100% luttøka í finalum í dag

Tíðindaskriv frá Svimjisambandi Føroya

Í dag eru føroyingar við í øllum 10 finalum, við 100% kvalifikatión frá innleiðandi riðlunum. Útlitini eru sum heild góð, nú tey 4 ferðir vóru skjótast av øllum, 1 ferð næstskjótast og 5 ferðir trið, uttan at nakar veruliga noyddist at geva seg fult út. Shaila millum Garðarnar setti nýtt oyggjaleikamet í 50 frí við tíðini 26.69, har Natalie Bree av Jersey átti metið á 26.90 frá Oyggjaleikum á Isle of Man í 2001. Føroyska metið eigur hon sjálv, á 26.49 frá EM í Kroatia, við Guðruna í hølunum á 26.66.

Úrslitini í morgun vóru hesi:

  • 100 blandað menn: Pál Joensen 1:01.06 (1)
  • 400 frí kvinnur: Mona Simonsen 4:31.54 (3)
  • 200 rygg menn: Kári J. á Høvdanum 2:08.80 (3)
  • 100 bringa kvinnur: Malan V. Bærendsen 1:17.06 (1)
  • 100 bringa kvinnur: Katarina S. Lamhauge 1:17.92 (4)
  • 100 frí menn: Pál Joensen 52.59 (3)
  • 100 frí menn: Pauli Ø. Mohr 53.04 (6)
  • 50 frí kvinnur: Shaila millum Garðarnar 26.69 (1) – Oyggjaleikamet
  • 50 frí kvinnur: Guðrun H. Jacobsen 27.50 (3)
  • 50 firvald menn: Pál Joensen 26.36 (1)
  • 50 firvald menn: Kári J. á Høvdanum 27.25 (6)
  • 200 rygg kvinnur: Birita Debes 2:27.60 (5)
  • 200 rygg kvinnur: Bjørg Seloy 2:28.33 (6)
  • 4×100 blandað menn: SSF 4:07.32 (3) – Kári, Pál, Andrass, Pauli
  • 4×100 frí kvinnur: SSF 4:07.36 (2) – Poula, Guðrun, Mona, Shaila

Continue reading 100% luttøka í finalum í dag

Føroysku svimjararnir vunnið umleið helvtina av gullmerkjunum

Tíðindaskriv frá Svimjisambandi Føroya

Nú er svimjistevnan á Oyggjaleikum komin í helvt, og føroysku svimjararnir hava vunnið 10 av 22 møguligum gullheiðursmerkjum. Dagurin í dag sær ikki minni spennandi út enn hinir undanfarnu, við tað at vit rættiliga sannlíkt kunnu vinna minst 5 gullheiðursmerki, og sikkurt eina rúgvu av øðrum eisini.

CIMG9068

Kappingarnar í dag eru:

  • 100 blandað menn: Pál Joensen (1)
  • 400 frí kvinnur: Mona Simonsen (3)
  • 200 rygg menn: Kári J. á Høvdanum (2)
  • 100 bringa kvinnur: Malan V. Bærendsen (1) og Katarina S. Lamhauge (5)
  • 100 frí menn: Pál Joensen (1) og Pauli Ø. Mohr (4)
  • 50 frí kvinnur: Shaila millum Garðarnar (1) og Guðrun H. Jacobsen (2)
  • 50 firvald menn: Pál Joensen (2) og Kári J. á Høvdanum (4)
  • 200 rygg kvinnur: Bjørg Seloy (7) og Birita Debes (10)
  • 4×100 blandað menn: SSF (eingin tilmeldingartíð)
  • 4×100 frí kvinnur: SSF (eingin tilmeldingartíð)

Continue reading Føroysku svimjararnir vunnið umleið helvtina av gullmerkjunum

Nú hava allir svimjararnir vunnið gull

Tíðindaskriv frá Svimjisambandi Føroya

Eitt av succéskriteriunum hjá Svimjisambandinum til hesar Oyggjaleikir var at allir okkara svimjarar skuldu vinna okkurt heiðursmerki, um tað so var úr gulli, silvuri ella bronsu. Og nú svimjistevnan á Álandi er hálvrunnin, mugu vit siga at hetta er rokkið við lít, við tað at tey øll 12 hava vunnið gullheiðursmerki og sett føroyskt met, sum einstaklingur ella sum partur av eini liðsvimjing.

CIMG9663

Føroyska luttøkan í finalum í dag:

  • 800 frí kvinnur: Mona Simonsen 8:58.61, gull og føroyskt met
  • 400 blandað menn: Pál Joensen 4:23.19, silvur og føroyskt met
  • 200 bringa kvinnur: Malan V. Bærendsen 2:38.93, gull og føroyskt met
  • 200 bringa kvinnur: Katarina Lamhauge 2:40.26, bronsa
  • 100 rygg kvinnur: Bjørg Seloy 1:04.97, gull
  • 100 rygg kvinnur: Birita Debes 1:05.34, bronsa og juniormet
  • 50 bringa menn: Pál Joensen 29.72, silvur og føroyskt met
  • 50 firvald kvinnur: Shaila millum Garðarnar 29.11, gull og føroyskt met
  • 50 firvald kvinnur: Guðrun H. Jacobsen 29.57, bronsa
  • 200 frí menn: Pál Joensen, gull og oyggjaleikamet
  • 4×50 blandað kvinnur: SSF 1:58.86, gull, landsliðsmet og oyggjaleikamet

Continue reading Nú hava allir svimjararnir vunnið gull

Misjøvn eydna í svimjingini í morgun

Tíðindaskriv frá Svimjisambandi Føroya

Hóast tað gekk ikki heilt eftir vild í morgun, so megnaðu okkara svimjarar at kvalifisera seg til 11 finalupláss í kvøld, í 8 kappingum av 11 møguligum, umframt at seta tvey føroysk met.

