Enn hevur mær vitandi eingin føroyingur enn luttikið hjá okkara nærmastu grannum í eystri, og nú siglir Norrøna tíverri heldur ikki longur handan vegin. Men luttakararlistin er øgiligur fyri tað, við heimsstjørnum sum Stefan Nystrand, Josefin Lilllehage, Jeanette Ottesen, Cameron van der Burgh, Lotte Friis, Aschwin Wildeboer, Mads Glæsner, Sara Nordenstam og Alexander Dale Oen. Sí www.bergenswimfestival.no, og síggið startlistarnar her. Stevnan er nú um vikuskiftið, samstundis sum FM í Havn.
Tíðindaskriv frá SSF, um JM/FM 2009
Tíðindaskriv frá Svimjisambandi Føroya
Komandi vikuskifti skipar Svimjisamband Føroya fyri 36-indi árligu Føroyameistarastevnuna í svimjing, í Svimjihøllini í Gundadali. Hendan stevna er í ár fyri fyrstu ferð eisini juniormeistarastevna, eftir at føroysku aldursbólkarnir vórðu broyttir í fjør heyst, til nú at umfata eisini aldursbólkin ‘juniorar’.
Continue reading Tíðindaskriv frá SSF, um JM/FM 2009
Startlistin til FM 2009
So er startlistin klárur til Føroyameistarastevnuna 2009, ið sum kunnugt verður nú komandi vikuskifti. Eitt eintak er viðfest her niðanfyri, og hartil ber til at síggja hann og annað gott á livetiming.se, har tað eisini fer at bera til at fylgja við kappingini ‘live’. Vit fara sum vanligt at seta www.svimjing.com/live upp eisini, til at vísa hesi ‘live’ úrslit, videobrot og chat og annað, í tann mun sum tilfar er tøkt. Og so mugu vit ikki gloyma, at Kringvarpið fer at senda beinleiðis sjónvarp frá finalupørtunum fríggjakvøld og leygarkvøld, og mest sannlíkt at leggja tað út sum ‘live stream’ á internetinum eisini.
HS nýggjan høvuðsvenjara
Tíðindaskriv frá HS
Havnar Svimjifelag hevur sett nýggjan høvuðsvenjara í starv fyri komandi kappingarár.
Christian Tessner, ið er 28 ár, hevur útbúgving í ítrótti frá lærdaháskúlanum í Leipzig í Týsklandi, við svimjing sum sergrein. Somuleiðis hevur hann venjaraútbúgving frá tí týska svimjisambandinum.
Christian er sjálvur gamal svimjari og hevur royndir sum venjari í ymiskum svimjifeløgum í Týsklandi.
Ein av uppgávinum hjá Christian er at verða venjari á kappinarliðnum hjá felagnum, hann hevur eisini ta ítróttarligu ábyrgdina av allari svimjing í felagnum.
Vinarliga
Havnar Svimjifelag
Sigurd L. Lamhauge, formaður
Continue reading HS nýggjan høvuðsvenjara
Hug at síggja nýggja takið hjá Phelps ‘live’?
Michael Phelps fer tann 14. – 17. mai at kappast aftur fyri fyrstu ferð síðani OL í Beijing, á amerikansku svimjistevnuni “Charlotte UltraSwim”. Hann hevur fyri tíð síðani nevnt at hann har fer at royna ein frí-teknikk, og at man fer at kunna síggja broytingina longu í fyrsta taki. Nú skriva tey so á SwimmingWorld, at hendan stevna verður send ‘live’ á Universal Sports, umframt at kunna síggjast ‘live’ á internetinum, á heimasíðuni swimnetwork.com hjá amerikanska svimjisambandinum.
Móð(ur) í leypi av DM?
Danski talentmennarin Michael Hinge skrivar her á bloggu síni á svoem.dk, um hvussu nógv ein svimjari í veruleikanum svimur, um viðkomandi kappast og kemur í finalu allar 6 dagar á DM: “Under et DM er det ikke usædvanligt at man svømmer 2500 meter i indsvømning om morgenen, 2 løb á 200 meter, ca. 1000 restitution i alt. Indsvømning til finalen 1200-1500 et par løb igen á 200 meter og 1000 løs og lidt når stævnet er forbi, typisk 1000 meter igen. I alt godt 7000 om dagen, i 6 dage giver det med simpel hovedregning 42.000 meter. Lidt af en mundfuld hvis man ugen før var nede på eksempelvis 22.000 meter”.
3 heimsmet afturat í Moskva
Anastasia Zueva betraði eitt sindur meira um sítt nýggja heimsmet í 50 rygg, við at svimja 27.47 í finaluni har hon í innleiðandi svam 27.48. Og Yuliya Efimova setti heimsmet tvær ferðir í 50 bringu, við fyrst at svimja 30.23 í semifinaluni, har heimsmetið hjá avstalsku Jade Edminston var 30.31, og síðani í finaluni at svimja 30.05. Les SwimNews.com
Anastasia Zueva sett heimsmet í 50 rygg
Hetta hendi á russisku meistarastevnuni á langgeil, tá ið tann bara 18 ára gamla Anastasia Zueva í innleiðandi riðlunum svam 27.48, har heimsmetið hjá avstralsku Sophie Edlington var 27.67. Les her á SwimNews.dk.
Draktir skulu latast inn og merkjast á HM í Rom
Hetta veit Craig Lord at siga, her á SwimNews.com: “We do now know what is yet to be revealed in detail: all suits that swimmers intend to wear in racing in Rome will have to be handed in a few days before action gets underway and those suits will be tagged in some way that will allow an official to use a supermarket-checkout-like gun to read a bar code and know that the swimmer is wearing the approved suit he or she submitted for tagging”.
Continue reading Draktir skulu latast inn og merkjast á HM í Rom
Nystrand tikið 4 kg uppá (av vøddum)
Ásannandi at serliga stórir svimjarar hava fyrimun av flótievnunum í nýggju draktunum, hevur Stefan Nystrand í vetur tikið uppá 4 kg av vøddum, og stríðist nú við at finna teknikkin aftur. Men nú byrjar ferðin at koma, so at hann nú svimur skjótari enn áðrenn OL í Beijing. Venjarin Anna Forsell heldur at tað fer at taka til HM í Rom áðrenn hann er heilt klárur at brúka sína øktu styrki. Og so er ein heilsan til draktirnar eisini – Nystrand vil helst sleppa av við tær aftur, og aftur í lítlar svimjibuksur, eisini so at áskoðararnir hava nakað at hyggja at 🙂