1500 frí á DHM í DK
Pauli 23.74 í 50 frí: Føroyskt met og undir kravtíð til EJM
Pauli Ø. Mohr svam í morgun 50 frí í tíðini 23.74, sum er nýtt føroyskt met og undir kravtíð til evropeisku meistarastevnuna í Prag, umframt undir kravtíðina til Oyggjaleikir. Hann átti sjálvur metið á 23.96, frá kapping í Vági í mars mánaða. Av øðrum tíðindum kann nevnast, at Kári J. á Høvdanum við 26.47 svam seg undir oyggjaleikakravtíðina eisini í 50 firvald, har hann longu hevur kvalifiserað seg í rygg-teinunum.
Mona bara eitt hálvt sekund frá HM kravtíðini í 800 frí
Kvøldið í kvøld beyð ikki uppá nakran nýggjan oyggjaleikasvimjara; men Mona Simonsen kom hinvegin øgiliga nær kravtíðini til heimsmeistarastevnuna í Rom, tá ið hon svam 800 frí við tíðini 9:02.66, har kravtíðin til HM er 9:02.19. Hetta var tó sjálvsagt væl undir oyggjaleikakravtíðina á 9:10.50, og eisini klárt besta tíð hjá Monu. Jutta Thomsen eigur føroyska metið frá Oyggjaleikum á Rhodos, sum er 9:01.58.
Continue reading Mona bara eitt hálvt sekund frá HM kravtíðini í 800 frí