Video: Poula juniormet í 100 blandað
Poula Ø. Mohr svimur 1:08.15 í oyggjaleikafinaluni í 100 blandað. Fyrst eftir firvald og rygg, yees 🙂
Video: Pál oyggjaleikamet í 400 frí
Tíverri visti eg ikki av at hann fór eftir metinum um morgunin, og byrjaði tí ikki at filma fyrr enn teir fyrstu 300 metrarnir vóru svomnir. Men síðstu 100 metrarnir er meira enn einki 🙂
U.S. Nationals er ‘live’ beint nú
Tey svimja finalur nú seint um kvøldið, har yviri í Indianapolis. Amerikanska meistarstevnan og úttøka til heimsmeistarastevnuna í Rom. Til ber at síggja stevnuna ‘live’ her á universalsports.com. Til ber eisini at fylgja við tíðunum ‘live’ á www.omegatiming.com, umframt at síggja úrslitini her. Kappast verður til og við leygardagin, við finalum frá umleið kl 22:30, føroyska tíð.
Pauli í Prag
Heilsan úr Prag í gjárkvøldið: “Komu til Prag sunnukvøldið í øllum góðum. Í dag hevur Pauli vant í 50m hyli uttandura hylinum har EJM verður. Pauli sigur at vatnið følist bara væl. Stadion er flott: tveir 50m hyljar, ein inni og ein úti, og so ein 25m hylur úti. Veðrið í Prag er gott, 27 stig í skugganum”.
Street Swimming in Oslo
Tað hevur regnað so illa í Oslo, at nakrir vildu vita um tað bar til at svimja á gøtunum. Og tað sær jú út til at ganga bara heilt væl. Lesaramynd av vg.no:
Give it up for Supermanx
Løgmaður um úrslitini á Oyggjaleikum
Samandráttur av svimjingini á Álandi
Tíðindaskriv frá Svimjisambandi Føroya
Føroysku svimjararnir vunnu tilsamans 21 gullheiðursmerki, 11 silvurheiðursmerki og 11 bronsuheiðursmerki á Oyggjaleikum á Álandi. Hartil settu teir 15 nýggj oyggjaleikamet, 20 føroysk met, 7 juniormet og 6 landsliðsmet, umframt at ein svam seg til gullnál, og at ein afturat kláraði kravtíð til EM í Istanbul í desember. Allir svimjarar settu persónligt met í onkrari grein, og allir vunnu sær okkurt gullheiðursmerki, sum er eindømi í føroyskari svimjing.