Nýtt heimset í 50 rygg hjá kvinnum

Kinesiska Yang Li hevur við tíðini 28.09 sett nýtt heimset í 50 rygg á langbana, á “World Military Games” í Hyderabad, India. Amerikanska Leila Vaziri átti gamla metið á 28.16, sum hon setti á heimsmeistarastevnuni í Melbourne í vár. Báðar eru rættiliga ókend ‘stjørnuskot’ sum nú knappliga gera um seg. Lesið her á SwimmingWorld Magazine.

FINA World Cup byrjar í dag

Fyrsta World Cup svimjistevnan byrjar í dag í Durban, Suðurafrika, har størstu svimjistjørnurnar kappast í 25 metra hyli um heiðursmerki og eina rúgvu av dollarum í pengapremium (1 millión dollarar tilsamans fyri alla World Cup seriuna). Tak meg ikki í tí, men tað ber eftir øllum at døma til at síggja kappingarnar ókeypis men forskotnar her á WCSN.com, ella ‘live’ við at gjalda $4.95.
Continue reading FINA World Cup byrjar í dag

Innbjóðing til Silva Cup í Leirvík í november

Svimjifelagið Reki bjóðar til svimjistevnu í Leirvík tann 9. og 10. november 2007, fyri bólkar 1,2 og 3. Viðfest er innbjóðingin frá Reka, umframt neyðuga WinGrodan kappingarfílan til tilmeldingar. Seinasta freist at melda til er fríggjadagin 2. november kl 21:00.

Startlistarnir til DMK eisini klárir

DanmarksMesterskaberne på Kortbane eru í Greve umleið samstundis sum Køge Open er í Køge og Herfølge, og har luttaka sum kunnugt eisini føroyingar. Serliga Pál Joensen liggur væl fyri hjá SuSwim, meðan Elspa Mørkøre ger seg galdandi fyri WestSwim.

Pál liggur til eitt triðjapláss í 800 frí og eitt annaðpláss í 1500 frí. Um vit hyggja at Elspu sum luttekur fyri danska svimjifelagið WestSwim, so hevur hon triðbestu tíð í 200 rygg og 200 frí, fjórbestu tíð í 50 rygg, og annars rættiliga nógvar plaseringar í topp 10. Hinir føroyingarnir eiga eisini rættiliga nógvar flottar plaseringar í hesi rættiliga nógv harðari kappingini enn Køge Open, um enn tey ikki liggja til eitt finalupláss.

Sí startlistarnar til kappingar 1-24 og 25-46, og annars síðuna hjá danska svimjisambandinum viðvíkjandi DMK, umframt heimasíðuna hjá stevnufyriskiparunum GTI.

Danska meistarakapping er frá 25. til 28. oktober og Køge Open frá 26. til 28. oktober, so har verður nokk veldugt lív av føroyingum runt Køge Bugt í næstu viku.


View Larger Map

Startlistarnir til Køge Open klárir

Nú er bara 1½ vika til einir 120 føroyingar fara niður á stóra svimjistevnu í Køge og Herfølge, og startlistanir liggja tí klárir her á heimasíðuni hjá Køge Svømmeklub. Serliga Kári á Høvdanum liggur væl fyri til at taka heiðursmerki í hylinum í Køge, meðan Reka-genturnar gera seg galdandi í hylinum í Herfølge.
Continue reading Startlistarnir til Køge Open klárir

ÍSF evnisdagur um framtíðina hjá føroyskum ítrótti

Sá nú tilfeldigvís her á isf.fo, at Ítróttarsamband Føroyar skipar fyri evnisdegi tann 10. november 2007, við evninum “Føroyskur ítróttur í framtíðini”. Hvørt sersamband skal eftir ætlan luttaka við trimum luttakarum í part, og hartil verða so umboð frá ÍSF og DSNÍ (?). Tilmeldingarfreistin er 25. oktober kl 12.

Ætlanin er eftir øllum at døma at fáa staðfest støðuna hjá føroyskum ítrótti í dag, at gera nakrar málsetningar fyri føroyskan ítrótt ár 2020, og síðani skifta orð um hvussu vit røkka málunum. Tey fara í stóran mun at arbeiða í bólkum á 5, sum so neyðturviliga merkir at har verða fólk úr ymisku sersambondunum á hvørjum liði.

Ziegler aftur sett heimsmet í 800 frí

Fyrst setti hon heimsmet í 800 frí á veg til eisini at seta heimsmet í 1500 frí, og so knúsar hon tað aftur í veruligu kappingini í 800 frí. Laure Manaudou átti gamla metið á 8:11.25, sum Ziegler so fyrst betraði við splitt-tíð 8:09.68, og nú tveir dagar seinni við 8:08:00. Lesið her á SwimmingWorld.

Ziegler á YouTube

Svimjifelagið SG Essen hevur tikið uppá og lagt út video av teimum báðum heimsmetunum hjá Kate Ziegler herfyri, á YouTube so at tað er lætt (og lógligt) til dømis hjá okkum her á svimjing.com at leggja videoina á heimasíðuna. Fyrsta video vísir teir 1500 fram til hon setur heimsmet í 800, og seinna vísir so restina fram til heimsmet eisini í 1500 frí.

Continue reading Ziegler á YouTube

ÚF prát við Brian Marshall í kvøld

Útvarpið hevði áhugavert prát við nýggja landsliðsvenjaran Brian Marshall í kvøld, í sambandi við fyrstu landsliðslegu hansara í Klaksvík nú í vikuskiftinum.

Eftir øllum at døma eru ætlanirnar hjá honum at samansjóða føroyska landsliðsarbeiðið við arbeiðið hjá íslendingum, har hann eisini er landsliðsvenjari. Hann fer at hava eina fýra landsliðslegur í Føroyum hetta svimjiárið, umframt at egnaðir føroyingar sleppa til Íslands at venja við íslendska landsliðnum. Tey fyrireika eisini eina felags luttøku á stevnu sunnanfyri í summar.

Hann tosaði eisini um innihaldið á landsliðsleguni nú í vikuskiftinum. Hann hevur onkur videodømi við av góðum teknikki, og ætlar sær annars at kanna landsliðssvimjararnar við onkrum serligum telduforriti .