CIMG9536

Úrslitini í morgun vóru hesi:

  • 800 frí kvinnur: Mona Simonsen 9:02.66 (1)
  • 400 blandað menn: Pál Joensen 4:40.43 (1)
  • 200 bringa kvinnur: Katarina Lamhauge 2:45.69 (2) og Malan V. Bærendsen 2:47.09 (6)
  • 100 firvald menn: Pál Joensen 1:00.51 (9) og Kári J. á Høvdanum 1:01.06 (10)
  • 100 rygg kvinnur: Birita Debes 1:07.15 (3) og Bjørg Seloy 1:08.53 (4)
  • 50 bringa menn: Pál Joensen 30.61 (3)
  • 50 firvald kvinnur: Shaila millum Garðarnar 29.29 (1) og Guðrun Holm Jacobsen 29:48 (3)
  • 200 frí menn: Pál Joensen 1:53.39 (2) og Andrass Thomsen 1:59.16 (9)
  • 200 blandað kvinnur: Eingin føroyskt luttøka
  • 4×50 frí menn: SSF kolldømdir vegna tjóvstart
  • 4×50 blandað kvinnur: SSF 2:05.62 (2)

Continue reading Misjøvn eydna í svimjingini í morgun

Guðrun og Shaila settu føroysk met í 50 firvald

Shaila millum Garðarnar og Guðrun Holm Jacobsen eru nú styrkismettar ávíkavist sum nr 1 og 3 í 50 firvald, eftir at Guðrun Holm Jacobsen fyrst setti føroyskt met við tíðini 29.41 í triðseinasta riðli, og Shaila millum Garðarnar síðani føroyskt met aftur við tíðini 29.29. Favoritturin Ebony Jacklin svam 29.45, og varð tí degraderað til eina styrkismeting sum nr 2, eftir innleiðandi.

Grús í maskinaríið

Puha, tað gekk ikki heilt sum ætlað í morgun. Pál og Kári feilmettu mótstøðuna í 100 firvald, so at teir báðir gjørdust ávíkavist nr 9 og 10 í innleiðandi, beint uttanfyri finalupláss. Andrass fór í sína gomlu bláu TYR drakt, og reyk somuleiðis beint útum finalupláss. Og í 4×50 frí hjá monnum gjørdi Pál ein tjóvstart, sum viðførdi at staffetin varð kolldømd, hóast teir heilt vist vóru nóg skjótir til at koma í finaluna.

CIMG9168
Continue reading Grús í maskinaríið

Heilt góðar vónir til gull aftur í dag

Tíðindaskriv frá Svimjisambandi Føroya

Føroysku svimjararnir vunnu sum kunnugt 4 av 11 møguligum gullheiðursmerkjum í gjár, umframt 3 úr silvuri og 4 úr bronsu. Tíðirnar vóru nóg góðar til at seta 5 føroysk met, 2 landsliðsmet og 3 oyggjaleikamet; og vit vita tí nú at støðið er nóg høgt, til veruliga at kunna vænta okkum enn fleiri heiðursmerki.

Kappingarnar í dag eru:

  • 800 frí kvinnur: Mona Simonsen (1)
  • 400 blandað menn: Pál Joensen (2)
  • 200 bringa kvinnur: Malan V. Bærendsen (1) og Katarina S. Lamhauge (3)
  • 100 firvald menn: Pál Joensen (2) og Kári J. á Høvdanum (5)
  • 100 rygg kvinnur: Bjørg Seloy (2) og Birita Debes (4)
  • 50 bringa menn: Pál Joensen (2)
  • 50 firvald kvinnur: Shaila millum Garðarnar (2) og Guðrun H. Jacobsen (3)
  • 200 frí menn: Pál Joensen (1) og Andrass Thomsen (5)
  • 200 blandað kvinnur: Eingin føroysk luttøka
  • 4×50 frí menn: SSF (eingin tilm.tíð)
  • 4×50 blandað kvinnur: SSF (eingin tilm.tíð)

Av hesum eru gullvónirnar serliga góðar til 800 frí hjá Monu og 200 frí hjá Páli, við tað at teirra tilmeldingartíðir eru klárt betri enn hjá kappingarneytunum. Malan og Katarina munnu eisini fara at gera seg galdandi í 200 bringu, sum liggur betri fyri hjá teimum enn 50 bringa, har tær vórðu nr 1 og 4 í gjár. Og so hava liðsvimjingarnar eisini heilt góðan kjans at vinna gull og seta oyggjaleikamet, soleiðis sum tey svomu í gjár.

Í hinum kappingunum eru føroysku svimjararnir ikki longri aftanfyri bestu tíð, enn at teir kunnu gera seg galdandi eisini í gullstríðnum. Pál svimur sjáldan 400 blandað, og man tí fara at betra nógv um sína tíð. Bjørg er umleið eitt sekund aftanfyri gullið í 100 rygg, og betraði seg sum kunnu næstan 3 sekund í 100 firvald í gjár. Pál er tíggjundapartar aftanfyri gullið í 50 bringu, og Shaila og Guðrun somuleiðis bara eitt vet aftanfyri gullið í 50 firvald.

Innleiðandi riðlarnir byrja kl 09:30 álendska tíð í morgun, sum er kl 07:30 í Føroyum. Finalurnar byrja kl 17:00 seinnapartin, sum er kl 15:00 í Føroyum. Til ber at fylgja við úrslitunum á www.svimjing.com/live, har eitt yvirlit eisini er yvir støðuna til nú. Hartil senda Rás2 og Kringvarp Føroya væntandi frá finalunum í kvøld.

í bussinum á veg til Godby
Rókur í Jàkupsstovu
vegna Svimjisamband Føroya

.